Dasara Melava : मुंबईचे डबेवाले कोणाच्या दसरा मेळाव्याला जाणार? ठाकरेंच्या की शिंदेंच्या?  

Dasara Melava : दरवर्षी शिवसेनेच्या दसरा मेळाव्याला उपस्थिती लावणारे मुंबईचे डबेवाले यंदा कोणाच्या दसरा मेळाव्याला जाणार याबाबत आता उत्सुकता लागूल राहिली आहे.  

File Photo (Mumbai Dabewala)

मुंबई : दरवर्षी होणाऱ्या शिवसेनेच्या (Shiv Sena) दसरा मेळाव्याला Dasara Melava ) शिवसैनिकांसह राज्यभरातून अनेक सर्वसामान्य तसेच विविध संघटनांचे कार्यकर्ते पदाधिकारी  उपस्थिती लावतात. मात्र, यंदा शिंदे गटाच्या बंडखोरीनंतर 5 ऑक्टोंबर रोजी मुंबईत शिवसेना ठाकरे गट आणि शिंदे गट असे दोन दसरा मेळावे होणार आहेत. त्यामुळे दरवर्षी शिवसेनेच्या दसरा मेळाव्याला उपस्थिती लावणारे मुंबईचे डबेवाले यंदा कोणाच्या दसरा मेळाव्याला जाणार याबाबत आता उत्सुकता लागूल राहिली आहे.  

गेले अनेक वर्ष महाराष्ट्रासह देशभरात आपली वेगळी ओळख निर्माण करणारा मुंबईचा डबेवाला आहे. गेले कित्येक वर्ष मुंबईत आणि महाराष्ट्रात मराठी माणसाचा आवाज म्हणून कायमच डबेवाले बाळासाहेब ठाकरे आणि शिवसेनेच्या पाठीशी राहिले. त्याचप्रमाने मुंबई डबेवाल्यांच्या पाठीशी देखील शिवसेना खंबीरपणे पाहायला मिळाली. शिवसेनेतील बाळासाहेबांचे  विचार ऐकण्यासाठी दरवर्षी नित्यनेमाने डबेवाले पूर्वीपासून शिवाजी पार्कला जात असत. बाळासाहेबांच्या निधनानंतर देखील उद्धव ठाकरे यांचे विचार ऐकण्यासाठी आवर्जून डबेवाले हजेरी लावत असत. मात्र, शिवसेनेत झालेल्या दोन गटांमुळे यंदा त्यांच्यामध्ये संभ्रम निर्माण झालाय.

शिवसेनेत झालेल्या एकनाथ  शिंदे यांच्या बंडानंतर दोन दसरा मेळावे होत आहेत. त्यामुळे दरवर्षी शिवसेनेच्या मेळाव्याला जाणारा डबेवाले नक्की कोणाच्या मेळाव्याला जाणार याची जोरदार चर्चा सुरू आहे. त्यातच मुंबई डबेवाला संघटनेकडून मेळाव्या संदर्भात  आम्हा डबेवाल्यांमध्ये काय संभ्रम आहे. 

एकीकडे मुंबई डबेवाला अधिकृत संघटनेने आपण दोन्ही गटाच्या दसरा मेळाव्याला जाणार नसल्याचं स्पष्ट केल आहे. त्यातच दुसरीकडे मुंबई डबेवाला असोसिएशनच्या सुभाष तळेकर संघटनेने आम्ही शिवसेना ठाकरे गटाच्या दसरा मेळाव्याला जाणार असे स्पष्ट केले आहे. त्यामुळे डबेवाल्यांच्या संघटनांमध्ये देखील संभ्रमवस्था आहे. यावर अधिकृत संघटना असलेल्या मुंबई डबेवाल्यांनी अनाधिकृत तळेकर संघटनेच्या भूमिकेबद्दल महत्व नसल्याचे देखील म्हटले आहे.

दरवर्षी शिवसेनेच्या दसरा मेळाव्याला जाणाऱ्या मुंबई डबेवाल्यांचा पाठिंबा यंदा शिंदेना ही नाही आणि उद्धव ठाकरे यांनाही नाही. कारण एक भूमिका घेतल्याने आपलं डबेवाल्यांचं नुकसान होईल. या कारणामुळे मुंबईचा डबेवाला यंदा कोणत्याच दसरा मेळाव्याला जाणार नाही, ते मिळावे घरूनच पाहतील. मुंबईचा डबेवाला ना शिंदेंचा, ना ठाकरेंचा अशी परिस्थिती सध्या निर्माण झाली आहे. 

महत्वाच्या बातम्या