Maharashtra Breaking News Live 22 September 2022 : रात्रभर मुंबई गोवा महामार्गावरील वाहतूक बंद राहणार

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो. त्या घटना-घडामोडींची पार्श्वभूमी-पूर्वपिठिका हाताशी असल्यावर या घटना-घडामोडी समजून घेणं सोपं होतं. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी आम्ही तुमच्यापर्यंत सविस्तर पोहोचवू याची ही थोडक्यात उजळणी...  या नियोजित-घटना कार्यक्रमांसोबतच आयत्यावेळी येणाऱ्या घडामोडीही आम्ही तुमच्यापर्यंत पोहोचवू. 

शिवाजी पार्क कोणाचं?  उच्च न्यायालयात सुनावणी
शिवाजी पार्कवर दसरा मेळाव्यासाठी शिवसेनेने दाखल केलेल्या याचिकेवर आज सुनावणी आहे.    रितसर पूर्वपरवानगी मागूनही मुंबई महापालिकेडून उत्तर नाही. पालिका प्रशासनावर राज्य सरकराचा दबाव असल्याचा याचिकेत आरोप आहे. न्यायमूर्ती आर. डी. धानुका आणि न्यायमूर्ती कमल काथा यांच्या खंडपीठासमोर सुनावणी होणार आहे.   1966 पासून शिवसेना पक्ष म्हणून शिवाजी पार्कावर दसऱ्याच्या दिवशी मेळावा घेण्याची परंपरा आहे.  त्यामुळे यादिवशी देशभरातील कार्यकर्ते कोणत्याही निमंत्रणाविना शिवाजी पार्कवर दाखल होतात, त्यामुळे आम्हालाच परवानगी मिळायला हवी, शिवसेनेने याचिकेत केला आहे. 

मनसे अध्यक्ष राज ठाकरे अमरावती दौऱ्यावर 
मनसे अध्यक्ष राज ठाकरे अमरावती दौऱ्यावर आहेत. अमरावतीतील अंबादेवी मंदिरात सुद्धा राज ठाकरे जाऊन दर्शन घेण्याची शक्यता आहे.  तसेच राज ठाकरे आज पत्रकार परिषद घेणार आहेत

केंद्रीय अर्थमंत्री निर्मला सितारामन बारामती लोकसभा मतदारसंघाच्या दौऱ्यावर 
केंद्रीय अर्थमंत्री निर्मला सितारामन बारामती लोकसभा मतदारसंघाच्या दौऱ्यावर  आहेत. विचारपरिवार समन्वय बैठक तसेच राष्ट्रीय स्वयंसेवक संघ यांची पदाधिकाऱ्यांची बैठक होणार आहे. 

भाजपचे माजी खासदार किरीट सोमय्या आज एक दिवसाच्या दापोली दौऱ्यावर
भाजपचे माजी खासदार किरीट सोमय्या आज एक दिवसाच्या दापोली दौऱ्यावर आहेत. सकाळी 7.55 वाजता रेल्वेने निघणार आहेत. दापोली पोलिस स्टेशन, प्रांत अधिकारी, सार्वजनिक बांधकाम अधिकाऱ्यांची भेट घेतल्यानंतर पत्रकार परिषद घेणार आहेत.

राजू श्रीवास्तव यांच्यावर  अंत्यसंस्कार
 राजू श्रीवास्तव यांच्यावर आज सकाळी 10 वाजता निगम बोध येथे अंत्यसंस्कार होणार आहेत. सकाळी 8 वाजता दिल्लीच्या दशरथपुरी येथून अंत्ययात्रा निघणार आहे.

केंद्रीय मंत्री शंतनू ठाकूर हिंगोली  दौऱ्यावर
केंद्रीय मंत्री शंतनू ठाकूर आज हिंगोली जिल्हा दौऱ्यावर आहेत. यावेळी भाजपकडून शक्ती प्रदर्शन केलं जाणार आहे

केंद्रीय मंत्री हरदिपसिंग पुरी चंद्रपूर  दौऱ्यावर 
भाजपतर्फे चंद्रपूर लोकसभा निवडणूक पूर्वतयारीसाठी केंद्रीय मंत्री हरदिपसिंग पुरी चंद्रपूर शहरात येणार आहेत. यावेळी ते विविध कार्यक्रमात सहभागी होणार आहेत. कार्यकर्त्यांना संबोधित करणार आहेत.

08:20 AM (IST)  •  23 Sep 2022

Amravati Breaking : अल्पवयीन मुलगी पळून नेणाऱ्या आरोपीची रात्री जमावाकडून हत्या

अमरावतीमध्ये अल्पवयीन मुलगी पळून नेणाऱ्या आरोपीची रात्री जमावाकडून हत्या करण्यात आलीय. शिवाजी नगर गारोडी पुरामधील आरोपी नईम यांचा रात्री हत्या करण्यात आली आहे. 21 तारखेला चाकूच्या धाकावर अल्पवयीन मुलीच अपहरण केलं होतं. त्यानंतर रात्री अल्पवयीन मुलीला घरी आणून सोडले. आरोपी परिसरात आला तेव्हा त्याचा जमावाने हत्या केल्याची धक्कादायक घटना घडली आहे. याप्रकरणी पुढील तपास चांदुर रेल्वे पोलीस करत आहेत. 

घटनाक्रम 

दि. 21/09/2022 - रोजी चांदुर रेल्वे शहरातील चाकूचा धाक दाखवून एका अल्पवयीन मुलीचे अपहरण

दिवस रात्रभर पोलीस यंत्रणेमार्फत आरोपीच्या शोधात पथके पाठविली

दि. 22/09/2022 रोजी नागरिकांचा पोलीस स्टेशनवर मोर्चा

दि. 23/09/2022 रोजी मध्यरात्री 1.30 वाजता अल्पवयीन मुलीला तिच्या घरी आणून सोडण्यात आले.

08:11 AM (IST)  •  23 Sep 2022

Dasara Melava : दसरा मेळाव्यासाठी शिवाजी पार्क मिळालं नाही तर शिवसेनेचा प्लॅन बी तयार

Shivsena Dasara Melava : हायकोर्टाच्या निर्णयानंतर शिवसेना पत्ते खोलणार, दसरा मेळाव्यासाठी शिवाजी पार्क मिळालं नाही तर प्लॅन बी तयार.... महालक्ष्मी, सेनाभवनसह अनेक पर्याय...

 

LIVE UPDATES#BreakingNews : हायकोर्टाच्या निर्णयानंतर शिवसेना पत्ते खोलणार, दसरा मेळाव्यासाठी शिवाजी पार्क मिळालं नाही तर प्लॅन बी तयार.... महालक्ष्मी, सेनाभवनसह अनेक पर्याय...#ShivSena #UddhavThackeray#DasaraMelava #Mumbai #shivajipark #Maharashtrahttps://t.co/mcClZm3GEM pic.twitter.com/XE4RjIyfy6

— ABP माझा (@abpmajhatv) September 23, 2022

07:42 AM (IST)  •  23 Sep 2022

मुख्यमंत्री एकनाथ शिंदे आणि गृहमंत्री अमित शाह यांची काल रात्री भेट, दोघांमध्ये 40 मिनिटं चर्चा

मुख्यमंत्री एकनाथ शिंदे आणि गृहमंत्री अमित शाह यांची काल रात्री भेट, दोघांमध्ये 40 मिनिटं चर्चा

LIVE UPDATES#BreakingNews : मुख्यमंत्री एकनाथ शिंदे आणि गृहमंत्री अमित शाह यांची काल रात्री भेट, दोघांमध्ये 40 मिनिटं चर्चा#Delhi #EknathShinde#AmitShah #Shivsena #BJPhttps://t.co/mcClZm3GEM pic.twitter.com/32eqh6mhj5

— ABP माझा (@abpmajhatv) September 23, 2022

19:37 PM (IST)  •  22 Sep 2022

रात्रभर मुंबई गोवा महामार्गावरील वाहतूक बंद राहणार

मुंबई गोवा महामार्गावर LPG गॅस अलणाऱ्या टँकरचा अपघात झाला आहे. त्यामुळे आज रात्रभर मुंबई गोवा महामार्गावरील वाहतूक बंद राहणार आहे. या महामार्गावरील वाहतूक पर्यायी मार्गाने वळवण्यात आली आहे.  
तज्ज्ञांची टीम उरण आणि गोवा वरून दाखल होणार  आहे. पलटी झालेल्या टँकर ची क्षमता 28 हजार किलो इतकी आहे. 

18:13 PM (IST)  •  22 Sep 2022

Solapur News : सोलापुरातील लक्ष्मी सहकारी बँकेचा आरबीआयकडून परवाना रद्द

Solapur News : सोलापुरातील लक्ष्मी सहकारी बँकेला  (Laxmi Co-operative Bank)टाळं लागणार आहे.  रिझर्व्ह बँक ऑफ इंडियाने (Reserve Bank Of India) बँकेवर कारवाई करत बँकिंग व्यवसायाचा परवाना रद्द केला आहे