Maharashtra News LIVE : देशभरातील सर्व शहरांतील महत्त्वाच्या बातम्या फक्त एका क्लिकवर...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Rajan Salvi ACB Case Update : जामिनासाठी ठाकरे गटाचे आमदार राजन साळवी हायकोर्टात
Rajan Salvi ACB Case Update : एसीबीने गुन्हा दाखल केल्यानंतर जामिनासाठी ठाकरे गटाचे आमदार राजन साळवी हायकोर्टात
Amravati News : बच्चू कडू देशाचे मोठे नेते आहेत, रवी राणांची खोचक टीका
अमरावती : बच्चू कडू यांनी राणा दाम्पत्यांवर जोरदार टिका केल्यावर आता आमदार रवी राणा यांनी देखील त्याला जोरदार प्रत्युत्तर दिलं आहे. जो व्यक्ती आपल्या स्वार्थासाठी आपल्या पदासाठी राजकारण करतो त्यावर बोलायची मला फारशी गरज नाही. ते देशाचे फार मोठे नेते झालेले आहेत. त्यांना अमेरिकेचे राष्ट्रपती डोनाल्ड ट्रम्प यांच्या जागी नेऊन बसवावे जेणेकरून ते आपल्या भारतावर चांगल्या प्रकारे लक्ष ठेवू शकतील. ते फार आंतरराष्ट्रीय स्तरावरची व्यक्ती आहेत त्यांना माझ्या खूप खूप शुभेच्छा. सध्या मी जनतेच्या सेवेत व्यस्त आहे असं प्रतिउत्तर रवी राणा यांनी दिलं.
Buldana Lok Sabha : बुलढाण्यात रविकांत तुपकर आणि प्रतापराव जाधव उमेदवारी अर्ज भरणार
Buldana Lok Sabha : बुलढाण्यातून शेतकरी नेते रविकांत तुपकर हे आपला उमेदवारी अर्ज दाखल करणार आहेत. तर सलग तीन टर्म खासदार असलेले शिवसेनेच्या प्रतापराव जाधव यांना चौथ्यांदा उमेदवारी देण्यात आलीय. महायुतीकडून ते देखील आज उमेदवारी अर्ज दाखल करणार आहेत. याआधीच बंडखोरी करत शिवसेनेचे संजय गायवाड आणि भाजपचे माजी आमदार विजयराज शिंदे यांनी उमेदवारी अर्ज दाखल केलाय. ही बंडखोरी कायम राहिल्यास याठिकाणी महायुतीची डोकेदुखी वाढण्याची शक्यताय.
Lok Sabha Election 2024 : लोकसभा निवडणुकीच्या पहिल्या टप्प्याला सुरुवात
Lok Sabha Election : लोकसभा निवडणुकीच्या पहिल्या टप्प्याला सुरुवात झालीय. तरीही महाराष्ट्रातील ४८ मधील असे काही मतदारसंघ आहेत, जे उमेदवारांच्या प्रतीक्षेत आहेत. महाविकास आघाडी आणि महायुतीमध्ये घटकपक्षांना जागा सुटल्या असल्या तरी त्यांना पक्षांना उमेदवार मिळत नाहीत किंवा उमेदवार निश्चित होत नाहीत. त्यामुळे उमेदवारी जाहीर करण्यास उशीर लागत आहे. तर काही ठिकाणी दोन्ही बाजूंनी एकाच लोकसभा मतदारसंघात एकापेक्षा अधिक जण उमेदवारीसाठी इच्छुक आहेत. त्यामुळे तिथेही पेच निर्माण झाला आहे. काही ठिकाणी अजूनही एखादा लोकसभा मतदारसंघ कोणत्या पक्षाने लढवावा यावर एकमत होत नाहीये.
Nagpur : नितीन गडकरींची लोकसंवाद यात्रा आज दक्षिण पश्चिम नागपुरात
Nagpur : नागपुरात नितीन गडकरी यांची लोकसंवाद यात्रा आज दक्षिण पश्चिम नागपूर विधानसभा क्षेत्रातून जातेय. दक्षिण पश्चिम नागपूर हा उपमुख्यमंत्री देवेंद्र फडणवीस यांचा मतदारसंघ. त्यामुळे गडकरींसोबत स्वतः फडणवीस या रॅलेत सहभागी झाले आहेत. 2019 च्या निवडणुकीत याच मतदारसंघातून गडकरी यांना 65 हजारांची मोठी आघाडी मिळाली होती. या निवडणुकीतही ती आघाडी कायम राहून त्यात भर पडावी, यासाठी भाजपचे कार्यकर्ते प्रयत्नशील आहेत.
महत्त्वाच्या बातम्या
ट्रेंडिंग न्यूज
