Jalna : 'ट्रायल मारतो म्हणून सांगत शोरुममधून इलेट्रिक स्कूटरची घेतली टेस्ट राईड', दुचाकी घेऊन चोरटा पसार 

संबधित स्कूटी चोरुन पसार झालेल्या चोराचा तपास पोलीस सीसीटीव्हीच्या आधारे करत आहेत.

CCTV

Jalna News : चोरी करणारे आरोपी कधी काय शक्कल लावतील आणि कधी काय हिंमत करतील याचा काही नेम नाही. जालनामध्ये (Jalna News) तर एका चोरट्याने थेट बाईकच्या शोरुमध्ये (Bike Showroom) जात ट्रायल मारतो असं सागंत नवी-कोरी इलेक्ट्रीक स्कूटी (Electric Scooter) घेतली आणि थेट पसार झाला. दरम्यान सीसीटीव्ही कॅमेऱ्यामध्ये हा चोरटा कैद झाला असून पोलीस (Jalna Police) त्याचा तपास करत आहेत.

जालना शहरातील औरंगाबाद रोडवरील भोकरदन नाका परिसरात एनआरजी (NRG) या इलेक्ट्रीक स्कूटी विकणारे शोरूम आहे. या ठिकाणी मंगळवारी दुपारच्या सुमारास एकजण दुचाकी खरेदी करण्याच्या बहाण्याने शिरला. त्यानंतर गाडीची निवड केल्यानंतर या चोरट्याने तेथील सेल्समनला ट्रायल मारून पाहण्याची विनंती केली, दरम्यान सेल्समनने ग्राहकाला परवानगी देत आदरपूर्वक गाडी शोरूम बाहेर काढून दिली. दरम्यान हीच संधी साधत हा ग्राहक बनून आलेला चोरटा 80 हजार रुपयांची स्कूटी घेऊन राईडवर गेला आणि तो परत आलाच नाही. बराच वेळ हा चोर परत न आल्याने शोरूम मालकाला ही गाडी चोरीला गेल्याची खात्री झाली. त्यानंतर त्याने याप्रकरणी मालकाने पोलीस स्टेशन गाठून तक्रार दिली. आता या प्रकरणी शहरातील बाजार पोलीस ठाण्यात गुन्हा दाखल करण्यात आला आहे. दरम्यान शोरुमच्या सीसीटीव्हीमध्ये हा आरोपी कैद झाला आहे. आता या आणि इतर जागीच्या सीसीटीव्ही फुटेजच्या मदतीने पोलीस संबधित आरोपीचा शोध घेत आहेत.  

इतर महत्त्वाच्या बातम्या:

मराठी लाईव्ह न्यूज सुपरफास्ट पाहा ABP Majha वर, मुंबई, पुणे, नागपूर, औरंगाबाद, मनोरंजन, क्रिकेट, देश-विदेशातील प्रत्येक बातमी सर्वात आधी एबीपी माझावर Live