Maharashtra Breaking News LIVE Updates : पालघर जिल्ह्यात विविध ठिकाणी पावसाची हजेरी

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Russia Ukraine : अमेरिकेकडून रशियावर इंधन आयात निर्बंध; जगभरात उडणार महागाईचा भडका?

Russia Ukraine War : युक्रेनवर हल्ला केल्यानंतर अमेरिकेने रशियाची आर्थिक कोंडी करण्याचे प्रयत्न सुरू केले आहेत. अमेरिकेने आधीच निर्बंध लावले लागू होते. त्यात आता मंगळवारी राष्ट्राध्यक्ष जो बायडन यांनी रशियाच्या गॅस, कच्च्या तेलाच्या आयातींवर बंदी घालण्याची घोषणा केली. या निर्बंधामुळे रशियाला मोठा आर्थिक झटका बसेल असे म्हटले. मात्र, बायडन यांच्या या निर्णयामुळे आंतरराष्ट्रीय बाजारात कच्च्या तेलाच्या दरावर काय परिणाम होतील, याची चर्चा सुरू झाली आहे. 

कच्च्या तेलाचे दर वाढणार?

अमेरिकेकडून रशियाच्या तेल आयातीवर बंदी घातल्याचा परिणाम दरांवर होण्याची भीती आहे. रशिया हा जगभरात कच्च्या तेलाचा पुरवठा करणाऱ्या देशापैकी एक आहे. जगभरात दररोज कच्च्या तेलाच्या 10 बॅरलचा पुरवठा होत असेल तर,  त्यापैकी एक बॅरल रशियातील आहे. रशियाच्या उपपंतप्रधानांनी कच्च्या तेलाचे दर 300 डॉलर प्रति बॅरल इतकी होण्याचा अंदाज वर्तवला होता. 

Petrol-Diesel Price : काल दरवाढ टळली, आजचं काय? जाणून घ्या तुमच्या शहरातील इंधन दर

Petrol-Diesel Price Today 9 March 2022 : सरकारी तेल कंपन्यांनी (oil companies) पेट्रोल-डिझेलचे (Petrol-Diesel) आजचे दर जारी केले आहेत. आजही देशातील पेट्रोल-डिझेलच्या किमती बदललेल्या नाहीत. दोन दिवसांपूर्वी सर्व पाच राज्यांतील विधानसभा निवडणुकींच्या सर्व टप्प्यातील मतदान संपलं. त्यामुळे आज देशातील पेट्रोल-डिझेलच्या किमतींमध्ये मोठी वाढ होईल, अशी शक्यता वर्तवण्यात येत होती. मात्र, आजही देशातील पेट्रोल-डिझेलच्या किमती स्थिर आहेत. मात्र नागपुरात सीएनजीच्या (CNG) किमतीत मात्र मोठी वाढ झाली आहे. 

पेट्रोल आणि डिझेलच्या दरात मोठी वाढ (Petrol-Diesel Price) होण्याची भीती तज्ज्ञांकडून व्यक्त केली जात आहे. त्यामुळे देशभरात खळबळ उडाली आहे. गेल्या वर्षी 3 नोव्हेंबर 2021 रोजी केंद्र सरकारनं पेट्रोलवरील उत्पादन शुल्क प्रति लिटर 10 रुपये आणि डिझेलवरील उत्पादन शुल्क 5 रुपयांनी कमी केलं होतं. त्यानंतर देशभरात पेट्रोल आणि डिझेलच्या दरात कोणतीही वाढ झालेली नाही. उत्तर प्रदेश, पंजाबसह 5 राज्यांतील विधानसभा निवडणुकांमुळे ( 5 State assembly election) दरात वाढ झाली नसल्याचं मानलं जात आहे. 

22:41 PM (IST)  •  09 Mar 2022

Kokan Rain : तळकोकणात अवकाळी पावसासह गारपीट

तळकोकणात अवकाळी पावसासह गारपीट होत आहे. आंबोली, कणकवली फोंडा परीसरात वादळी वाऱ्यासह गारांचा पाऊस होत असून मागील जवळपास अर्धातास गडगडाटासह पाऊस कोसळत आहे. अवकाळी पावसामुळे आंबा, काजू पिकाला फटका बसला आहे.

18:52 PM (IST)  •  09 Mar 2022

Beed News : सह्याद्री देवराई प्रकल्पाजवळील पालवन डोंगराला आग

Beed News : काही दिवसांपूर्वी बीडच्या सह्याद्री देवराई प्रकल्पामध्ये आग लागून मोठे नुकसान झाले होते. आता सह्याद्री देवराईच्या प्रकल्पाला लागून असलेल्या पालवनच्या डोंगराला आज दुपारी आग लागली होती. या आगीमध्ये साधारण तीन एकर परिसरातील झाडे जळाली आहेत. सह्याद्री देवराई प्रकल्पाच्या बाजूला फॉरेस्टची जागा डोंगरावर आहे तिथे वेगळ्या प्रकारचे झाड यापूर्वी लावली आहेत.  

18:22 PM (IST)  •  09 Mar 2022

Palghar Rain : पालघर जिल्ह्यात पावसाची हजेरी

Palghar Rain :  पालघर जिल्ह्यात पुन्हा एकदा विविध ठिकाणी अवकाळी पावसाने हजेरी लावली असून काही ठिकाणी रिमझिम तर काही ठिकाणी विजांच्या कडकडाटासह पावसाने सुरुवात केली आहे त्यामुळे पुन्हा एकदा फळ उत्पादकांसह भाजीपाला उत्पादक संकटात सापडला आहे तर दुसरीकडे सातत्याने होत असलेल्या अवकाळी मुळे वीट भट्टी वीट भट्टी उत्पादकही संकटात आला आहे

14:04 PM (IST)  •  09 Mar 2022

हा राजकिय संघर्ष नाही तर देशभक्तांचा संघर्ष - विरोधी पक्षनेते देवेंद्र फडणवीस

मलिकांच्या राजीनाम्यासाठी भाजप आक्रमक. भाजपचे प्रमुख नेते आझाद मैदानावर उपस्थित. हा संघर्ष देशभक्तांचा आहे. हा संघर्ष भारतमातेसाठी आहे. हे मावळे झुकणार नाही.
नवाब मलिकचा राजीनामा होत नाही, तोपर्यंत आम्ही शांत बसणार नाही.

13:53 PM (IST)  •  09 Mar 2022

12 बाॅम्बस्फोटाचा मास्टरमाइंड दाऊद होता. - आशिष शेलार

 आज नवाब मलिकांच्या राजीनाम्या संदर्भात मुंबईत भाजपाचा मोर्चा सुरु असून आशिष शेलार यावेळी म्हणाले...  
- 93 चा बाॅम्बस्फोट अजूनही आम्ही विसरलो नाही. या बॉम्बस्फोटात 84 लोकं एकाच वेळी मारली गेली. दीडची वेळ आहे अशाच दीडची वेळ होती आणि स्टाॅक एक्सचेंजजवळ स्फोट झाला. शिवसेना भवन, माहिम, सेंच्युरी बाजार, झवेरी बाजार, वांद्रे, प्लाजा, जुहू सेंटर, साहार एअरपोर्टवर बाॅम्बस्फोट झाला. 12 बाॅम्बस्फोटाचा मास्टरमाइंड दाऊद होता.