(Source: ECI/ABP News/ABP Majha)
Maharashtra Petrol-Diesel Price : राज्यात इंधन दरवाढीचा भडका; परभणीत एक लिटर पेट्रोल 122 पार, इतर शहरांतील दर काय?
मुंबईसह महाराष्ट्राच्या सर्व शहरांमध्ये आजही इंधनाच्या किमती कडाडल्या आहेत. जाणून घेऊयात या शहरांमध्ये एक लिटर पेट्रोल-डिझेलच्या किमती कितीनं महागल्या आहेत.
Maharashtra Petrol-Diesel Price Today : सरकारी तेल कंपन्यांनी आज पुन्हा पेट्रोल-डिझेलच्या दरांमध्ये वाढ केली आहे. दरम्यान, गेल्या काही दिवसांपासून देशात पेट्रोल-डिझेलच्या दरवाढीचं सत्र काही केल्या थांबत नाहीये. पेट्रोल-डिझेलच्या दरवाढीची गेल्या पंधरा दिवसांतील ही तेरावी वेळ आहे. पेट्रोल-डिझेलच्या दरांत सातत्यानं होणाऱ्या दरवाढीमुळं सर्वसामान्यांच्या खिशाला चाप बसत आहे. तसेच, देशाची आर्थिक राजधामी मुंबईसह संपूर्ण महाराष्ट्रात पेट्रोल-डिझेल दरवाढीचा भडका उडाला आहे. जाणून घेऊया राज्यातील महत्त्वाच्या शहरांतील पेट्रोल-डिझेलचे दर...
आज महाराष्ट्रातील प्रमुख शहरांमध्ये पेट्रोल आणि डिझेलचे दर किती?
देशातील सर्व राज्यांप्रमाणेच आज महाराष्ट्रातही पेट्रोल आणि डिझेलच्या दरात वाढ झाली आहे. केवळ महाराष्ट्रातच नव्हे, तर देशातही सर्वात महाग पेट्रोल परभणीत विकलं जात आहे. आजच्या दरवाढीनंतर परभणीत एक लिटर पेट्रोलचे दर 122.01 रुपये प्रति लिटर, तर डिझेलचे दर 104.62 रुपये प्रति लिटरनं विकलं जात आहे.
मुंबई शहरात आज पेट्रोलचा दर 84 पैशांनी वाढून 119.67 रुपये प्रति लिटर तर डिझेलचा दर 85 पैशांनी वाढून 103.92 रुपये प्रति लिटर झाला आहे. तर पुण्यात आज पेट्रोलचा दर प्रतिलिटर 119.07 रुपये तर डिझेलचा दर 101.78 रुपयांवर पोहोचला आहे. नाशिकमध्ये आज पेट्रोलचा दर 119.11 रुपये तर डिझेलचा दर 101.83 रुपये प्रति लिटर झाला आहे. नागपुरात आज पेट्रोलचा दर प्रति लिटर 119.33 रुपये तर डिझेलचा दर 102.07 रुपये प्रति लिटर झाला आहे. कोल्हापुरात आज पेट्रोलचा दर प्रति लिटर 119.69 रुपये तर डिझेलचा दर 102.41 रुपयांवर पोहोचला आहे.
| शहरं | पेट्रोलचे दर (प्रति लिटर) | डिझेलचे दर (प्रति लिटर) |
| मुंबई | 119.67 रुपये | 103.92 रुपये |
| पुणे | 119.07 रुपये | 101.78 रुपये |
| नाशिक | 119.11 रुपये | 101.83 रुपये |
| परभणी | 122.01 रुपये | 104.62 रुपये |
| औरंगाबाद | 119.97 रुपये | 102.65 रुपये |
| कोल्हापूर | 119.69 रुपये | 102.41 रुपये |
| नागपूर | 119.33 रुपये | 102.07 रुपये |
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
