मोठी बातमी: तुळजापूर ड्रग्ज प्रकरणात 10,000 पानी दोषारोपपत्र दाखल, पेडलर पुजारी, राजकीय कनेक्शन समोर येणार?
Tuljapur Drug Case:दोषआरोपपत्रात महत्त्वाची माहिती समोर आली आहे. यात आरोपीचे जबाब, सीडीआरची माहिती तसेच मुंबई, सोलापूर, पुणे येथील तस्करी प्रकरणात संबंध असल्याची दोषारोपपत्रात माहिती आहे.
Dharashiv: तुळजापूरमध्ये गेल्या काही दिवसांपासून ड्रग तस्करीची मोठी चर्चा आहे .15 फेब्रुवारी 2025 ला तुळजापूर तालुक्यात 2.5 लाख रुपये किमतीचे एमडी ड्रग जप्त करण्यात आले होते. या प्रकरणात गेल्या दोन महिन्यांपासून अनेक उलगडे होत आहेत. लाखो भाविकांच्या तुळजापुरात ड्रग तस्करीमध्ये पुजारीच पेडलर असल्याचं समोर आलं होतं. दरम्यान, आता तुळजापूर ड्रग्ज प्रकरणात दोषआरोपपत्र दाखल करण्यात आलं आहे. तब्बल 10 हजार पानांचे दोषआरोपपत्र धाराशिव जिल्हा सत्र न्यायालयात दाखल झाले आहे. तुळजापूर ड्रग्ज प्रकरणात 35 आरोपी असून आरोपींची संख्या वाढण्याची शक्यता आहे. (Tuljapur Drug Case Chargesheet)
10 हजार पानी दोषारोपपत्र दाखल
तुळजापूर ड्रग्ज प्रकरणात 35 आरोपी असून आरोपींची संख्या वाढण्याची शक्यता आहे. लाखो भाविकांच्या तुळजापुरात ड्रग तस्करी मध्ये पुजारीच पेडलर असल्याचं समोर आलो होतं. त्यानंतर अमली पदार्थाच्या तस्करी प्रकरणात राजकीय कनेक्शन समोर आल्यानंतरआतापर्यंत 14 आरोपींना अटक करण्यात आली असून 21 आरोपी फरार आहेत.ड्रग्ज तस्करीत कोणाचे रोल काय दोषआरोपपत्रात नमूद करण्यात आले आहे. बँक ट्रांजेक्शन, आरोपींचा एकमेकांशी संपर्क कसा झाला दोषआरोपपत्रात नमूद असल्याची माहिती सूत्रांनी दिली आहे. दोषारोपपत्रात आरोपीची क्रमवारी निश्चित नाही, प्रकरणात कोणाचा रोल काय हे ठरवण्यात आल्याची माहिती आहे. ड्रग्ज प्रकरणातील आरोपी संगीता गोळे आणि इतर आरोपींचा संपर्क कसा झाला, आरोपींची साखळी कशी तयार झाली याबाबत दोषआरोपपत्रात महत्त्वाची माहिती समोर आली आहे. यात आरोपीचे जबाब, सीडीआरची माहिती तसेच मुंबई, सोलापूर, पुणे येथील तस्करी प्रकरणात संबंध असल्याची दोषारोपपत्रात माहिती आहे.
तुळजापूर ड्रग्स प्रकरणाचा घटनाक्रम:
- 15 फेब्रुवारी 2025: तुळजापूर तालुक्यातील तामलवाडी येथे पोलिसांनी मोठी कारवाई करत एमडी ड्रग्सचा साठा जप्त केला. या कारवाईत पोलिसांनी 2.5 लाख रुपये किमतीचे 59 पुड्या ड्रग्स जप्त केले आणि काही आरोपींना अटक केली.
- फेब्रुवारी 2025 अखेर: तपासादरम्यान, ड्रग्स विक्रीचे कनेक्शन मुंबईपर्यंत असल्याचे उघड झाले. पोलिसांनी मुंबईतून संगीता गोळे या महिलेला अटक केली, जी या ड्रग्स तस्करीतील मुख्य सूत्रधार असल्याचे मानले जाते.
- मार्च 2025: पोलिसांनी या प्रकरणात आणखी काही आरोपींना अटक केली, ज्यात स्वराज उर्फ पिनू तेलंग, वैभव गोळे आणि संतोष खोत यांचा समावेश आहे. तपासात असेही समोर आले की आरोपी संगीता गोळेच्या बँक खात्यावरून सुमारे 5 कोटी रुपयांचे व्यवहार झाले आहेत आणि तिच्याकडून काही प्रमाणात सोने देखील जप्त करण्यात आले.
- मार्च 2025: पोलिसांनी फरार असलेल्या आरोपींचा शोध सुरू ठेवला आणि त्यापैकी काही जणांना अटक करण्यात यश आले. या दरम्यान, तपासाची व्याप्ती वाढत गेली आणि आणखी 10 आरोपींची नावे समोर आली, ज्यामुळे फरार आरोपींची संख्या 21 वर पोहोचली.
- मार्च 2025: तपासात राजकीय कार्यकर्त्यांचा सहभाग आणि माजी नगराध्यक्षांच्या गाडीचा वापर झाल्याचे समोर आले, ज्यामुळे या प्रकरणाला आणखी गंभीर वळण मिळाले.
-
एप्रिल 2025: या प्रकरणातील सर्वात धक्कादायक माहिती समोर आली, ज्यात तुळजाभवानी मंदिरातील तब्बल 13 पुजाऱ्यांचा ड्रग्स तस्करीमध्ये सहभाग असल्याचे उघड झाले.
- एप्रिल 15: चार्जशीट दाखल
हेही वाचा:
महत्त्वाच्या बातम्या
