लक्ष्मण हाकेंची हालत भटक्या कुत्र्यासारखी करु, त्याची चड्डी पिवळी करू; राष्ट्रवादी काँग्रेसचा इशारा
दोन समाजात तेढ निर्माण व्हावी, म्हणून जाणीवपूर्वक लक्ष्मण हाके स्टंटबाजी करत आहेत. लक्ष्मण हाकेंची हालत भटक्या कुत्र्यासारखी करु असा इशारा राष्ट्रवादी युवकचे प्रदेशाध्यक्ष सुरज चव्हाण यांनी दिला.
Suraj Chavan on Laxman Hake : दोन समाजात तेढ निर्माण व्हावी, म्हणून जाणीवपूर्वक लक्ष्मण हाके स्टंटबाजी करत आहेत. राष्ट्रावदी युवक काँग्रेस त्यांची चड्डी पिवळी केल्याशिवाय राहणार नसल्याची टीका राष्ट्रवादी युवकचे प्रदेशाध्यक्ष सुरज चव्हाण (Suraj Chavan) यांनी केली. पुढील आठ दिवसात लक्ष्मण हाकेची चड्डी पिवळी करण्याची जबाबदारी राष्ट्रवादी आहे. लक्ष्मण हाकेंची हालत भटक्या कुत्र्यासारखी करु असा इशाराही चव्हाण यांनी दिला आहे.
लक्ष्मण हाकेला महाराष्ट्रात फिरु देणार नसल्याचा इशारा देखील सुरज चव्हाण यांनी दिला आहे. हाकेंची हालत भटक्या कुत्र्यासारखी करु असे चव्हाण म्हणाले. लक्ष्मण हाके यांच्यावर प्रतिक्रिया देताना सुरज चव्हाण यांची जीभ घसरल्याचे पाहायला मिळाले.
अजित पवार यांच्यावर टीका करण्याची लक्ष्मण हाकेंची लायकी नाही
लक्ष्मण हाके यांनी अजित पवार यांच्यावर चुकीच्या शब्दात टीका केली होती. त्यांच्या या टीकेचा सुरज चव्हाण यांनी समाचार घेतला. लक्ष्मण हाके जाणीपूर्वक दोन समाजात तेढ निर्माण करण्याचा प्रयत्न करत आहेत. अजित पवार यांच्यावर बोलण्याची लक्ष्मण हाके यांची लायकी नाही. तुम्हाला योग्य जागा दाखवण्याची आमची जबाबदारी असल्याचे सुरज चव्हाण म्हणाले. लक्ष्मण हाकेंना माझं खुलं आव्हान आहे की, पुढच्या 10 दिवसात त्यांनी महाराष्ट्रात खुलं फिरुन दाखवावं असे सुरज चव्हाण म्हणाले. हाकेला जशाच तसं उत्तर देऊ. भटक्या कुत्र्याचा कसा उपचार करायचा याची माहिती आम्हाला आहे. प्रसिद्धीसाठी बोलणाऱ्या भटक्यांना त्यांची जागा दाखवली जाईल असेही सुरज चव्हाण म्हणाले.
नेमकं काय म्हणाले लक्ष्मण हाके?
ओबीसी नेते लक्ष्मण हाके यांनी उपमुख्यमंत्री अजित पवार यांच्याबद्दल आक्षेपार्ह शब्द वापरले आहेत. त्यांनी वापरलेले शब्द कॅमेऱ्यात कैद झाले आहेत. त्यांच्या या कृतीमुळे राजकारण तापण्याची शक्यता आहे. राष्ट्रवादी काँग्रेस पक्षाकडून लक्ष्मण हाके यांच्या कृतीवर प्रतिक्रिया दिली जाऊ शकते. लक्ष्मण हाके यांनी उपमुख्यमंत्री अजित पवार यांच्यावर गंभीर आरोप केले आहेत. अजित पवार हे राज्याचे अर्थमंत्री देखील आहेत. अजित पवार यांच्या अर्थ खात्याकडून ओबीसी विद्यार्थ्यांवर अन्याय होतो, असा लक्ष्मण हाके यांचा आरोप आहे. याउलट मराठा समाजाच्या विद्यार्थ्यांना आणि सारथी संस्थेला पैसे दिले जातात. पण महाज्योती संस्थेला पैसे दिले जात नाहीत. तसेच ओबीसी समाजाच्या विद्यार्थ्यांना शिष्यवृत्ती मिळत नाही, असा आरोप लक्ष्मण हाके आणि त्यांच्या समर्थकांचा आहे. लक्ष्मण हाके यांनी त्यांच्या समर्थक आणि काही विद्यार्थ्यांसह गिरगाव चौपाटी परिसरात जलसमाधी आंदोलन केलं. लक्ष्मण हाके भर समुद्रात खोलवर गेले. तिथे त्यांनी घोषणाबाजी करत आंदोलन केलं.
महत्वाच्या बातम्या:
पैसा कमावणे हाच अजित पवारांचा एकमेव उद्देश, त्यांनी एखादा व्यवसाय करावा, हाकेंचा पुन्हा हल्लाबोल
महत्त्वाच्या बातम्या
