![ABP Premium](https://cdn.abplive.com/imagebank/Premium-ad-Icon.png)
Pune news : 'या' कारणामुळे पुण्यातील यशवंतराव चव्हाण नाट्यगृह 40 दिवस बंद राहणार, सर्व कार्यक्रम रद्द
कलाकार आणि नाट्यरसिकांच्या सततच्या तक्रारींच्या अनुषंगाने कोथरूड परिसरात असलेल्या यशवंतराव चव्हाण सभागृहाची सर्वसमावेशक दुरुस्ती करण्यात येणार आहे.
![Pune news : 'या' कारणामुळे पुण्यातील यशवंतराव चव्हाण नाट्यगृह 40 दिवस बंद राहणार, सर्व कार्यक्रम रद्द Yashwantrao Chavan Auditorium Kothrud To Undergo Extensive Repairs Temporary Closure Announced Pune news : 'या' कारणामुळे पुण्यातील यशवंतराव चव्हाण नाट्यगृह 40 दिवस बंद राहणार, सर्व कार्यक्रम रद्द](https://feeds.abplive.com/onecms/images/uploaded-images/2023/06/17/d5e654dbef14d88d67f682bbc2fdc9b81686997581177442_original.png?impolicy=abp_cdn&imwidth=1200&height=675)
Pune news : पुण्यातील नाट्यगृहं पुण्याची शान आहेत. नाट्यसंस्कृती जपण्यासाठी पुण्य़ातील नाट्यगृह महत्वाची भूमिका बजावतात. मात्र याच नाट्यगृहाच्या स्वच्छतेचा आणि दुरावस्थेचा प्रश्न मागील काही दिवसांपासून ऐरणीवर आला होता. अनेकदा कलाकारांनी आणि प्रेक्षकांनी यासंदर्भात तक्रारी दिल्या होत्या त्यामुळे अखेर कोथरुड परिसरात असलेल्या यशवंराव नाट्यगृहाची दुरुस्ती करण्यात येणार आहे कलाकार आणि नाट्यरसिकांच्या सततच्या तक्रारींच्या अनुषंगाने कोथरूड परिसरात असलेल्या यशवंतराव चव्हाण (Yashwantrao Chavan Auditorium Kothrud) सभागृहाची सर्वसमावेशक दुरुस्ती करण्यात येणार आहे. प्रेक्षागृहाच्या प्रशासनाने AC यंत्रणा आणि इतर किरकोळ देखभाल आवश्यकतांसह प्रदीर्घ काळातील समस्यांचे निराकरण करण्यासाठी 6 जुलैपासून अंदाजे 40 दिवसांसाठी तात्पुरती बंद करण्याची घोषणा केली आहे.
कोथरूड येथील या सभागृहाची AC यंत्रणा अनेक दिवसांपासून नादुरुस्त असून तात्पुरत्या स्वरुपात दुरुस्ती करण्यात आली होती. अधिक कायमस्वरूपी उपायाची गरज ओळखून प्रशासनाने संपूर्ण यंत्रणा बदलणं गरजेचं समजलं. गेल्या काही दिवसांपासून शहरातील सभागृहांच्या दुरवस्थेचा मुद्दा ऐरणीवर आला होता. कलाकारांसह प्रेक्षकांच्या सततच्या तक्रारीनंतर पालकमंत्री चंद्रकांत पाटील यांनी दखल घेत सभागृहांच्या समस्या तातडीने सोडविण्याचे आदेश अधिकाऱ्यांना दिले.
त्यामुळे प्रशासनाने यशवंतराव चव्हाण सभागृहात दुरुस्तीचे काम सुरू करून आवश्यक ती पावले उचलली आहेत. जुलै महिन्यात पावसाळ्यामुळे सांस्कृतिक कार्यक्रम आणि नाट्यप्रयोगांची संख्या कमी असते. त्यामुळे या कालावधीत सभागृह बंद राहिल्यास निर्मात्यांचे कमीत कमी नुकसान होईल, हे लक्षात घेऊन प्रशासनाने ही वेळ निवडली आहे. 40-दिवसांच्या कालावधीत दुरुस्ती पूर्ण केली जाईल अशी अपेक्षा आहे, 15 ऑगस्ट रोजी पुन्हा सुरू होण्याची तारीख आहे. बंद केल्यामुळे या कालावधीतील सांस्कृतिक कार्यक्रम आणि नाट्यप्रदर्शनासाठी सर्व आरक्षणे रद्द करण्यात आली आहेत.
वातानुकूलित यंत्रणेव्यतिरिक्त, सभागृहात सांडपाणी वाहिनीची गळती आणि सभागृहातील तुटलेल्या खुर्च्यांचे हात यासारख्या इतर समस्या देखील सोडवण्यात येणार आहे. जरी हे किरकोळ गोष्टीदेखील त्वरित सुधारणे आवश्यक आहे. या कालावधीत ही डागडुजीही व्हावी, जेणेकरून पुन्हा सुरू झाल्यानंतर सभागृह पूर्णपणे समस्यामुक्त होईल, अशी अपेक्षा कलाकार आणि रसिकांनी व्यक्त केली. त्यामुळे ही दुरुस्ती झाल्यानंतर नव्या नाट्यगृहात कार्यक्रम करता येणार आहे मात्र त्यासाठी काही दिवस वाट बघावी लागणार आहे.
हे ही वाचा..
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)