Beer Sales In Maharashtra : प्या बिअर आणि करा सरकारला चिअर! बिअर विक्री वाढवण्यासाठी शिंदे फडणवीस सरकारने पाच सनदी अधिकाऱ्यांची समिती नेमली
Beer Sales In Maharashtra : राज्य उत्पादन शुल्क विभागाचे अतिरिक्त मुख्य सचिव यांच्या नेतृत्वाखाली पाच सदस्य असलेल्या या समितीला इतर राज्यांच्या बिअर धोरणांचे परीक्षण करण्याचे काम देण्यात आले आहे.
मुंबई : राज्यातील बिअर विक्रीत घट झाल्याची चौकशी करण्यासाठी (to investigate the decline in beer sales within the state) महाराष्ट्र सरकारने एक समिती स्थापन केली आहे. बिअरच्या वापराला चालना देण्यासाठी शिंदे फडणवीस सरकार (boost beer consumption) उत्पादन शुल्कात कपात करण्याचा विचार करत आहे. बिअरच्या कमी झालेल्या खपामुळे उत्पन्नात घट झाल्याने राज्य उत्पादन शुल्क विभागाने (state excise department) ही समिती स्थापन केली आहे.
उत्पादन शुल्क वाढीमुळे फटका?
राज्य उत्पादन शुल्क विभागाचे अतिरिक्त मुख्य सचिव यांच्या नेतृत्वाखाली पाच सदस्य असलेल्या या समितीला इतर राज्यांच्या बिअर धोरणांचे परीक्षण करण्याचे काम देण्यात आले आहे. या समितीला महिनाभरात अहवाल सादर करण्याचे निर्देश देण्यात आले आहेत. बिअरच्या विक्रीत घट होण्यामागे उत्पादन शुल्क वाढीमुळे कारणीभूत ठरू शकते. त्यामुळे सरकारच्या महसुलात घट झाली आहे.
विदेशी आणि देशी दारूमध्ये अल्कोहोलचे प्रमाण बिअरपेक्षा जास्त आहे. अल्कोहोलच्या वापरावर आधारित तुलना केल्यास, बिअरवरील अबकारी शुल्काचा दर मद्याच्या तुलनेत जास्त असतो. बिअरच्या किमतीत घट झाल्याने ग्राहकांच्या मागणीत घट झाली आहे. बिअर उद्योगाने आपली आव्हाने एका प्रतिनिधीच्या माध्यमातून सरकारसमोर मांडली आहेत.
एक महिन्याच्या आत सरकारला अहवाल सादर करण्याचे निर्देश
बिअरवरील उत्पादन शुल्क दर कमी करून इतर राज्यांच्या महसुलात वाढ झाल्याचे नमूद करण्यात आले आहे. बिअरच्या सध्याच्या उत्पादन शुल्क दराबाबत प्रमाण आणि मूल्याच्या आधारावर सरकारला शिफारशी देण्याचे या अभ्यास गटाचे उद्दिष्ट आहे. हे बीअरच्या वापरावर मागील उत्पादन शुल्क दर वाढीचा परिणाम देखील तपासेल आणि महसूल वाढवण्यासाठी सुधारणा सुचवेल. या अभ्यास गटाला इतर राज्यांच्या बिअर धोरणांचे तथ्यात्मक विश्लेषण करून महसूल वाढवण्यासाठी आवश्यक पावले उचलून एक महिन्याच्या आत सरकारला अहवाल सादर करण्याचे निर्देश देण्यात आले आहेत.
जोपर्यंत लोक ठरवत नाहीत तोपर्यंत राज्यात दारूबंदी अशक्य
दरम्यान, वैद्यकीय शिक्षण मंत्री हसन मुश्रीफ यांनी जोपर्यंत लोक ठरवत नाहीत तोपर्यंत राज्यात दारूबंदी होणे अशक्य असल्याचे म्हटले आहे. लोकांनी प्रबोधन करून दारुबंदी केली पाहिजे. अनेक जिल्ह्यात दारुबंदी केल्यानंतर बाहेरून बनावट दारु येण्यास सुरुवात झाली आणि लोकांच्या तब्येत बिघडल्या. त्यामुळे लोकांनी बंद केल्याशिवाय दारुबंदी होणार नाही, असे ते म्हणाले.
हे महाराष्ट्रातील जनतेचं दुर्दैव
विद्यार्थ्यांची संख्या रोडावत आहे समिती नाही, युवकांवर अन्याय होतोय, युवा धोरणावर समिती नाही, कुपोषणासाठी समिती नाही. महिला अत्याचारावर समिती नाही, पण बिअरचा खप वाढवण्यासाठी यांनी समिती नेमली, हे महाराष्ट्रातील जनतेचं दुर्दैव आहे, अशी टीका विरोधी पक्षनेते विजय वडेट्टीवार यांनी केली.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
