मोठी बातमी! प्रवीण दरेकर पुढचे सहकार मंत्री, चंद्रकांत पाटलांच्या वक्तव्याने भुवया उंचावल्या; आता, भाजपकडून स्पष्टीकरण
मंत्री चंद्रकांत पाटील यांनी केलेल्या वक्तव्याची सध्या जोरदार चर्चा सुरु आहे. प्रवीण दरेकरांच्या नावासमोरचा कँबिनेट दर्जा जाऊन ते पुढचे सहकार मंत्री व्हावेत, असं वक्तव्य चंद्रकातं पाटील यांनी केलं आहे.
Chandrakant Patil : मंत्री चंद्रकांत पाटील यांनी केलेल्या वक्तव्याची सध्या जोरदार चर्चा सुरु आहे. प्रवीण दरेकरांच्या नावासमोरचा कँबिनेट दर्जा जाऊन ते पुढचे सहकार मंत्री व्हावेत, असं वक्तव्य चंद्रकातं पाटील यांनी केलं आहे. त्यामुळं अर्थ खात्यापाठोपाठ आता सहकार खात्यावरही भाजपचा डोळा आहे का? असा सवाल उपस्थित केला जात आहे. प्रवीण दरेकरांच्या नावासमोरचा कँबिनेट दर्जा जाऊन ते पुढचे सहकार मंत्री व्हावेत, अशा शुभेच्छा पाटील यांनी दिल्या आहेत. त्यानंतर बोलतना पाटील म्हणाले की, भाषणात असं बोलावं लागतं.
नेमकं काय म्हणाले चंद्रकांत पाटील?
प्रवीण दरेकर यांच्या नावामागील कँबिनेट दर्जा हा शब्द लवकरात लवकर जावा अशी प्रार्थना करु आणि मंत्रीपद यावं अशी अपेक्षा व्यक्त करतो ते कदाचित सहकार पद त्याच्याकडे येई असे पाटील म्हणाले. अमितभाईंमुळं मी आधी आमदार नंतर मंत्री झालो, त्यांनीच मला पहिलं सहकार खातं दिलं. त्यावेळी माझ्याकडे साधी सहकारी संस्थाही नव्हती. त्यावर त्यांना मी विचारले मलाच सहकार खातं का? तर म्हणाले तुमच्या संस्था नाहीत म्हणूनच तुम्हाला सहकार खातं दिलं, असा सहकार खात्याचा किस्सा चंद्रकांत पाटील यांनी सांगितला.
आपला जीडीपी खूप चांगला
आमदार सुनील कांबळे यांना सहकार सूत गिरणी मिळावी, यासाठी देवेंद्रजींनी संपत आलेली कँबिनेट पुन्हा लांबवून त्यांची फाईल मंजूर करुन घेतली असे चंद्रकांत पाटील म्हणाले. विरोधक राज्य सरकार कर्जबाजारीपणाची कितीही टीका करत असले तरी परिस्थिती अजिबात तशी नाही. आपला जीडीपी खूप चांगला आहे. त्यामुळं तुमच्या महाराष्ट्र राज्य सहकारी संघाला जेवढा निधी लागेल, तो दिला जाईल तुम्ही फक्त प्रस्ताव पाठवा असे पाटील म्हणाले. राज्यात लवकरच वेगळं सहकार विद्यापीठ निर्माण तर करुच पण राज्यातीली विविध विद्यापीठात सहकार नावाचं स्वतंत्र डिपार्टमेंटही निर्माण करु असे चंद्रकांत पाटील म्हणाले.
महत्त्वाच्या बातम्या
