अयोध्येला नक्की जा म्हणजे तुमचं खरं रक्त जागं होईल; फडणवीसांचा शिवसेनाला टोला

नवी मुंबईत भाजपचे अधिवेशन सुरू आहे. यात विरोधी पक्षनेते देवेंद्र फडणवीस यांनी आपल्या भाषणातून महाविकासआघाडी सरकारवर टीका केली. काही लोक आता अयोध्येत जाण्याची भाषा करत आहे. त्यांनी अयोध्येत नक्की जावं म्हणजे त्यांचं खरं रक्त जागं होईल, असा टोला विरोधी पक्षनेते देवेंद्र फडणवीस यांनी शिवसेनेला लगावला.

नवी मुंबई : अयोध्येला नक्की जा म्हणजे तुमचं खरं रक्त जागं होईल, असा टोला विरोधी पक्षनेते देवेंद्र फडणवीस यांनी शिवसेनेला लगावलाय. पंतप्रधान नरेंद्र मोदी यांच्या नेतृत्वात अयोध्येमध्ये भव्य राम मंदिराचं निर्माण होणार आहे. यावरुन आता काहीजण अयोध्येला जाण्याची भाषा करत आहे. माझं म्हणणं आहे, की त्यांनी अयोध्येला नक्की जावं जेणेकरुन त्यांचं खरं हिंदुत्वाचं रक्त जागं होईल, असं देवेंद्र फडणवीस म्हणाले. बाळासाहेब ठाकरे यांनी जो हिंदुत्वाचा विचार दिलाय. हा विचार शिवसेना विसरली असल्याचेही फडणवीस यावेळी म्हणाले. नवी मुंबईत महापालिका निवडणुकांच्या पार्श्वभूमीवर भाजपकडून दोन दिवसीय अधिवेशनाचं आयोजन करण्यात आलंय. भाजपचे राष्ट्रीय अध्यक्ष जे. पी. नड्डा यांनी अधिवेशनाचं उद्घाटन केलं. या राज्यव्यापी अधिवेशनात महाविकास आघाडी सरकारने जनतेला 80 दिवसांत कसं मूर्ख बनवलं यावर प्रस्ताव सादर केला जाणार आहे. यावेळी भाजप नेते चंद्रकांत पाटील यांनी जे. पी. नड्डा यांच्या उपस्थितीत भाजप प्रदेशाध्यक्ष पदाचा पदभार स्वीकारला. यावेळी विरोधी पक्ष नेते देवेंद्र फडणवीस यांनी महाविकासआघाडीवर जोरदार टीका केली. भाजप राष्ट्रीय सहसंघटनमंत्री व्ही. सतीश, रेल्वेमंत्री पीयूष गोयल, केंद्रीय राज्यमंत्री व माजी प्रदेशाध्यक्ष रावसाहेब पाटील दानवे, माजी ग्रामविकासमंत्री पंकजा मुंडे, ज्येष्ठ नेते एकनाथराव खडसे, प्रदेश संघटनमंत्री विजयराव पुराणिक यांच्यासह पक्षाचे विविध नेते या अधिवेशनाला उपस्थित होते. देवेंद्र फडणवीसांच्या भाषणातील महत्वाचे मुद्दे - गेल्या 70 वर्षांपासून प्रलंबित 370 चा प्रश्न पंतप्रधान मोदी सरकारने मार्गी लावला. काही लोक जाणून बुजून एनआरसी आणि सीएए कायद्याबाबत संभ्रम पसरवला जातोय. काश्मीरमध्ये रक्ताचे पाट, नाही तर नवी पहाट उगवली. पंतप्रधान नरेंद्र मोदी यांच्या नेतृत्वामुळेच अयोध्येत भव्य राम मंदिर उभे राहणार आहे. काही लोक आता अयोध्येला जाण्याची भाषा करत आहे, माझं म्हणणं आहे, की त्यांनी नक्की जावं म्हणजे तुमचं खरं रक्त जागं होईल बाळासाहेब ठाकरे यांनी देशाला हिंदुत्वाचा विचार देशाला दिला. अयोध्येतील राम मंदिरासाठी हजारो कारसेवकांनी बलिदान दिलं. यापुढे भाजप स्वबळावर सत्ता परत आणेल आम्हाला सरकार पडण्याची गरज नाही. तुमच्यात हिम्मत असेल तर जनादेशासाठी निवडणूक लावून दाखवा, असेल हिम्मत तर या एकत्र अंगावर, आम्ही एकटे असलो तरी तुम्हाला पुरून उरु. हिम्मत असेल तर सावरकरांची बदनामी करणाऱ्या 'शिदोरी' मासिकावर बंदी घालून दाखवा नाहीतर सत्तेसाठी लाचार असल्याचं कबूल करा. फडणवीस ऑन शरद पवार SIT चौकशी मागणी : भीमा कोरेगाव नंतर अर्बन माओवादी समोर आला. मुख्यमंत्र्यांनी ठाम भूमिका घेऊन या प्रकरणाचा चौकशी NIA कडे सोपवण्याचा निर्णय घेतल्याबद्दल त्यांचे अभिनंदन. चौकशीतून सत्य बाहेर येईल याची शरद पवारांना भीती. मतांच्या लांगुलचालनासाठी पवारांना SIT स्थापन करायची होती. पण सत्य लपून राहणार नाही. कितीही देशविरोधींना पाठीशी घालण्याचा प्रयत्न केला तरी आम्ही त्यांना सोडणार नाही. धुळे जिल्हा परिषद मध्ये आपण तिन्ही पक्षांना हरवले. आता महापालिका निवडणूक येत आहे. नवी मुंबईपासून आता नवी सुरुवात होणार आहे. आपल्या विजयाची सुरुवात याच नव्या मुंबईपसून करणार आहोत. नवी मुंबई आणि औरंगाबाद मध्ये महापौर भाजपचा असेल. मला हेच बघायचं आहे की कोणते तोंड घेऊन औरंगाबादमध्ये शिवसेना म्हाआघाडी तयार करणार आहेत ते. Navi Mumbai | भाजपचं राज्य अधिवेशन नवी मुंबईत, राज्यभरातून 10 हजार कार्यकर्त्यांची हजेरी | ABP Majha