Maharashtra LIVE Updates: मध्य रेल्वेच्या मुंबई विभागात रविवारी मेगा ब्लॉक घेण्यात येणार

Maharashtra Breaking News: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...

Background

Maharashtra LIVE Updates: रविवार 16 जून रोजी मध्य रेल्वेच्या मुंबई विभागात मेगा ब्लॉक घेण्यात येणार आहे, विविध अभियांत्रिकी आणि देखभालीची कामे करण्यासाठी उपनगरीय विभागांवर मेगा ब्लॉक चालवण्यात येणार आहे.

19:28 PM (IST)  •  15 Jun 2024

Jalana News : मराठवाड्यात बोगस खत निर्मिती करणाऱ्या कंपन्या, भाजप आमदार बबनराव लोणीकर यांचा दावा

जालना : मराठवाड्यात काही बोगस खत निर्मिती करणाऱ्या कंपन्या असून त्यांनी सरकारची कोणतीच परवानगी घेतली नसल्याचा दावा भाजप आमदार बबनराव लोणीकर यांनी केलाय. जालन्यातील मंठा येथे खरीप हंगामाच्या आढावा बैठकीमध्ये कृषी आणि महसूल विभागाच्या अधिकाऱ्यांनसमोर हा दावा केलाय. जालन्यातील एका उद्योजकाने आश्या कारवाईपासून वाचण्यासाठी आपल्या पायावर लोटांगण घेतल मात्र  त्याच्यावर देखील आपण कारवाई केली असा गौप्यस्फोट देखील त्यांनी यावेळी केला.

17:52 PM (IST)  •  15 Jun 2024

Parbhani Rain : एक तासाच्या पावसात जिंतुरमध्ये पाणीच पाणी, अनेक ओढ्यांना पूर 20 ते 25 गावांचा संपर्क तुटला 

परभणी : आज दुपारच्या सुमारास परभणीच्या जिंतूर तालुक्यात केवळ 1 तास पाऊस झालाय हा पाऊस एवढा जोरदार होता कि सर्वत्र पाणीच पाणी करून गेला. जिंतुर तालुक्यातील अंगलगाव, शेवडी, माणकेश्वर ,संक्राळा यासह इतर भागात जोरदार पावसाने हजेरी लावली यामध्ये ग्रामीण भागातील ओढे नाले तुडुंब भरून वाहत असून या पावसामुळे जवळपास 20 ते 25 गावांचा संपर्क तुटला आहे.दरम्यान पेरणी योग्य पाऊस झाल्याने या भागातील शेतकऱ्यांमध्ये समाधान व्यक्त केले जात आहे.