Sanjay Raut : किरीट सोमय्या भ्रष्ट माणूस, ज्यानं देशाची चोरी केली ते मानहानी काय करणार? राऊतांचा हल्लाबोल

किरीट सोमय्या हा भ्रष्ट माणूस आहे. ज्यानं देशाची चोरी केली ते मानहानी काय करणार? असे म्हणत शिवसेना खासदार संजय राऊत यांनी भाजप नेते किरीट सोमय्यांवर निशाणा लगावला.

Sanjay Raut on Kirit Somaiya

Sanjay Raut : माझ्यावर एक हजार कोटीचा मानहानीचा गुन्हा दाखल करुन द्या, त्यांना काम काय आहे, असा टोला शिवसेना खासदार संजय राऊत (Sanjay Raut) यांनी भाजप नेते किरीट सोमय्यांना लगावला. किरीट सोमय्या हा भ्रष्ट माणूस असल्याचे राऊत म्हणाले. ज्याने देशाच्या संरक्षण व्यवस्थेसंबंधी आयएनएस विक्रांत वाचवा या नावावरुन लोकांकडून पैसे गोळा केले आणि ते पैसे  जमा केले नाहीत. असा विक्रांत घोटाळा करणारा माणूस ज्याने देशाची मानहानी केली, ज्याने देशाची चोरी केली ते काय मानहानी करणार असेही राऊत यावेळी म्हणाले. अजून त्यांनी काही बघितलं नाही,  भविष्यात त्यांना बरच काही बघायचे असल्याचे राऊत यावेळी म्हणाले. 
 
छत्रपती घराण्याचा मान संभाजीराजेंना प्रस्ताव दिला  

किरीट सोमय्या हे विक्रांत घोटाळ्यातील आरोपी आहेत. जामिनवर ते सुटले आहेत. त्याच्यावर कोर्टाने अटी आणि शर्थी घातल्या आहेत. देवाने तोंड दिलं आहे म्हणून ते काहीही बोलत असल्याचे राऊत यावेळी म्हणाले.  राज्यसभेच्या उमेदवाराच्या नावाची घोषणा शिवसेना पक्षप्रमुख आणि मुख्यमंत्री उद्धव ठाकरे हे करतील असे वक्तव्य संजय राऊत यांनी केलं. छत्रपती घराण्याचा मान राखून संभाजीराजेंना प्रस्ताव दिला आहे. पण राज्यसभेचे दोन्ही उमेदवार शिवसेनेचे असतील असेही राऊत यावेळी म्हणाले. 

राऊतांचा मनसेला टोला

किरीट सोमय्यांना सध्या काम काय आहे. लोकांवर आरोप करायचे, त्यांची बदनामी करायची, ते स्वत: आरोपी असल्याचे राऊत यावेळी म्हणाले. त्यांनी देशाबरोबर धोका केला आहे. विक्रांतच्या नावाखाली पैसा गोळा केला आणि जमा केला नसल्याचे राऊत यावेळी म्हणाले. खासदार ब्रिजभुषण सिंह यांना कोण ओळखत नाही. ते खासदार आहेत. पार्लमेंटमध्ये आम्ही बसतो, बोलतो एकत्र जेवण करतो असेही राऊत म्हणाले. आरोप करणारांनी अभ्यास करावा असे म्हणत राऊतांनी मनसेला देखील टोला लगावला. योगी आदित्यनाथ यांच्याबरोबर देखील आम्ही चहापान करतो, मग योगींना आम्ही राज ठाकरेंना अडवण्यासाठी रसद पुरवली का? असेही राऊत यावेळी म्हणाले. हे लोक अभ्यासात कच्चे असल्याचे राऊत म्हणाले. 

किरीट सोमय्यांचे मुख्यमंत्र्यांवर आरोप

दरम्यान मुख्यमंत्री उद्धव ठाकरेंच्या पार्टनरचे कसाबशी संबंध आहेत, असा गंभीर आरोप भाजप नेते किरीट सोमय्यांनी आज मुख्यमंत्र्यांवर केला आहे. यामुळे राजकीय वर्तुळात चर्चेचा विषय बनला आहे. किरीट सोमय्यांनी पुन्हा एकदा पत्रकार परिषद घेत मुख्यमंत्री उद्धव ठाकरेंच्या निकटवर्तीयांचा मुंबई हल्ल्यातील आरोपी व दहशतवादी अजमल कसाबसोबत संबंध असल्याचा आरोप केला आहे.

महत्वाच्या बातम्या: