एक्स्प्लोर

Shravan Bal Yojana : राज्यातील निराधार ज्येष्ठ नागरिकांसाठी आधार, दरमहा 1500 रुपये निवृत्तीवेतन देणारी श्रावण बाळ सेवा राज्य निवृत्तीवेतन योजना काय?

Shravan Bal Yojana : राज्यातील ज्येष्ठ नागरिकांना आर्थिकदृष्ट्या स्वावलंबी करण्यासाठी राज्य सरकारकडून काही योजना राबवण्यात येतात. त्यामध्ये श्रावणबाळ सेवा राज्य निवृत्ती योजना महत्त्वाची आहे.

By : एबीपी माझा ब्युरो | Edited By: अभिजीत जाधव | Updated at : 11 Feb 2024 04:27 PM (IST)

what is Shravan Bal Yojana senior citizen Beneficiary Required documents how Where To Apply detail marathi news Shravan Bal Yojana : राज्यातील निराधार ज्येष्ठ नागरिकांसाठी आधार, दरमहा 1500 रुपये निवृत्तीवेतन देणारी श्रावण बाळ सेवा राज्य निवृत्तीवेतन योजना काय?

प्रातिनिधिक छायाचित्र

Shravan Bal Yojana : राज्यातील निराधार आणि वंचित वृद्ध नागरिकांना आर्थिकदृष्ट्या स्वावलंबी बनवण्यासाठी राज्य सराकारच्या सामाजिक न्याय विभागकडून अनेक योजना (Maharahtra Goverment Schemes) राबवण्यात येतात. त्या माध्यमातून राज्यातील निराधार ज्येष्ठ नागरिकांना दरमहा निवृत्तीवेतन (Senior Citizens Pension Schemes) देण्यात येते. श्रावण बाळ सेवा राज्य निवृत्तीवेतन योजना ही त्यापैकीच एक योजना असून त्या माध्यमातून 65 वर्षांवरील ज्येष्ठ नागरिकांना निवृत्तीवेतन देण्यात येतं.

राज्यातील ज्येष्ठ नागरिकांना त्यांच्या वृद्धापकाळात आर्थिक सहाय्य करणे, जेणेकरून मूलभूत गरजा भागवण्यासाठी त्यांना कोणावरही अवलंबून राहावं लागणार नाही हा उद्देश ही योजना सुरू करण्यामागे आहे. त्यामाध्यमातून वृद्ध नागरिकांना सशक्त आणि आत्मनिर्भर बनवणे, त्यांचा आर्थिक विकास करणे, त्यांचे जीवनमान सुधारणे या गोष्टी साध्य करण्याचा प्रयत्न केला जातो.

या योजनेसाठी ऑनलाईन पद्धतीने अर्ज करता येतो, त्यामुळे अर्जदाराला शासकीय कार्यालयाच्या फेऱ्या माराव्या लागणार नाहीत. तसेच या योजनेची रक्कम ही लाभार्थ्याच्या बँक खात्यात थेट जमा होते.