Ajit Pawar : अजित पवार आमदारांसह सिद्धिविनायकाच्या चरणी, निवडणुकीत यश मिळू दे; दादांचे बाप्पाला साकडे

Ajit Pawar siddhivinayak Mandir : चांगल्या कामाची सुरुवात ही गणरायाच्या दर्शनाने केली जाते आणि आज अंगारकी असल्याने माझ्या पक्षाचे आमदार, मंत्री आणि पदाधिकारी यांना घेऊन दर्शनाला आलो आहे, असे अजित पवार म्हणाले.

Ajit Pawar

Source : Ajit Pawar

मुंबई :  राज्यात लोकसभा निवडणुकीनंतर (Lok Sabha Election)  आता काही महिन्यातच विधानसभा निवडणुका (Vidhan Sabha Election)  पार पडणार आहेत. त्या पार्श्वभूमीवर भाजप, शिवसेना, ठाकरे गट, राष्ट्रवादी काँग्रेस, काँग्रेस, शरद पवार (Sharad Pawar)  गटाची जोरदार तयारी सुरु असल्याचे दिसत आहे. याच पार्श्वभूमीवर राष्ट्रवादी काँग्रेसचे आमदार आणि उपमुख्यमंत्री अजित पवार (Ajit Pawar) यांनी  मुंबईतील सिद्धिविनायक मंदिरातील गणपती बाप्पाचं दर्शन घेतलं... जनतेचा विश्वास आम्ही पुन्हा जिंकू, सिद्धिविनायकाने आशीर्वाद द्यावा असं साकडं घातल्याची प्रतिक्रिया अजित पवारांनी दिली आहे.  

आम्ही जनतेसमोर त्यांचे आशिर्वाद मागण्यासाठी जात आहोत. सिध्दीविनायकाने आम्हाला आशिर्वाद द्यावेत. शेवटी जनता - जनार्दन सर्वकाही असते. लोकांचा विश्वास पुन्हा संपादन करण्यासाठी त्यांच्यासमोर जाणार आहोत.  चांगल्या कामाची सुरुवात ही गणरायाच्या दर्शनाने केली जाते आणि आज अंगारकी असल्याने माझ्या पक्षाचे आमदार, मंत्री आणि पदाधिकारी यांना घेऊन दर्शनाला आलो आहे. 14 जुलै रोजी बारामतीमध्ये आमची जाहीर सभा होत असल्याने त्याची सुरुवात आज केल्याचे अजित पवार यांनी यावेळी सांगितले.

विधान परिषदेसाठी आम्हाला जे योग्य वाटेल ते आम्ही करणार : अजित पवार

अजित पवार म्हणाले,  आज अंगारकीचा अतिशय चांगला दिवस आहे. या दिवशी आपण चांगली सुरुवात करत असतो. आगामी विधानसभेच्या निवडणुकीच्या निमित्ताने कोणत्या कोणत्या योजना दिलेल्या आहेत त्या लोकांपर्यंत पोहचवणे आणि पुढे वाटचाल करताना विकासाचा मुद्दा घेऊन वाटचाल करणे आणि हे करताना मुंबईत असल्याने आम्ही सिध्दीविनायकचे दर्शन घेत आहोत. विधान परिषदेच्या नाही तर विधानसभेच्या निमित्ताने तसेच आमचा पक्ष मजबूत करण्याच्या दृष्टीने प्रचाराची सुरुवात करत आहे.

🔰09-07-2024 🛣️ श्री सिद्धिविनायक मंदिर, मुंबई ⏱️ राष्ट्रवादी काँग्रेस पक्षाच्या प्रमुख नेत्यांसह श्री सिद्धिविनायक दर्शन
https://t.co/kSJ3laFh2h

— Ajit Pawar (@AjitPawarSpeaks) July 9, 2024

विधान परिषदेसाठी आम्हाला जे योग्य वाटेल ते आम्ही करणार आहे.  

महायुतीचे पक्ष एकत्र मिळून निर्णय घेतील : अजित पवार

 आपला उमेदवार निवडून येण्याकरता सर्व पक्ष प्रयत्न करतात. सर्वजण या प्रकारचे प्रयत्न  करत आहेत. त्यांनी कोणाला भेटावे हा त्यांचा प्रश्न आहे पण सभापतींच्या निवडीच्या दृष्टीने तो निर्णय घ्यायचा आहे.   सरकार म्हणून महायुतीचे पक्ष एकत्र मिळून निर्णय घेतील. 

हे ही वाचा :