Ram Mandir : महाराष्ट्रातील सात प्रमुख नेत्यांना राम मंदिर सोहळ्याचं निमंत्रण, निमंत्रितांची यादी 'माझा'च्या हाती

राम मंदिर सोहळ्याला निमंत्रित केलेल्या नेत्यांची यादी 'एबीपी माझा'च्या हाती लागली आहे. महाराष्ट्रातील सात प्रमुख नेत्यांना राम मंदिर (Ram Mandir)  सोहळ्याचं निमंत्रण देण्यात आले आहे.

Ram Mandir

Source : Twitter/@ShriRamTeerth

मुंबई : अयोध्येतील (Ayodhya)  भगवान श्रीरामचंद्राच्या मंदिराचा लोकार्पण सोहळा प्रत्यक्ष उपस्थित राहून अनुभवण्याची संधी देशातील काही मोजक्याच विशेष व्यक्तींना  मिळणार आहे. विविध क्षेत्रांतील निमंतित्रांना सोहळ्याच्या पत्रिका देण्यात येत आहेत. राम मंदिर सोहळ्याला निमंत्रित केलेल्या नेत्यांची यादी 'एबीपी माझा'च्या हाती लागली आहे. महाराष्ट्रातील सात प्रमुख नेत्यांना राम मंदिर (Ram Mandir)  सोहळ्याचं निमंत्रण देण्यात आले आहे. 22 जानेवारीला अयोध्येत राम मंदिर उद्घाटन सोहळा पार पडणार आहे.

अयोध्येत राम मंदिर प्राणप्रतिष्ठा सोहळ्याची जोरदार तयारी सुरु आहे. येथे मोठ्या संख्येने भाविक दाखल होणार असल्याने प्रशासन आणि मंदिर ट्रस्टकडून आवश्यक त्या उपाययोजना करण्यात येत आहेत. भाविकांची गैरसोय होऊ नये, यासाठी सर्वतोपरी प्रयत्न केले जात आहेत.  राम मंदिराच्या उद्घाटनाकरता महाराष्ट्रातून सात पक्षप्रमुखांना निमंत्रण देण्यात आल्याची माहिती खात्रीलायक सूत्रांनी दिली आहे. 

एम. के. स्टॅलिन, लालुप्रसाद यादव, मायावतींना देखील निमंत्रण

महाराष्ट्रातून  ठाकरे बंधूना निमंत्रण  देण्यात आले आहे. तर शिवसेनेच्या आणि राष्ट्रवादी काँग्रेसच्या पक्षप्रमुखांना निमंत्रण देण्यात आहे. श्री राम जन्मभूमी तीर्थक्षेत्र  ट्रस्टकडून ही पाठवण्यात आली आहे. मुख्यमंत्री एकनाथ शिंदेंना निमंत्रण देण्यात आलेले आहे. लवकरच इतर पक्षप्रमुखांना निमंत्रण पाठवले जाणार आहे. महराष्ट्र वगळता इतर राज्याचा विचार केला असता एम. के. स्टॅलिन, लालुप्रसाद यादव, मायावती यांना देखील निमंत्रण पाठवण्यात येणार आहे.

 निमंत्रीत करण्यात आलेल्यांची यादी 

• मनसे अध्यक्ष  राज ठाकरे (Raj Thackeray)
• वंचितचे नेते प्रकाश आंबेडकर (Prakash Ambedkar)
• रिपाई खासदार रामदास आठवले (Ramdas Athwale)
• उपमुख्यमंत्री अजित पवार (Ajit Pawar)
• राष्ट्रवादी अध्यक्ष शरद पवार (Sharad Pawar) 
• मुख्यमंत्री एकनाथ शिंदे (CM Eknath Shinde)
• माजी मुख्यमंत्री उद्धव ठाकरे (Uddhav Thackeray) 

कोण जाणार प्राणप्रतिष्ठा सोहळ्याला? 

राम मंदिर प्राणप्रतिष्ठा सोहळ्यासाठी देशभरातून विविध कलाकार मंडळी आणि प्रतिष्ठित व्यक्तींनाही निमंत्रित करण्यात आलं आहे.आता कोण प्राणप्रतिष्ठा सोहळ्याला जाणार याची उत्सुकता लागली आहे. शरद पवारांनी मी राम मंदिरात गर्दीत जाणार नाही, असे स्पष्ट केले आहे. आता अजित पवार काय भुमिका घेणार? ठाकरे बंधूपैकी कोण जाणार? याकडे संपूर्ण महाराष्ट्राचे लक्ष लागले आहे. 

हे ही वाचा :