तलाठी भरती आणि मंडळ अधिकारी पदोन्नती प्रक्रियेला गती मिळणार; राधाकृष्ण विखे-पाटील यांची माहिती
Talathi Recruitment : 3110 तलाठी पदांची भरती आणि 518 मंडळ अधिकारी पदोन्नती प्रक्रिया लवकरच सुरु होणार असल्याची माहती महसूल मंत्री राधाकृष्ण विखे-पाटील (Radhakrishna Vikhe Patil) यांनी दिलीय.
मुंबई : राज्यातील तलाठी (Talathi ) भरती आणि मंडळ अधिकारी (board officer) पदोन्नती प्रक्रियेला गती मिळणार आहे. 3110 तलाठी पदांसाठी भरती आणि 518 मंडळ अधिकारी पदोन्नती प्रक्रिया लवकरच सुरु होणार असल्याची माहती महसूल मंत्री राधाकृष्ण विखे-पाटील (Radhakrishna Vikhe Patil) यांनी दिलीय.
गेल्या काही वर्षांपासून राज्यात तलाठी पदाच्या अनेक जागा रिक्त आहेत. एकाच तलाठ्याकडे अनेक गावे सोपविण्यात आल्याने कामांना विलंब होत आहे. त्यामुळे महसूल यंत्रणेवर ताण येतोय. त्यामुळेच तलाठी भरती आणि मंडळ अधिकारी पदोन्नती प्रक्रियेला गती देण्यात येणार आहे. 3 हजार 110 तलाठी आणि 518 मंडळ अधिकारी अशी एकूण 3 हजार 628 पदे निर्माण करण्यात येणार असल्याची माहिती महसूल मंत्री राधाकृष्ण विखे- पाटील यांनी दिलीय.
गावात राहणाऱ्या प्रत्येक व्यक्तीचा तलाठ्यांसोबत कोणत्या ना कोणत्या कामामुळे संबंध येत असतो. सातबारा, विविध दाखले यासाठी नियमितपणे तलाठ्यांच्या संपर्कात राहावे लागते. त्याळे तलाठी हे पद ग्रामीण भागात अत्यंत महत्वाचे असते. आता होणाऱ्या तलाठी भरतीमुळे सध्या कार्यरत असलेल्या तलाठी वर्गाचा भार कमी होण्यास मदत होणार आहे. 3 हजार 110 तलाठी आणि 518 मंडळ अधिकारी यांची पदोन्नती असे एकूण 3 हजार 628 पदे निर्मितीला मान्यता देण्यात आली आहे. याबाबतचा शासन निर्णय 7 डिसेंबर 2022 रोजी घेण्यात आल्याची माहिती विखे-पाटील यांनी दिलीय.
पुणे महसूली विभागाअंतर्गत एकूण 602 तलाठी साझे आणि 100 महसूली मंडळे आहेत. अमरावती महसूली विभागाअंतर्गत एकूण 106 तलाठी साझे आणि 18 महसूली मंडळे आहेत. नागपूर महसूली विभागाअंतर्गत एकूण 478 तलाठी साझे आणि 80 महसूली मंडळे आहेत. औरंगाबाद महसूली विभागाअंतर्गत एकूण 685 तलाठी साझे आणि 114 महसूली मंडळे आहेत. नाशिक महसूली विभागाअंतर्गत एकूण 689 तलाठी साझे आणि 115 महसूली मंडळे आहेत. कोकण महसूली विभागाअंतर्गत एकूण 550 तलाठी साझे आणि 91 महसूली मंडळे आहेत. या सर्व ठिकाणी भरती होणार आहे.
तलाठी पदांची भरती झाली तर राज्यभरातील तलाठ्यांवरील ताण देखील कमी होणार आहे. शिवाय ग्रामीण भागातील लोकांच्या कामाला देखील गती मिळेल असा विश्वास नागरिकांतून व्यक्त होत आहे.
महत्वाच्या बातम्या
Bullock Cart Race: बैलगाडा शर्यतीवरची सुनावणी पूर्ण, सर्वोच्च न्यायालयाकडून अंतिम निकाल राखून
Before You Go
Pankaja Munde Special Report : मीच बीडची खरी पालक,पंकजा मुंडेंच्या विधानाने राजकीय वातावरण तापले
महत्त्वाच्या बातम्या
