Maharashtra Cabinet Expansion : फुल अॅन्ड फायनल! शिंदे-फडणवीस सरकारमधील मंत्र्यांची फायनल यादी; कुणाचा पत्ता कट, कुणाची वर्णी?
Maharashtra Cabinet Expansion : शिंदे-फडणवीस सरकारमधील मंत्र्यांची फायनल यादी एबीपी माझाच्या हाती.
Maharashtra Cabinet Expansion : अखेर शिंदे-फडणवीस सरकारच्या मंत्रिमंडळाच्या विस्ताराला (Cabinet Expansion) मुहुर्त गवसला. आज शिंदे-फडणवीस सरकारमधील मंत्री शपथ घेणार आहेत. महाराष्ट्राला नवे 18 मंत्री मिळणार आहेत. त्यासाठी राजभवनाच्या दरबार हॉलमध्ये शपथविधीची तयारी अंतिम टप्प्यात आली आहे. भाजपची (BJP) 9 जणांची यादी तयार झाली आहे. तर दुसरीकडे शिंदे गटाच्या (CM Eknath Shinde) यादीला सह्याद्री अतिथीगृहामधील बैठकीत अंतिम स्वरुप देण्यात आलं. ठाकरे सरकारमधील अनेक मंत्र्यांना शिंदे सरकारमध्ये पुन्हा संधी मिळणार आहे. शिंदे गटातील अब्दुल सत्तार, संजय राठोड, केसरकर, तानाजी सावंत आणि भरत गोगावले यांना संधी देण्यात आली आहे. शिंदे-फडणवीस सरकारमधील 18 मंत्र्यांची फायनल यादी एबीपी माझाच्या हाती लागली आहे.
शिंदे गटातील मंत्री
- तानाजी सावंत (Tanaji Sawant)
- उदय सामंत (Uday Samant)
- संदीपान भुमरे (Sandipan Bhumre)
- दादा भुसे (Dada Bhuse)
- अब्दुल सत्तार (Abdul Sattar)
- दीपक केसरकर (Deepak Kesarkar)
- शंभूराज देसाई (Shambhuraj Desai)
- संजय राठोड (Sanjay Rathod)
- गुलाबराव पाटील (Gulabrao Patil)
भाजपकडून मंत्री
- गिरीश महाजन (Girish Mahajan)
- चंद्रकांत पाटील (Chandrakant Patil)
- सुधीर मुनगंटीवार (Sudhir Mungantiwar)
- सुरेश खाडे (Suresh Khade)
- राधाकृष्ण विखे पाटील (Radhakrishna Vikhe Patil)
- अतुल सावे (Atul Save)
- रवींद्र चव्हाण (Ravindra Chavan)
- विजयकुमार गावित (Vijaykumar Gavit)
- मंगलप्रभात लोढा (Mangal Prabhat Lodha)
संजय शिरसाट यांचा पत्ता कट, बैठकीत मुख्यमंत्र्यांसोबत खडाजंगी
शिंदे गटातील आमदार संजय शिरसाट (Sanjay Shirsat) नाराज असल्याची माहिती मिळत आहे. शिंदे-फडणवीस सरकारच्या मंत्रिमंडळ विस्ताराच्या यादीत शिरसाट यांचं नाव नसून त्यांचा पत्ता कट करण्यात आला आहे. मुख्यमंत्री एकनाथ शिंदे यांच्यासोबत झालेल्या बैठकीत प्रचंड खडाजंगी झाल्याची माहिती सूत्रांनी दिली आहे. ज्या आमदारांनी बंडखोरीला मदत केली, अशा अनेकांना पहिल्या टप्प्यातील मंत्रिमंडळ विस्तारात मंत्रिपद हवं आहे. यामध्ये संजय शिरसाट आघाडीवर आहेत. परंतु, पहिल्या टप्प्यातील मंत्रिमंडळ विस्तारात संजय शिरसाट यांचा पत्ता कट करण्यात आला आहे.
महत्त्वाच्या इतर बातम्या :
महत्त्वाच्या बातम्या
