LIVE UPDATES | पुणे, मुंबईनंतर नागपूरमध्ये एका रूग्णाला कोरोनाची लागण; राज्यभरात एकूण 11 कोरोनाग्रस्त

Background

आज दिवसभरात या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा  www.abpmajha.in

राज्यातील आणि देशभरातील बातम्यांचा संक्षिप्त आढावा

1. महाराष्ट्रात आतापर्यंत 5 कोरोनाग्रस्त, पुण्यातल्या दाम्पत्याच्या मुलीसह विमानातल्या सहप्रवाशाला लागण, मुंबई ते पुणे प्रवास करणाऱा टॅक्सीचालकही कोरोनाग्रस्त
2. कोरोनासंदर्भात आज मुख्यमंत्र्यांनी बोलावली मंत्रिमंडळाची बैठक, आयपीएलसह, अधिवेशन कामकाजाबाबत निर्णय होण्याची शक्यता
3. साडे चारशे वर्षात पहिल्यांदाच पैठणचा नाथषष्ठी सोहळा रद्द, कोरोनाचा संसर्ग टाळण्यासाठी निर्णय, अंबाबाईच्या दारावर निर्जंतुकीकरण यंत्रणा, इगतपुरीतली शिबिरं रद्द
4. ज्योतिरादित्यांसह मध्य प्रदेशातील काँग्रेसच्या 22 आमदारांचा राजीनामा, कमलनाथांची खुर्ची धोक्यात, उर्वरीत आमदारांना आज काँग्रेस भोपाळमधून जयपूरला हलवणार
5. ल्लीतल्या दंगलीवर लोकसभेत आज चर्चा, गृहमंत्री अमित शाह चर्चेला उत्तर देणार, विरोधी पक्षांकडून केली होती चर्चेची मागणी
6. मनसेच्या शॅडो कॅबिनेटवर सामनातून टीका, मंत्रिमंडळास शपथ देण्यासाठी शॅडो राज्यपाल नेमण्याचाही खोचक सल्ला

23:34 PM (IST)  •  11 Mar 2020

पुण्यातल्या नायडू रुग्णालयात दाखल असलेल्या कोरोनाग्रस्तांच्या वॉर्डमध्ये डॉक्टरच फिरकत नसल्याची खंत, खुद्द रुग्णांनीच व्यक्त केलीय. अनेक समस्यांना सामोरं जावं लागत असल्याचं कोरोनाग्रस्तांनी एबीपी माझाच्या प्रतिनिधीशी फोनवरुन बोलताना म्हटलंय.

23:32 PM (IST)  •  11 Mar 2020

भिवंडीत कोरोनाच संशयित रुग्ण आढळून आलेल्या खळबळ उडाली होती. या रुग्णाचा रिपोर्ट मुंबईच्या कस्तुरबा रुग्णालयात चाचणी करता पाठविण्यात आला होता. या रुग्णाचा रिपोर्ट निगेटिव्ह आला आहे