Maharashtra Rain Live updates : मुंबईतील धरण क्षेत्रात जोरदार पाऊस, पाणीसाठ्यात 5.59 टक्क्यांची वाढ
Maharashtra Rain Live updates : हवामान विभागानं दिलेल्या अंदाजानुसार राज्याच्या विविध भागात पावसाची शक्यता वर्तवण्यात आली आहे. राज्याच्या काही भागात हलक्या पावसानं हजेरी लावली आहे.
LIVE
Background
Maharashtra Rain Live Updates: राज्यातील नागरिकांसाठी आनंदाची बातमी आहे. राज्यात आजपासून (23 जून) पाऊस (Rain) पडण्याची शक्यता हवामान विभागानं (IMD) वर्तवली आहे. आजपासून कोकणासह मध्य महाराष्ट्रात पाऊस सक्रिय होण्याचा अंदाज हवामान खात्यानं वर्तवला होता. त्यानुसार आज पावसाचा अंदाज वर्तवण्यात आलाय. त्यामुळं संपूर्ण महाराष्ट्राला पावसाची प्रतीक्षा आहे. दरम्यान, राज्याच्या काही भागात हलक्या पावसानं हजेरी लावली आहे.
राज्याच्या काही भागात पावसाच्या हलक्या सरी
राज्यातील नागपूर, मुंबईतील वांद्रे, दादर आणि ठाणे परिसरात हलक्या पावसाने हजेरी लावली आहे.
कोकणात 11 जून रोजी दाखल झालेल्या मोसमी वाऱ्यांच्या पुढील वाटचालीसाठी पोषक स्थिती निर्माण झाली आहे. कोकण किनारपट्टी, मध्य महाराष्ट्र आणि विदर्भात आजपासून मोसमी पाऊस सुरू होईल. त्यानंतर 24 आणि 25 जूनपासून पावसाचा जोर वाढण्याचा अंदाज हवामान विभागानं वर्तवला आहे. बंगालच्या उपसागरातील वाऱ्याच्या स्थितीमुळं मोसमी पावसाची बंगालच्या उपसागरातील शाखा अधिक मजबूत होत आहे. पावसाने दीर्घ ओढ दिल्यामुळे राज्यातील पाणीसाठा तळाला गेला आहे.
शेतकरी पावसाच्या प्रतिक्षेत, पेरण्या खोळंबल्या
राज्यातील शेतकरी पावसाच्या प्रतिक्षेत कायम आहेत. पावसामुळं शेतकऱ्यांच्या पेरण्या खोळंबल्या आहेत. तर काही ठिकाणी पाण्याअभावी शेतकऱ्यांची पिकं वाया जाण्याच्या मार्गावर आहेत. त्यामुळं सध्या शेतकऱ्यांच्या पिकांना पाण्याची सक्त गरज आहे. लवकर पाऊस न पडल्यास आहे ती पिकं वाया जाण्याची शक्यता निर्माण झाली आहे. तर काही ठिकाणी पिकं वाया गेली आहेत.
आज कोकणसह पश्चिम महाराष्ट्र आणि विदर्भात पावसाचा यलो अलर्ट
Maharashtra Rain : येत्या पाच दिवसात राज्यात मुसळधार ते अती मुसळधार पावसाचा इशारा हवामान विभागानं दिला आहे. उद्यापासून ( 2 जुलैपासून) मुसळधार पावसाचा नवीन स्पेल सुरू होण्याची शक्यता आहे. दरम्यान, हवामान विभागानं दिलेल्या माहितीनुसार आज कोकणसह पश्चिम महाराष्ट्र आणि विदर्भात पावसाचा यलो अलर्ट देण्यात आला आहे. त्यामुळं नागरिकांनी योग्य ती खबरदारी घेण्याचं आवाहन प्रशासनानं केलं आहे.
मुंबईतील धरण क्षेत्रात जोरदार पाऊस, पाणीसाठ्यात 5.59 टक्क्यांची वाढ
Rain : मुंबईला पाणीपुरवठा करणाऱ्या धरण क्षेत्रात मागील तीन दिवसापासून पडत असलेल्या पावसामुळे पाणीसाठ्यात 5.59 टक्क्यांची वाढ
तर एकूण सात धरण आणि भातसा धरणातील राखीव पाणीसाठा मिळून मागील तीन दिवसात एकूण 6.3 % पाणीसाठ्यात वाढ झाली आहे
28 जून रोजी मुंबईला पाणीपुरवठा करणाऱ्या सात धरणांमधील पाणीसाठा 7.26 टक्के होता त्यात वाढ होऊन आज सकाळी ऐकून पाणीसाठा 12.85 टक्के झाला आहे
त्यामुळे मुंबईला साधारणपणे 18 दिवस पुरेल एवढा पाणीसाठा मागील तीन दिवसांच्या पावसामुळे या 7 धरण क्षेत्रात जमा झाला आहे
महत्त्वाच्या बातम्या
ट्रेंडिंग न्यूज
