Mumbai Corona Update : मुंबईकरांना दिलासा! 367 नवे कोरोनाबाधित, 841 जण कोरोनामुक्त

मुंबईमध्ये आज 367 नवे कोरोनाबाधित रुग्ण आढळले आहेत. मुंबईत सद्या एकही इमारत किंवा परिसर प्रतिबंधित क्षेत्र (containment zone) नसल्याने पालिकेसह मुंबईकरांना मोठा दिलासा मिळाला आहे.

Corona

Mumbai Corona Update : मुंबईत आज 367 नवे कोरोनाबाधित आढळले आहेत, कालच्या तुलनेत ही रुग्णसंख्या आणखी कमी असल्याने मुंबईकरांसह पालिका प्रशासनाला दिलासा मिळाला आहे. गुरुवारी मुंबईत 429 रुग्ण आढळले होते. मुंबई महापालिकेने दिलेल्या माहितीनुसार, मागील 24 तासांत मुंबईत 367 नवे कोरोना रुग्ण आढळले आहेत. तर जण 841 जण कोरोनामुक्त झाले आहेत. त्यामुळे मुंबईतील रिकव्हरी रेट 98 टक्के इतका झाला आहे. नव्याने आढळलेल्या कोरोना रुग्णांमुळे मुंबईतील सक्रिय रुग्णसंख्या 3 हजार 219 इतकी झाली आहे.

रुग्ण दुपटीचा कालावधी हजार पार

मुंबईकरांना आणखी दिलासा मिळाला आहे, कारण कोरोना रुग्ण दुपटीचा कालावधी हा आज एक हजारांपार गेला आहे. आज हा कालावधी 1 हजार 55 दिवसांवर आला आहे. कालच्या तुलनेत यामध्ये तब्बल 106 दिवसांची वाढ झाली आहे. याशिवाय मुंबईतील साप्ताहिक कोरोना रुग्णवाढीचा दर 0.07% टक्के इतका झाला आहे. मुंबईत मागील 24 तासांत एका रुग्णाचा कोरोनावर उपचार घेताना मृत्यू झाला आहे. आज नव्याने सापडलेल्या 367 रुग्णांपैकी 50 रुग्णांनाच रुग्णालयात दाखल करण्यात आल्याने पालिकेकडील 36 हजार 966 बेड्सपैकी केवळ 1 हजार 162 बेड वापरात आहेत.

राज्यात 5 हजार 455 नवे कोरोनाबाधित

मुंबईसह राज्यातील रुग्णसंख्याही कमी होत आहे. राज्यात आज नवे 5 हजार 455 कोरोनारुग्ण आढळले आहेत. गुरुवारच्य़ा तुलनेत ही रुग्णसंख्या 793 ने कमी झाली असून 63 जणांचा मृत्यू झाला आहे. राज्यात गेल्या 24 तासात 14 हजार 635  रुग्ण कोरोनामुक्त होऊन घरी परतले आहेत. याशिवाय राज्यात आज 76 ओमायक्रॉनबाधित रुग्णांची नोंद झाली नाही.आतापर्यंत 3531 ओमायक्रॉनबाधितांची नोंद राज्यात  झाली आहे. त्यापैकी 2353 रुग्ण ओमायक्रॉनमुक्त झाले आहे. सध्या राज्यात 1,178 ओमायक्रॉनचे रुग्ण अॅक्टिव्ह आहेत

काळजी घेणं गरजेचं

जागतिक आरोग्य संस्थेने कोरोनाबाबत काळजी घेण्याचं आवाहन नागरिकांना केलं असून ओमायक्रॉननंतर देखील नवा व्हेरियंट येऊ शकतो अशी शक्यताही त्यांनी वर्तविली आहे. कोव्हिड 19 तांत्रिक दलाच्या की मारिया वान केरखोव यांनी सावध इशारा देताना, 'आम्ही या विषाणूबद्दल बऱ्याच गोष्टी जाणतो. पण यात अनेक बदल होत असल्याने आम्ही यावर नजर ठेवून आहोत. त्यामुळे नागरिकांनीही काळजी घेणं गरजेचं आहे.'  

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha