हिशोब होणार! मुंब्य्राच्या शाखेवरून शिवसेना ठाकरे गट विरुद्ध शिंदे गट वाद चिघळणार, भुईसपाट केलेल्या शाखेला उद्धव ठाकरे भेट देणार

मुंब्य्रातील ठाकरे गटाच्या शाखेवर शिंदे गटाने ताबा मिळवत बुलडोझर फिरवला. पोलीस आणि शासकीय यंत्रणेचा दुरुपयोग करुन  शाखेवर शिंदे गटाने ताबा मिळवल्याचा आरोप ठाकरे गटाने केला आहे.  

Uddhav Thackeray

Source : PTI

ठाणे : ठाण्यातील मुंब्य्रात (Thane Mumbra)  शाखेवरुन शिवसेना ठाकरे गट (Shivsena Uddhav Thackeray) विरुद्ध शिंदे गट (Shivsena Eknath Shinde)  वाद चिघळण्याची शक्यता आहे. मुंब्राच्या शिवसेना ठाकरे गटाच्या मध्यवर्ती शाखेवर बुलडोजर फिरवल्यानंतर  11 तारखेला उद्धव ठाकरे मुंब्य्राच्या शाखेला भेट देणार आहेत. 2 नोव्हेंबरला मुंब्य्रातील ठाकरे गटाच्या शाखेवर शिंदे गटाने ताबा मिळवत बुलडोझर फिरवला. पोलीस आणि शासकीय यंत्रणेचा दुरुपयोग करुन  शाखेवर शिंदे गटाने ताबा मिळवल्याचा आरोप ठाकरे गटाने केला आहे.  

मुंब्राच्या शिवसेना ठाकरे गटाच्या मध्यवर्ती शाखेवर पोलीस आणि शासकीय यंत्रणेचा दुरुपयोग करून  शिंदे गटाने ताबा मिळवण्याचा आरोप शिवसेना ठाकरे गटाने केला आहे. ठाकरे गटाकडून या शाखेचा मागील 22 वर्षापासून टॅक्स भरला जात असताना अशाप्रकारे या शाखेवर बुलडोजर फिरवणे चुकीचे आहे. शाखा जमीन दोस्त करू नये यामध्ये पोलिसांनी हस्तक्षेप करावा, असं पोलिसांना सांगून सुद्धा पोलीस बघायचे भूमिकेत असल्याचं ठाकरे गटाकडून सांगण्यात आलं आहे. त्यामुळे मुंब्रा येथील शाखेवर बुलडोझर फिरून ज्यांनी पाप केला आहे त्याचा हिशोब होईल, असे म्हणाले.

ठाकरे गटाचे खासदार संजय राऊत (Sanjay Raut)  यांनी 11 नोव्हेंबरला ठाकरे गटाचे पक्षप्रमुख उद्धव ठाकरे हे मुंब्रा येथील शाखेला भेट देणार असल्याचं सांगितलं आहे.  तुमच्या बुलडोझरपेक्षा स्वाभिमानी मनगटातील बळ महत्वाचे..हिशोब होईल! असे देखील संजय राऊत म्हणाले.  मुख्यमंत्री घटनाबाह्य मुख्यमंत्री आहे. महाराष्ट्रात मोघलाई सुरु आहे.

हे पाप करणारे स्वतःला बाळासाहेबांचे कडवट शिवसैनिक समजतात.
हा शिवसेना प्रमुख आदरणीय बाळासाहेब ठाकरेंचा अपमान आहे.शिवसेनेच्या आयत्या शाखा ताब्यात घेणे.त्यावर बुलडोझर फिरवून घटनाबाह्य मुखमंत्र्यांचा जय करणे ही विकृती आहे. मुंब्रा येथे शाखेवर बुलडोझर फिरवून ज्यांनी पाप केले त्यांचा… pic.twitter.com/HvFlFzc7aD

— Sanjay Raut (@rautsanjay61) November 8, 2023

मुंब्रा येथे ज्या ठिकाणी ही शाखा जमीनदोस्त करण्यात आली त्याच ठिकाणी शिवसेना शिंदे गटाकडून या शाखेच्या पुनर्बांधणीसाठी भूमिपूजन करण्यात आले. या शाखेमध्ये कुठलीही समाजपोयोगी काम होत नव्हती स्वतःच्या फायद्यासाठी या शाखेचा उपयोग केला जात होता आणि त्यामुळेच या शाखेवर आम्ही ताबा मिळवला असून इथे समाजासाठी कामे केली जातील असं शिवसेना शिंदे गटाकडून सांगण्यात आलं आहे.   

हे ही वाचा :