एसटी महामंडळाची खात्यांतर्गत बढती परीक्षा सुरळीत पार, 1 हजार 464 कर्मचाऱ्यांची उपस्थिती

एसटी महामंडळाच्या सुमारे 681 रिक्त पदांसाठीची खात्यांतर्गत बढती परीक्षा कोणत्यागी अडचणीविना सुरळीत पार पडली.

ST_STRIKE2

मुंबई : एकीकडे राज्यभर एसटी महामंडळाच्या (ST) कर्मचाऱ्यांनी पुकारलेला संप (ST Strike) संपत नसल्याचे दिसून येत आहे. राज्य सरकार हा संप संपवण्यासाठी सर्वोत्परी प्रयत्न करत आहे. पण कर्मचारी विलनीकरणाच्या मुद्द्यावर ठाम आहेत. अशामध्ये एसटी महामंडळाच्या सुमारे 681 रिक्त पदांसाठीची खात्यांतर्गत बढती परीक्षा कोणत्याही अडचणीविना सुरळीत पार पडली.

आधी संपकरी एसटी कर्मचाऱ्यांच्या (ST Employee) मार्फत सदर परीक्षा रद्द करण्यात यावी, अशी मागणी न्यायालयात करण्यात आली होती. पण, परीक्षा रद्द करण्यास न्यायालयाने स्पष्ट नकार दिला होता. उलट ज्या संपकरी कर्मचाऱ्यांना बढती परीक्षेला बसायचे आहे. त्यांनी रुजू अहवाल सादर करुन परीक्षेस उपस्थित रहावे असे आदेश दिले. ज्यानंतर रविवारी राज्यभरात तब्बल 28 केंद्रांवर एकाच वेळी ही परीक्षा घेण्यात आली.

या पदांसाठी पार पडली परीक्षा

एसटी महामंडळाच्या वाहतूक नियंत्रक, सहाय्यक वाहतूक निरीक्षक, वरिष्ठ लिपिक अशा विविध पदांसाठी खात्यांतर्गत बढती परीक्षा घेण्यात आली. या परीक्षेला सुमारे 681 जागांसाठीच्या पदांसाठी 4 हजार कर्मचारी-उमेदवारांना पात्र करण्यात आले होते. त्यापैकी परीक्षेला प्रत्यक्ष 1 हजार 464 इतके कर्मचारी-उमेदवार उपस्थित होते. या परीक्षेचा निकाल लवकर जाहीर करण्यात येईल, असे एसटी प्रशासनाकडून कळविण्यात आले आहे.    

महत्वाच्या बातम्या

मराठी लाईव्ह न्यूज सुपरफास्ट पाहा ABP Majha वर, मुंबई, पुणे, नागपूर, औरंगाबाद, मनोरंजन, क्रिकेट, देश-विदेशातील प्रत्येक बातमी सर्वात आधी एबीपी माझावर Live