Kanhaiya Kumar : महाराष्ट्राशी गद्दारी करणाऱ्यांना धडा शिकवा, महाराष्ट्राच्या स्वाभिमानासाठी मविआला विजयी करा; कन्हैयाकुमार यांचे आवाहन
Dharavi Assembly Constituency : धारावी, सायन कोळीवाड्याच्या जमिनीवर मोदीच्या मित्राची नजर आहे.धारावी बचाओसाठी मात्र काँग्रेस धारावीकरांबरोबर असल्याची ग्वाही काँग्रेस नेते कन्हैयाकुमार यांनी दिली.
मुंबई : भारतीय जनता पक्षाने ठाकरेंची शिवसेना व शरद पवार यांचा राष्ट्रवादी काँग्रेस पक्ष फोडून महाराष्ट्राच्या स्वाभिमानाशी खेळ केला आहे. तुमचे हक्काच्या मतदान भाजपाने चोरले आहे. ईव्हीएम हॅकबद्दल लोक बोलतात पण महाराष्ट्रात तर मुख्यमंत्रीच हॅक केला आहे असा आरोप काँग्रेस नेते कन्हैयाकुमार यांनी केलं. भाजप आणि त्यांच्या खास मित्राची नजर धारावी, सायन कोळीवाड्याच्या जमिनीवर आहे. धारावीकरांना बेघर करु पाहणाऱ्या प्रवृत्तींना विधानसभा निवडणुकीत चोख उत्तर द्या आणि मुंबईसह महाराष्ट्रात महाविकास आघाडीचा विजयी झेंडा फडकवा, असे आवाहनही त्यांनी केलं.
धारावी विधानसभेच्या काँग्रेस मविआच्या उमेदवार डॉ. ज्योती गायकवाड यांच्या प्रचारसभेत कन्हैयाकुमार यांनी शिंदे भाजपा सरकारवर तुफान हल्लाबोल केला. ते पुढे म्हणाले की, "धारावीत कष्टकरी लोक राहतात, त्यांनी मेहनतीच्या जोरावर धारावीचे नाव केले आहे. त्याच धारावीकरांना बेघर करण्याचे पाप भाजप करत आहे. परंतु धारावीवर कोणतेही संकट आले तर धारावी वाचवण्यात काँग्रेसचा प्रत्येक कार्यकर्ता सहभागी होईल असे राहुल गांधी यांनी म्हटले आहे.
कन्हैयाकुमार पुढे म्हणाले की, "काँग्रेसचा एक एक कार्यकर्ता तुमच्या सुख दुःखात सहभागी होणारा आहे. तुमचे हक्क, अधिकार व स्वाभिमानाचे रक्षण काँग्रेस महाविकास आघाडीच करणार आहे. तर दुसरीकडे महाराष्ट्राशी गद्दारी करणारे, महाराष्ट्राच्या स्वाभिमानीशी खेळणारे भाजपा शिंदे यांची भ्रष्ट महायुती आहे. घर बनवण्यासाठी जसे एका एका विटेची गरज असते तशीच सरकार बनवण्यासाठी एका एका आमदाराची गरज असते. धारावीतून डॉ. ज्योती गाटकवाड यांना विजयी करा तसेच विधानसभा निवडणुकीत महाराष्ट्राशी गद्दारी करुन लाडक्या मित्राचे घर भरणाऱ्या भाजपाला धडा शिकवा."
राज्यात धारावी विधानसभा मतदारसंघ हे नेहमीच पुनर्विकास प्रकल्पामुळे चर्चेतला मतदार संघ आहे. या मतदारसंघांमध्ये सध्या पुनर्विकास आणि सुविधांचा मुद्दा फार गाजतोय. या आधी या मतदारसंघांमध्ये काँग्रेसच्या वर्षा गायकवाड आमदार होत्या. खासदार झाल्यानंतर त्यांनी या मतदारसंघाच्या आमदारकीचा राजीनामा दिला आणि यावेळी त्यांच्या लहाण बहीण ज्योती गायकवाडांना उमेदवारी देण्यात आली. धारावी हा काँग्रेसचा गड समजला जातो.
ही बातमी वाचा :
महत्त्वाच्या बातम्या
