Maharashtra Breaking News LIVE Updates: महाराष्ट्रासह देशविदेशातील सर्व अपडेट्स, एका क्लिकवर...
Maharashtra Breaking News LIVE Updates: राज्यातील या घडामोडींसह देशभरातील महत्वाच्या अपडेट्स, एका क्लिकवर...
Background
Maharashtra Breaking News LIVE Updates: राज्याचं अर्थसंकल्पीय अधिवेशन आजपासून (3 मार्च) सुरु होणार आहे. 3 मार्च ते 21 मार्च या कालावधीत हे अधिवेशन पार पडणार आहे. तसेच 10 मार्च रोजी राज्याचे उपमुख्यमंत्री तथा अर्थमंत्री अजित पवार राज्याचा अर्थसंकल्प विधिमंडळात सादर करणार आहेत. तसेच संतोष देशमुख हत्या प्रकरणामध्ये विविध अपडेट्स येत आहे. पुण्यातील स्वारगेट बस स्थानकावरील अत्याचारप्रकरणी देखील विविध खुलासा होत आहे. या राज्यातील या घडामोडींसह देशभरातील महत्वाच्या अपडेट्स, एका क्लिकवर...
उघड्यावर शौचास गेलेल्या तरुणीला जबर मारहाण ; तरुणी आढळली बेशुद्ध अवस्थेत
गडचिरोली: शारीरिक दृष्ट्या कमकुवत असलेली 23 वर्षीय तरुणी उघड्यावर शौचास गेलेली असताना तिला अमानुष मारहाण केल्याने ती बेशुद्ध अवस्थेत आढळून आल्याची घटना गडचिरोली लगतच्या शिवनी गावात समोर आली आहे. त्या तरुणीवर गडचिरोलीच्या जिल्हा सामान्य रुग्णालयात उपचार करून नागपूरला हलवण्यात आले आहे. त्या तरुणीवर अत्याचाराचा प्रयत्न झाल्याचा प्राथमिक अंदाज असला तरी वैद्यकीय तपासानंतरच या संदर्भात माहिती स्पष्ट होण्याची शक्यता पोलिसांनी वर्तवली आहे. तरुणी रविवारी रात्रीच्या सुमारास उघड्यावर शौचास गेली होती. मात्र बराच वेळ ती परत न आल्याने घरच्यांनी तिचा शोध घेतला तर ती बेशुद्ध अवस्थेत आढळली. तिच्या हाताला जखमा असून डोळ्याखाली दगड किंवा विटाणे मारहाण केल्याचे व्रण होते. या घटनेची माहिती मिळतात गडचिरोली पोलिसांनी आरोपी शोधण्यासाठी पाच पथके तयार करून वेगवेगळ्या दिशेला रवाना केली आहेत. हल्लेखोर गावातील आहे की बाहेरील याचा तपास सुरू आहे.
उत्तन समुद्रात मालवाहू जहाजाची धडकेचा लाईव्ह व्हिडिओ आला समोर
भाईंदर : भाईंदर जवळील उत्तन गावातील स्वर्गदीप या मासेमारी बोटीला खोल समुद्रात अद्वैता या मालवाहू जहाजाने जोरदार धडक दिल्याची घटना शुक्रवारी (२८ फेब्रुवारी) पहाटे घडली होती. त्याघटनेची लाईव्ह व्हिडिओ समोर आला आहे, लाईव्ह व्हिडिओ मध्ये दिसून येत आहे की , मालवाहू अद्वैता या जहाजाने मासेमारी करण्यासाठी आलेल्या स्वर्गदीप जहाजाला धडक देत असताना दिसत आहेत तसेच स्वर्गदीप जहाजावरील मच्छिमार आरडाओरड करताना दिसत आहेत या अपघातात मासेमारी बोटीचे मोठे नुकसान झाले असून, अंदाजे ३० लाख रुपयांचे नुकसान झाल्याच मच्छीमारांनी सांगितले आहे.
महत्त्वाच्या बातम्या
