Maharashtra News Updates 12 November 2022 : नेपाळमध्ये पुन्हा भूकंपाचा सौम्य धक्का, 5.4 रिश्टर स्केलची नोंद

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

राष्ट्रवादीचे नेते जितेंद्र आव्हाड यांच्या अटकेविरोधात घाटकोपरमध्ये राष्ट्रवादीकडून सकाळी 11 वाजता आंदोलन केलं जाणार आहे.  मुख्यमंत्री एकनाथ शिंदे हे आज भंडारा जिल्हा दौऱ्यावर आहेत. भंडाऱ्यात ते दोनशे कोटी रुपयांच्या विकासकामांचं भूमीपूजन करतील.  दुपारी 3.30 वाजता खातरोड रेल्वे मैदान, माधवनगर येथे त्यांची जाहीर सभा होईल. या महत्वाच्या बातम्यांसह आज दिवसभरात घडणाऱ्या काही पूर्वनियोजित घटना, कार्यक्रम, घटना-घडामोडींबाबत थोडक्यात जाणून घेणार आहोत. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी तुमच्यापर्यंत सविस्तर पोहोचवू याची थोड्यात माहिती देणार आहोत.  

जितेंद्र आव्हाड यांच्या अटकेविरोधात घाटकोपरमध्ये राष्ट्रवादीकडून आंदोलन

जितेंद्र आव्हाड यांच्या अटकेविरोधात घाटकोपरमध्ये राष्ट्रवादीकडून सकाळी 11 वाजता आंदोलन केलं जाणार आहे. 

काँग्रेसची भारत जोडो यात्रा  कळमनुरी, हिंगोली येथून सुरू होणार 

काँग्रेसची भारत जोडो यात्रा  कळमनुरी, हिंगोली येथून सुरू होणार आहे.  सकाळी सहा वाजता यात्रेला सुरुवात होईल. 
 
मुख्यमंत्री भंडारा जिल्हा दौऱ्यावर 

मुख्यमंत्री एकनाथ शिंदे हे आज भंडारा जिल्हा दौऱ्यावर  आहेत. भंडाऱ्यात ते दोनशे कोटी रुपयांच्या विकासकामांचं भूमीपूजन करतील.  दुपारी 3.30 वाजता खातरोड रेल्वे मैदान, माधवनगर येथे त्यांची जाहीर सभा होईल. 
 
भंडारऱ्यात शेतकरी मुख्यमंत्र्यांना काळे झेंडे दाखवणार

आधारभूत धान खरेदी केंद्र सुरू न झाल्याने शेतकरी अडचणीत सापडले आहेत. त्यामुळे धान केंद्र सुरू न केल्याने मुख्यमंत्री एकनाथ शिंदे यांचा निषेध करण्यासाठी त्यांना काळे झेंडे दाखविणार असल्याचा इशारा राष्ट्रवादी काँग्रेसचे आमदार राजू करेमोरे यांनी दिला आहे.
 
काँग्रेस आज गुजरात निवडणुकीसाठी घोषणापत्र जाहीर करणार

 काँग्रेस आज गुजरात निवडणुकीसाठी घोषणापत्र जाहीर करणार आहे. सकाळी 11.30 वाजता घोषणा पत्र जाहीर केले जाईल.  
 
अजित पवार पुण्यातील विविध कार्यक्रमात सहभागी होणार  

विरोधी पक्षनेते अजित पवार पुण्यातील विविध कार्यक्रमात सहभागी होणार आहेत.   

 केंद्रीय मंत्री प्रल्हाद पटेल यांची पत्रकार परिषद 

 केंद्रीय मंत्री प्रल्हाद पटेल यांची दुपारी साडे तीन वाजता पुण्यात पत्रकार परिषद होणार आहे.  

सांगली जिल्ह्याच्या जत तालुक्यात गुगवाड येथे 'धम्मभूमी' लोकार्पण सोहळा 

सांगली- दीक्षाभूमी आणि चैत्यभूमीच्या धर्तीवर सांगली जिल्ह्यात धम्मभूमी. पश्चिम महाराष्ट्रातील सर्वात मोठा बुद्ध विहार आणि धम्मभूमी. सांगली जिल्ह्याच्या जत तालुक्यात गुगवाड येथे 'धम्मभूमी' लोकार्पण सोहळा आहे. वीस एकर क्षेत्रामध्ये बुद्ध विहार, भिकू ट्रेनिंग सेंटर, लायब्ररी, यूपीएससी एमपीएससी ट्रेनिंग सेंटर सुरू करण्यात येत आहे.   

भाजप  प्रदेशाध्यक्ष चंद्रशेखर बावनकुळे कोल्हापूर दौऱ्यावर
 
भाजपचे प्रदेशाध्यक्ष चंद्रशेखर बावनकुळे कोल्हापूर जिल्ह्याच्या दौऱ्यावर आहेत. सकाळी 10.30 वाजता त्यांच्या दौऱ्याला सुरुवात होणार आहे.
  
भारतीय जनता पार्टी महिला मोर्चाच्या प्रदेशाध्यक्ष चित्रा वाघ आज वर्धा जिल्ह्याच्या दौऱ्यावर 

भारतीय जनता पार्टी महिला मोर्चाच्या प्रदेशाध्यक्ष चित्रा वाघ आज वर्धा जिल्ह्याच्या दौऱ्यावर आहेत. या दौऱ्या दरम्यान त्यांची जिल्हाधिकारी तसेच जिल्हा पोलीस अधीक्षक यांच्याशी भेट आणि चर्चाही आहे. दुपारी 12 वाजता त्यांची पत्रकार परिषद होणार आहे. 

21:19 PM (IST)  •  12 Nov 2022

सोलापुरात एका प्रतिष्ठित डॉक्टरकडून वृद्ध व्यक्तीला बेदम मारहाण, मारहाणीची घटना सीसीटीव्हीत कैद 

सोलापूर - 
सोलापुरात एका प्रतिष्ठित डॉक्टरकडून वृद्ध व्यक्तीला बेदम मारहाण, मारहाणीची घटना सीसीटीव्हीत कैद 

 खरकटे पाणी अंगावर का टाकले विचारल्याने डॉक्टराने फायबर काठीने बेदम मारहाण केल्याचा आरोप 

सोलापुरातील प्रसिद्ध अस्थिरोग तज्ञ डॉक्टर संदीप आडके असे मारहाण करणाऱ्या डॉक्टराचे नाव

गवंडी कामगार विजय चौधरी यांना डॉक्टरकडून मारहाण 

या बेदम मारहाणीत चौधरी यांच्या हाताला पाच टाके पडल्याची पोलिसात फिर्याद

डॉ. आडके यांच्या विरोधात भादवी कलम 323, 324 504, 506 अनुसार सदर बाजार पोलीस स्टेशन मध्ये गुन्हा दाखल

दरम्यान संदीप आडके यांनी देखील विजय चौधरी यांच्या विरोधात सदर बाजार पोलिसात तक्रार दाखल केली

चौधरी दारू पिऊन हॉस्पिटलच्या कर्मचाऱ्यांना शिवीगाळ केल्याचा डॉक्टरांनी केला आरोप

डॉक्टरांच्या तक्रारीनंतर गवंडी कामगार विजय चौधरी यांच्या विरोधातही अदखलपात्र गुन्ह्याची नोंद 

20:15 PM (IST)  •  12 Nov 2022

शासकीय रुग्णालयात डॉक्टरांनी वेळेत उपचार न केल्याने रुग्णाचा मृत्यू, नातेवाईकांचा आरोप

शासकीय रुग्णालयात डॉक्टरांनी वेळेत उपचार न केल्याने रुग्णाचा मृत्यू झाल्याचा आरोप रुग्णांच्या नातेवाईकांनी केला आहे..फलटण तालुक्यातील गोखळी येथील अकरावीत शिकत असलेला अक्षय साधू धुमाळ वय वर्ष अठरा हा मुलगा शेतात गवत आणायला गेला असता मंगळवारी दुपारी याला विषारी सापाने दंश केला होता. त्यानंतर उपचारासाठी त्याला बारामती येथील सिल्वर जुबली हॉस्पिटल मध्ये दाखल करण्यात आले होते. त्याची प्रकृती बिघडत असल्याने त्याला महिला ग्रामीण रुग्णालयामध्ये शिफ्ट करण्यात आले. त्याच दिवशी रात्री दहा वाजता मुलाला ससून येते शिफ्ट करावे लागेल असे येथील डॉक्टरांनी मुलाच्या वडिलांना सांगितले. मुलाच्या वडिलांनी नंतर आपल्या मुलाला रात्री बारा वाजता बारामती शहरातील खाजगी हॉस्पिटलमध्ये दाखल केले होते. मात्र आज उपचारादरम्यान अक्षय साधू धुमाळ याचा मृत्यू झाला आहे. शासकीय रुग्णालयातील डॉक्टरांनी दिरंगाई आणि हलगर्जीपणा केल्याने मुलाचा मृत्यू झालाय असा अरोप मुलाचे वडील साधु धुमाळ यांनी केलाय. धुमाळ यांना एकच मुलगा होता. जोपर्यंत डॉक्टरांवर कारवाई होत नाही, तोपर्यंत मुलाचा मृतदेह ताब्यात घेणार नाही असा पवित्रा मुलाच्या वडिलांनी आता घेतला..

 

20:13 PM (IST)  •  12 Nov 2022

Delhi Earthquake : दिल्लीत एका आठवड्यात दुसऱ्यांदा भूकंपाचा धक्का

नेपाळमध्ये पुन्हा भूकंपाचा सौम्य धक्का, 5.4 रिश्टर स्केलची नोंद

दिल्लीतही भूकंपाची तीव्रता जाणवली

हिमाचल प्रदेश आणि उत्तराखंडातही जाणवले भूकंपाचे धक्के

मागील 15 दिवसात नेपाळमध्ये भूकंपाचा तिसरा धक्का

20:11 PM (IST)  •  12 Nov 2022

नेपाळमध्ये पुन्हा भूकंपाचा सौम्य धक्का, 5.4 रिश्टर स्केलची नोंद

नेपाळमध्ये पुन्हा भूकंपाचा सौम्य धक्का, ५.४ रिश्टर स्केलची नोंद, दिल्लीतही भूकंपाची तीव्रता जाणवली, हिमाचल प्रदेश आणि उत्तराखंडातही जाणवले भूकंपाचे धक्के

मागील १५ दिवसात नेपाळमध्ये भूकंपाचा तिसरा धक्का

19:19 PM (IST)  •  12 Nov 2022

 सांगलीतील गुगवाड येथे उभारली पश्चिम महाराष्ट्रातील सर्वात मोठी 'धम्मभूमी'  

Sangli News Update : चैत्यभूमी आणि दिक्षाभूमीच्या पार्श्वभूमीवर सांगली जिल्ह्यातील जत तालुक्यातील गुगवाड याठिकाणी पश्चिम महाराष्ट्रातील भव्य अशी "धम्मभूमी" उभारण्यात आली आहे. शानदार सोहळ्यात बौद्ध भिक्खूंच्या हस्ते धम्म भूमीचा लोकार्पण सोहळा पार पडला. बुद्ध विहारच्या इमारतीत थायलंडवरून आणलेली बारा फूट उंचीची पंचधातूच्या बुद्ध मूर्तीची प्रतिष्ठापणा करण्यात आली. यावेळी हजारो लोकांनी बौद्ध धर्माची दीक्षा घेतली. अथर्व चंद्रकांत सांगलीकर चॅरिटेबल ट्रस्टच्या माध्यमातून सुमारे आठ कोटी रुपये खर्च करून धम्मभूमी साकारली आहे. खासगी खर्चातून उभा केलेला हा देशातील पहिला प्रयोग आहे. या धम्म भूमीवर आता बुद्ध विहार, भिकू ट्रेनिंग सेंटर, लायब्ररी, यूपीएससी एमपीएससी ट्रेनिंग सेंटर देखील सुरू करण्यात आले आहे.