शेतकऱ्यांसाठी महत्वाची बातमी! 'या' तारखेपासून अवकाळी पावसाची शक्यता, शेतकऱ्यांनी काय काळजी घ्यावी?
राज्यातील वातावरणात (Weather) सातत्यानं बदल होत आहे. कुठं थंडीचा कडाका (Cold Weather) जाणवत आहे, तर कुठं ढगाळ वातावरण आहे. या बदलत्या वातावरणामुळं शेतकरी (Farmers) चिंतेत आहेत.
Maharashtra Weather News : राज्यातील वातावरणात (Weather) सातत्यानं बदल होत आहे. कुठं थंडीचा कडाका (Cold Weather) जाणवत आहे, तर कुठं ढगाळ वातावरण आहे. या बदलत्या वातावरणामुळं शेतकरी (Farmers) चिंतेत आहेत. कारण बदलत्या वातावरणाचा फळपिकांना मोठा फटका बसत आहे. दरम्यान, हवामान अभ्यासक पंजाबराव डख (Panjabrao Dakh) यांनी वर्तवलेल्या अंदाजानुसार, राज्यात अवकाळी पावसाची शक्यता आहे. राज्यात 20 तारखेपर्यंत हवामान कोरडे राहणार आहे. त्यानंतर 21 तारखेपासून राज्यात अवकाळी पावसाची शक्यता असल्याची माहिती पंजाबराव डखांनी दिली आहे.
नेमकं काय म्हणाले पंजाबराव डख?
पंजाबराव डखांनी हवामानाचा नवीन अंदाज वर्तवला आहे. त्यांनी दिलेल्या माहितीनुसार राज्यात अवकाळी पावसाची शक्यता आहे. महाराष्ट्रात 21 डिसेंबर ते 26 डिसेंबर दरम्यान भाग बदलत अवकाळी पाऊस पडणार आहे. राज्यात 19 तारखेपर्यंत कडाक्याची थंडी पडणार असल्याची माहिती पंजबाराव डखांनी दिली आहे.
शेतकऱ्यांनी काय काळजी घ्यावी?
सध्या अनेक शेतकऱ्यांची कांदा काढणी सुरु आहे. ज्या शेतकऱ्यांचा कांदा काढणीस आला असेल अशा शेतकऱ्यांनी कांदा काढणी करुन झाकून ठेवावा असा सल्ला पंजाबराव डख यांनी दिला आहे. कारण महाराष्ट्रात 21 डिसेंबर ते 26 डिसेंबर दरम्यान भाग बदलत अवकाळी पाऊस पडणार आहे. राज्यात 19 तारखेपर्यंत कडाक्याची थंडी पडणार आहे. जे तिरुपतीला दर्शनाला जाणार आहे त्यांच्यासाठी महत्वाची माहिती आहे. 17, 18, 19 डिसेंबरला तिरुपती, तामिळनाडू भागात अवकाळी पावसाची शक्यता असल्याची माहिती पंजाबराव डखांनी दिली आहे. पुढील काहि दिवस थंडीचे आहेत. शेतकऱ्यांनी, रब्बी पिकांचे सिंचन, तणनियंत्रण व खत नियोजन यांचा मेळ घालून पीक वाढीचा वेग-दर साधावा. शेतकऱ्यांनी थंडीचा लाभ उठवावा. कारण डिसेंबरातील थंडीच्या मासिक अंदाजनुसार, शेवटच्या आठवड्यात कमाल व किमान अशी दोन्हीही तापमाने, सरासरीपेक्षा अधिक राहून, थंडी सरासरीपेक्षा कमी जाणवण्याची शक्यता आहे.
अवकाळी पावसाच्या अंदाजामुळं शेतकऱ्यांच्या मनात भीती
अवकाळी पावसाच्या अंदाजामुळं शेतकऱ्यांच्या मनात भीती निर्माण झाली आहे. कारण, हा पाऊस फळ पिकांसाठी धोकादायक असतो. त्यामुळं द्राक्ष, डाळिंब केळी उत्पादक शेतकरी चिंतेत आहेत. मात्र, सध्या राज्यातील पावसाचं वातावरण निवळलं आहे. पुन्हा एकदा राज्यात थंडीचा जोर वाढला आहे. मात्र, 21 डिसेंबरपासून राज्यात भाग बदलत पावसाची शक्यता वर्तवण्यात आली आहे. शेतकऱ्यांना दरवर्षी नैसर्गिक संकटांचा मोठा फटका बसत असतो. या संकटामुळं अनेकवेळा हाती आलेली पिकं देखील वाया जाण्याची दाट शक्यता असते.
महत्त्वाच्या बातम्या
