Maghi Ganesh Jayanti 2023 Live Updates : गणपती बाप्पा मोरया! राज्यभर माघी गणेश जयंतीचा उत्साह; ठिकठिकाणी मंदिरात भाविकांची गर्दी

Ganesh Jayanti : आज गणेश जयंती आहे. माघ महिन्यातील शुक्ल पक्षातील चतुर्थीची तिथी ही गणेश जयंती (Shri Ganesha Jayanti) म्हणून ओळखली जाते.

Background

Ganesh Jayanti 2023 Live Updates : आज गणेश जयंती आहे. माघ महिन्यातील शुक्ल पक्षातील चतुर्थीची तिथी ही गणेश जयंती (Shri Ganesha Jayanti) म्हणून ओळखली जाते. पौराणिक मान्यतेनुसार, पार्वतीचा पुत्र गणेशाचा या तिथीला जन्म झाला होता, म्हणून या दिवसाला गणेश जयंती असेही म्हटले जाते. गणेश चतुर्थी तिथी 25 जानेवारीला म्हणजे आज दुपारी 3.22 मिनिटांनी सुरू होईल आणि ही तिथी बुधवार 25 जानेवारीला रात्री 12.34 मिनिटांपर्यंत संपेल. 

संततीसुख आणि वैवाहिक जीवनात सुख मिळते

असे म्हणतात की, विघ्नहर्ता गणेशाच्या जयंती दिनी उपवास व विधीपूर्वक त्यांची पूजा केल्यास संततीसुख आणि वैवाहिक जीवनात सुख मिळते, तसेच माणसाच्या जीवनातील प्रत्येक समस्या, दुःखापासून मुक्ती मिळते. बुध-केतूच्या पीडातून मुक्ती मिळते. यंदा गणेश जयंती 25 जानेवारी 2023 ला म्हणजेच आज आहे. या दिवशी बाप्पाला प्रसन्न करायचे असेल तर शुभ मुहूर्त, पूजा पद्धत, मंत्र आणि गणपती पूजेचे नियम जाणून घेऊया.

गणेश जयंती 2023 रोजी पूजेसाठी शुभ मुहूर्त

माघ महिन्यातील शुक्ल पक्षातील गणेश चतुर्थी तिथी 25 जानेवारीला दुपारी 3.22 मिनिटांनी सुरू होईल आणि ही तिथी बुधवार 25 जानेवारीला रात्री 12.34 मिनिटांपर्यंत संपेल. मात्र, उदय तिथीनुसार गणेश जयंती 25 जानेवारी बुधवारी आहे. अशा स्थितीत गणेश चतुर्थीच्या दिवशी पूजेचा शुभ मुहूर्त सकाळी 11.29 ते 12.34 आणि रवियोग बुधवारीच सकाळी 06.44 ते 08.05 पर्यंत असेल. परीघ योग 24 जानेवारी रोजी रात्री 9.36 ते 25 जानेवारी सायंकाळी 6.15 पर्यंत असेल. शिवयोग 25 जानेवारीच्या संध्याकाळी 6.15 ते 26 जानेवारीला सकाळी 10.28 पर्यंत असेल.

 

13:57 PM (IST)  •  25 Jan 2023

बारामती तालुक्यातील मोरगावात गणेश जयंतीच्या निमित्ताने जलस्नान आणि अभिषेक

Ganesh Jayanti 2023  : अष्टविनायकतील प्रथम स्थान असलेल्या बारामती तालुक्यातील मोरगावात आज गणेश जयंतीच्या निमित्ताने राज्यभरातील भाविकांनी श्रीस जलस्नान आणि अभिषेक घालण्यासाठी  तसेच  दर्शनासाठी मोठी गर्दी केली होती. पहाटेपासूनच गणेश भक्तांनी मुक्तद्वार दर्शनासाठी मंदीराच्या मुख्य बाजार पेठेपर्यत रांगा लावल्या आहेत. हे मुक्त द्वार दर्शन दुपारी साडेबारा वाजेपर्यंत सुरु होते. आता नियमित दर्शन सुरु राहणार आहे. मंदिराच्या चार दिशांना चार द्वार मंदिर आहेत येथे अनवाणी चालत जाऊन दुर्वा वाहण्याची प्रथा असून द्वार यात्रेचा चौथा दिवस आहे. आज मोक्ष  द्वार टप्पा पुर्ण झाल्यानंतर द्वार यात्रा संपन्न होणार आहे. ही द्वार यात्रा गेल्या साडेपाचशे वर्षांपासून सुरू असल्याचे देवस्थानच्या वतीने सांगण्यात आले. मंदिराला आकर्षक अशी विद्युत रोषणाई करण्यात आली आहे.

 

13:55 PM (IST)  •  25 Jan 2023

Ganesh Jayanti 2023 : सांगलीमध्ये गणेश जयंती निमित्त गणपती मंदिरात आकर्षक सजावट

Ganesh Jayanti 2023 : सांगलीमध्ये गणेश जयंती निमित्त मुख्य गणपती मंदिरात आकर्षक सजावट करण्यात आली आहे. याचबरोबर गणपती मंदिराच्या आवारात आणि सभा मंडपात सुद्धा आकर्षक रंगरंगोटी आणि फुलांची सजावट करून गणेश जयंती साजरी केली जात आहे.  गणेश जयंती निमित्त पहाटेपासूनच सांगलीतील मुख्य गणपती मंदिराबरोबरच बागेतील गणपती मंदिर आणि अन्य गणेश मंदिरांमध्ये भाविकांनी गणरायाच्या दर्शनाला गर्दी केल्याचे चित्र पाहायला मिळालं. गणपती बाप्पा मोरया, असा जयघोष करत सांगलीतील विविध गणेश मंदिरामध्ये मोठ्या भक्तीने वातावरणात गणेश जयंती साजरी होत आहे. गणेश जयंती निमित्त ठिकठिकाणी महाप्रसाद खिचडी तसेच लाडूचे वाटप केले जात आहे. या वर्षातील ही पहिलीच गणेश जयंती असल्याने भाविकांनी या गणेश गणेश जयंती साठी मोठी गर्दी केली आहे.

 

 

 

12:06 PM (IST)  •  25 Jan 2023

Ganesh Jayanti : गणेश जयंतीनिमित्त धुळ्यातील श्री सिद्धेश्वर गणेश मंदिरात दर्शनासाठी भाविकांची गर्दी

Ganesh Jayanti 2023 : गणेश जयंतीनिमित्त धुळे शहरातील प्राचीन असलेल्या नवसाचा श्री सिद्धेश्वर गणेश मंदिरात भाविकांनी दर्शनासाठी गर्दी केली होती. यावेळी मंदिराला गणेश जयंती आणि प्रजासत्ताक दिन यानिमित्त आकर्षक सजावट करण्यात आली आहे. गणेश जयंतीनिमित्त मंदिरात गणेश विविध धार्मिक कार्यक्रमांचे आयोजन करण्यात आले आहे. धुळे शहरातील पांझरा नदीकाठी वर्षभर विविध धार्मिक कार्यक्रम संपन्न होत असतात.

11:19 AM (IST)  •  25 Jan 2023

गणेश जयंतीनिमित्त धुळ्यातील प्राचीन नवसाचा श्री सिद्धेश्वर गणेश मंदिरात भाविकांची गर्दी, विविध कार्यक्रमांचं आयोजन

Ganesh Jayanti 2023 : गणेश जयंतीनिमित्त धुळे शहरातील प्राचीन असलेल्या नवसाचा श्री सिद्धेश्वर गणेश मंदिरात भाविकांनी दर्शनासाठी गर्दी केली होती. यावेळी मंदिराला गणेश जयंती आणि प्रजासत्ताक दिन यानिमित्त आकर्षक सजावट करण्यात आली आहे. गणेश जयंतीनिमित्त मंदिरात गणेश यागासह विविध धार्मिक कार्यक्रमांचे आयोजन करण्यात आले आहे. धुळे शहरातील पांझरा नदीकाठी असलेल्या वर्षभर विविध धार्मिक कार्यक्रम संपन्न होत असतात.

10:53 AM (IST)  •  25 Jan 2023

Maghi Ganesh Jayanti 2023 : रत्नागिरीतील प्रसिद्ध गणपतीपुळे मंदिरात आज माघीची यात्रा

Maghi Ganesh Jayanti 2023 : रत्नागिरीतील प्रसिद्ध गणपतीपुळे मंदिरात आज माघीची यात्रा आहे. पहाटे चार वाजल्यापासून मंदिर भाविकांसाठी खुले करण्यात आलं आहे. श्री च्या दर्शनासाठी महाराष्ट्राच्या कानाकोपऱ्यातून भाविक दर्शनासाठी गणपतीपुळे मंदिरात आले आहेत. आज सायंकाळी माघी गणेशोत्सवानिमित्त श्री ची पालखी निघणार आहे. माघी उत्सवानिमित्त गणपतीपुळे मंदिरात पुढील तीन दिवस कार्यक्रम चालणार आहेत.