शिवभोजन थाळीच्या योजनेमध्ये अटीच अटी

Background

आज दिवसभरात या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

 

देशातील आणि राज्यातील बातम्यांना संक्षिप्त आढावा...

 

1. एबीपी माझाच्या वतीने सर्व प्रेक्षकांना नववर्षाच्या शुभेच्छा.. देशभरात नववर्षाचं मोठ्या जल्लोषात स्वागत, मुंबईकरांचं गेटवेवर सेलिब्रेशन, गोव्यातले हॉटेल्स कसिनो, पब हाऊसफुल्ल

 

2. न्यूझीलंड ,ऑस्ट्रेलियासह अनेक देशात 2020चं जल्लोषात स्वागत, डोळ्यांचं पारणं फेडणाऱ्या विद्युत रोषणाईसह फटक्यांची आतषबाजी..

 

3. भोरचे काँग्रेस आमदार संग्राम थोपटेंना मंत्रिपद न मिळाल्यानं समर्थक आक्रमक, पुण्यातल्या काँग्रेस भवनाची तोडफोड, तर प्रणिती समर्थकांचं सोनियांना रक्तानं पत्र

 

4. शिवसेनेच्या खिशातल्या कृषी खात्यावर काँग्रेसचा डोळा, तर महसूल खात्यासाठी थोरात आणि चव्हाण शर्यतीत, विचारसरणीशी तडजोड न करण्याचा हायकमांडचा सल्ला

 

5. औरंगाबाद उपमहापौर निवडणुकीत सेनेला प्रत्यक्ष-अप्रत्यक्ष मदत करणाऱ्या एमआयएमच्या 6 नगरसेवकांचं निलंबन, सेनेच्या राजेंद्र जंजाळांचा विजय, भाजपला धक्का

 

6. नववर्षाच्या पूर्वसंध्येला नागपूरला पावसानं झोडपलं, तर विदर्भातल्या इतर जिल्ह्यात कडाक्याची थंडी, 3 जानेवारीनंतर पारा आणखी घसरणार

20:26 PM (IST)  •  01 Jan 2020

खातेवाटप निश्चित, उद्या संध्याकाळपर्यंत जाहीर होईल

23:16 PM (IST)  •  01 Jan 2020

शिवभोजन थाळीच्या योजनेमध्ये अटीच अटी, योजनेमध्ये थाळीमध्ये दोन चपात्या, एक वाटी भाजी, एक वाटी भात आणि एक वाटी वरण एवढं जेवण मिळेल. जेवण दुपारी 12 ते 2 एवढ्याच कालावधीमध्ये मर्यादित उपलब्ध असेल, प्रायोगिक तत्त्वावर जास्तीत जास्त १५० जणांना जेवण मिळेल . कोणत्याच प्रवर्गातल्या शासकीय कर्मचाऱ्यांना जेवण घेता येणार नाही. जिथे भोजनालय सुरू आहे तिथलेही कर्मचारी जेवण करू शकणार नाहीत. तीस ग्रॅमच्या दोन चपात्या , शंभर ग्राम वाटीतली भाजी, शंभर ग्राम वाटी वरण, दीडशे ग्राम वाटीचा भात

20:28 PM (IST)  •  01 Jan 2020

तुटेपर्यंत कधी ताणू नये, मागणी करण्याचं काम कार्यकर्ते करतात, निर्णय मुख्यमंत्री घेतील : उपमुख्यमंत्री अजित पवार

20:30 PM (IST)  •  01 Jan 2020

सरकारी कामात अडथळा आणला तर कलम ३५३ नुसार सर्वसामान्य नागरिकावर कारवाई होते, मग कामात दिरंगाई करणाऱ्यांवरही सेवा हमी कायद्यानुसार कारवाई व्हायला हवी - बच्चू कडू

19:01 PM (IST)  •  01 Jan 2020

भिवंडी : यंत्रमाग कारखान्याला अचानक लागलेल्या आगीत कापड आणि यंत्रमाग जाळल्याची घटना भिवंडीतील खोखा कंपाउंड येथे बुधवारी सायंकाळी घडली आहे. या आगीत लाखो रुपयांचा कापड, यंत्रमाग यंत्र जाळून खाक झाले आहेत. दरम्यान भिवंडी अग्निशन दलाने घटनास्थळी धाव घेत आगीवर नियंत्रण मिळविले आहे. शॉर्ट सर्किटने ही आग लागली असल्याचा प्राथमिक अंदाज व्यक्त करण्यात येत आहे.