Maratha Reservation Live Updates : मराठा आरक्षण वैध की अवैध? आज सुनावणी, सर्वोच्च न्यायालय देणार महत्त्वाचा निकाल

Maratha Reservation News : मराठा आरक्षणावर सर्वोच्च न्यायालय आणि हायकोर्टात आज महत्त्वपूर्ण सुनावणी पार पडणार आहे.

Background

Maratha Reservation Supreme Court Hearing Live Updates : मराठा आरक्षणावर सर्वोच्च न्यायालय आणि हायकोर्टात आज महत्त्वपूर्ण सुनावणी पार पडणार आहे.

14:58 PM (IST)  •  06 Dec 2023

Maratha Reservation Live Updates : मनोज जरांगे यांच्या सभेची जय्यत तयारी 

Maratha Reservation Live Updates : मनोज जरांगे पाटील (Manoj Jarange Patil) यांची नांदेडच्या नायगाव तालुक्यात 55 एकर जागेवर विराट सभा संपन्न होणार आहे. या सभेची सध्या जय्यत तयारी सुरू असून, या सभेसाठी सीमावर्ती भागासह उमरी, धर्माबाद, बिलोली, देगलूर, मुखेड आणि नायगाव या सहा तालुक्यातील सकल मराठा समाज बांधव मोठ्या संख्येने उपस्थित राहणार आहे. यासाठी 55 एकर परिसरामध्ये बैठक व्यवस्था करण्यात आली आहे. दहा एलईडी स्क्रीनद्वारे या सभेचे थेट प्रक्षेपण होणार असून, 3000 लाऊड स्पीकरची देखील व्यवस्था करण्यात आली आहे. या सभेदरम्यान 70 हजार मराठा समाज बांधवांना मुस्लिम समाज बांधवांच्या वतीने तर एक लाख बांधवांना ओबीसी समाज बांधवांकडून भोजनाची व्यवस्था केली जाणार आहे.

 

14:12 PM (IST)  •  06 Dec 2023

Manoj Jarange on Maratha Reservation : आरक्षण दोन दिवस उशिराने मिळालं तरी चालेल - मनोज जरांगे

Manoj Jarange on Maratha Reservation : आरक्षण दोन दिवस उशिराने मिळालं तरी चालेल, असं वक्तव्य मनोज जरांगे यांनी केलं. यानंतर जरांगे यांनी मराठा आरक्षणासाठीची डेडलाईन बदलली का, असा सवाल उपस्थित होत आहे.