![ABP Premium](https://cdn.abplive.com/imagebank/Premium-ad-Icon.png)
Kalyan Crime: कल्याण पूर्वमधील तिसगाव परिसरात 12 वर्षांच्या मुलीची तरुणाकडून हत्या, आरोपी आदित्य कांबळे पोलिसांच्या ताब्यात
खासगी शिकवणीवरुन घरी येत होती. सोसायटीतील जिन्यातून घरात जात असताना आदित्यने पाठीमागून येऊन मुलीच्या आईला ढकलून देऊन मुलीवर चाकूने आठ वार केले.
![Kalyan Crime: कल्याण पूर्वमधील तिसगाव परिसरात 12 वर्षांच्या मुलीची तरुणाकडून हत्या, आरोपी आदित्य कांबळे पोलिसांच्या ताब्यात Kalyan Crime 12 year old girl killed by youth in Tisgaon area accused Aditya Kamble in police custody Kalyan Crime: कल्याण पूर्वमधील तिसगाव परिसरात 12 वर्षांच्या मुलीची तरुणाकडून हत्या, आरोपी आदित्य कांबळे पोलिसांच्या ताब्यात](https://feeds.abplive.com/onecms/images/uploaded-images/2023/08/17/a51eda3526c5ff46e2643947aa80da51169225254161789_original.jpeg?impolicy=abp_cdn&imwidth=1200&height=675)
कल्याण : कल्याण (Kalyan Crime) तिसगाव परिसरात एका तरुणानं एका बारा वर्षांच्या अल्पवयीन मुलीवर चाकूने हल्ला केल्याची धक्कादायक घटना आज घडली. त्या तरुणानं अल्पवयीन मुलीवर चाकूनं सात ते आठ वार केले. त्या हल्ल्यात मुलीचा मृत्यू झाला आहे. दरम्यान आसपासच्या नागरिकांनी त्या तरुणाला पकडून पोलिसांच्या हवाली केले आहे.
आदित्य कांबळे असं या तरुणाचं नाव आहे. हा तरुण मुलीवर केलेल्या हल्ल्यानंतर फिनेल प्यायला होता. त्यामुळं त्याला उपचारासाठी रुग्णालयात दाखल करण्यात आलं आहे. त्यानं अल्पवयीन हल्ल्याचे कारण अद्याप समजू शकलेलं नाही. मात्र हा तरुण काही दिवसांपासून या मुलीचा पाठलाग करत असल्याची माहिती आजूबाजूच्या नागरिकांनी दिली आहे. दरम्यान काही दिवसांपूर्वी कल्याण पूर्व परिसरात भर रस्त्यात अल्पवयीन मुलीवर बलात्काराचा प्रयत्न केल्याची घटना घडली होती. दोन विविध ठिकाणी काही तरुणावर कोयत्याने हल्ला करण्यात आला होता. गेल्या दहा दिवसात या घटना घडल्याने कल्याण पूर्व परिसरात कायदा सुव्यवस्थेचे तीन तेरा वाजले असून गुन्हेगारी प्रवृत्ती मध्ये पोलिसांचा धाक राहिलाय की नाही असा प्रश्न आता उपस्थित झाला.
काल संध्याकाळी सात वाजल्यापासून आरोपी आदित्य दुर्गा दर्शन सोसायटीच्या आवारात येऊन रहिवाशांना संबंधित मुलगी घरी किती वाजता येते याची माहिती घेत होता.रहिवाशांना तो कशासाठी माहिती घेतो याची जाणीव झाली नाही. आदित्य मृत मुलगी राहत असलेल्या सोसायटी परिसरात दबा धरुन बसला होता.मृत मुलगी बुधवारी रात्री आठ वाजता आपल्या आई सोबत खासगी शिकवणी वर्गावरुन घरी येत होती. सोसायटीतील जिन्यातून घरात जात असताना आदित्यने पाठीमागून येऊन मुलीच्या आईला ढकलून देऊन मुलीवर चाकूने आठ वार केले. तिच्या आईने मुलाला विरोध करण्याचा प्रयत्न केला. बेभान झालेल्या आदित्यने आईला दाद दिली नाही. छातीवर घाव झाल्याने मुलगी जिन्यात कोसळली.आईने आरडाओरडा करताच सोसायटीतील रहिवासी, पादचारी घटनास्थळी धाऊन आले. आदित्य तेथून पळून जात होता. रहिवाशांनी त्याला पकडून पोलिसांच्या ताब्यात दिले.
गंभीर जखमी मुलीला तात्काळ जवळच्या रुग्णालयात नेण्यात आले. तेथे उपचार सुरू करताच तिचा मृत्यू झाला असल्याचे डॉक्टरांनी घोषित केले. हल्लेखोर आदित्यने दोन वेळा प्रेमासाठी गळ घातली होती. मुलीने त्यास नकार दिला होता. तो राग त्याच्या मनात होता. त्या रागातून त्याने हे कृत्य केले असल्याचा अंदाज पोलिसांनी व्यक्त केला आहे.
कल्याण पूर्वमध्ये कायद्याचा धाक राहिला नाही गेल्या दहा दिवसांत तीन घटना घडल्या आहेत. एका अल्पवयीन मुलीला भर रस्त्यामध्ये बलात्कार करण्याचा प्रयत्न झाल्याची घटना घडली आहे. दोन विविध ठिकाणी तरुणांवर कोयत्याने हल्ला केला. एका बारा वर्षीय मुलीची एकतर्फी प्रेमातून हत्या केली. दरम्यान काही दिवसांपूर्वी कल्याण पूर्व परिसरात भर रस्त्यात अल्पवयीन मुलीवर बलात्काराचा प्रयत्न केल्याची घटना घडली होती. दोन विविध ठिकाणी काही तरुणावर कोयत्याने हल्ला करण्यात आला होता. गेल्या दहा दिवसात या घटना घडल्याने कल्याण पूर्व परिसरात कायदा सुव्यवस्थेचे तीन तेरा वाजले असून गुन्हेगारी प्रवृत्ती मध्ये पोलिसांचा धाक राहिलाय की नाही असा प्रश्न आता उपस्थित झाला.
हे ही वाचा :
पत्ता विचारण्याच्या बहाण्याने बाऊंसरलाच लुटलं, धूम स्टाईलने महागडा मोबाईल केला लंपास
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)