(Source: ECI/ABP News/ABP Majha)
Maharashtra Breaking 5th August LIVE Updates: देश-विदेशातील महत्त्वाच्या बातम्या एका क्लिकवर...
Maharashtra Breaking 5th August LIVE Updates: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
LIVE
Background
Maharashtra Breaking 5th August LIVE Updates: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
1. मुख्यमंत्री शिंदेंचा दिल्ली दौरा तूर्तास लांबणीवर. आज मुख्यमंत्री पूरस्थितीचा आढावा घेण्यासाठी पुणे दौऱ्यावर असणार.
2. आगामी विधानसभा निवडणुकीच्या पार्श्वभूमीवर राज ठाकरे आज सोलापूर दौ-यावर. सोलापुराच्या शासकीय विश्रामगृह येथे राज ठाकरे सकाळी 10 पासून घेणार पदाधिकाऱ्यांची बैठक.
3. वंचित बहुजन आघाडीचे प्रमुख प्रकाश आंबेडकरांची आरक्षण बचाव यात्रा आज अमरावतीला. दर्यापूर येथे आंबेडकरांची सभा पार पडणार
4. उद्धव ठाकरेंचा सहा ते आठ ऑगस्ट दिल्ली दौरा असणार. दिल्लीत ठाकरे इंडिया आघाडीच्या नेत्यांची भेट घेणार. विधानसभेच्या जागावाटपाबाबत दिल्लीत
चर्चा होण्याची शक्यता.
5. 'श्रावणात एसटीसंगे तीर्थाटन' उपक्रम आजपासून सुरु होणार, यामाध्यमातून ज्येष्ठ नागरिक आणि महिलांना मोफत तीर्थाटनाचा आनंद घेता येणार, श्रावण महिन्यानिमित्त तीर्थक्षेत्री जाण्यासाठी एसटी महामंडळाचा अभिनव उपक्रम
Nashik Rains : गिरणा नदीच्या पुरात अडकलेल्या 12 जणांना वाचविण्याचे प्रयत्न सुरू
Nashik Rains : गिरणा नदीच्या पुरात अडकलेल्या 12 जणांना वाचविण्यासाठी धुळे येथून एस.डी.आर.एफ.ची टीम रात्री घटनास्थळी दाखल असून अंधारामुळे बचाव कार्य थांबविण्यात आले होते. सकाळी अग्निशमन दल आणि नागरिकांच्या मदतीने रेस्क्यू ऑपरेशन राबविण्यास सुरुवात करण्यात आली..मात्र पुराच्या पाण्यात वाढ झाली असल्याने बचाव कार्यात अडचणी येत आहे..त्यामुळे नदीच्या पाण्याची पातळी कमी होताच पुन्हा बचाव कार्य सुरु केले जाणार आहे. दरम्यान, मासे पकडण्यासाठी गेलेले व पाण्यात अडकलेले सर्वजण एका उंच खडकावर असल्यामुळे सुखरूप आहे. मागील 12 ते 14 तासांपासून ते अडकून पडले आहेत..संपूर्ण रात्र त्यांना खडकावर बसून काढावी लागली.
Nashik Rains : सुरगाण्याच्या देवमाळ ते उंबरदे पुल पाण्याखाली
Nashik Rains : नाशिकच्या सुरगाणा तालुक्यात पावसाने थैमान घातले असून, देवमाळ ते अंबडदहाड नदीवरील पुलावरून पाणी वाहत असल्याने जनजीवन विस्कळीत झाले. दळणवळणाची सोय बंद झाली आहे.शाळकरी मुलांना शाळेत जाणं अशक्य झाले. दवाखान्याची सोय नसल्या कारणाने गर्भवती महिला, आजारी ग्रामस्थ यांना अक्षरशः जीव मुठीत धरून वाहत्या पाण्याच्या प्रवाहातून जीव धोक्यात टाकून नदी ओलांडावी लागत असते. ही जीवघेणी कसरत नागरिकांच्या जीवावर बेतात शक्यता असून सदर पुलाची उंची वाढविण्याची मागणी नागरिकांतून केली जात आहे.
Dhule News : धुळ्यात मुसळधार पाऊस, अक्कलपाडा धरणात पाण्याचा साठा वाढला
Dhule News : धुळे जिल्ह्यातील साक्री तालुक्यातील पाणलोट क्षेत्रात झालेल्या पावसामुळे धरणे प्रकल्प ओव्हर फ्लो झाले असून अक्कलपाडा धरण्यात पाण्याचा साठा वाढला आहे यामुळे अक्कलपाडा प्रकल्पातून पांझरा नदीत 6 हजार क्युसेक पाण्याचा विसर्ग सोडण्यात आला असून नदीला पूर येण्याची शक्यता आहे त्यासाठी नदी व नाल्या काठावर राहणाऱ्या नागरिकांना सतर्कतेचा इशारा देण्यात आला असून स्थलांतरणाची आवश्यकता भासल्यास पर्याय व्यवस्था सज्ज ठेवण्यात आले आहे, तसेच आपत्कालीन पथकांनी सर्व साहित्य व साधनं सह अलर्ट राहण्याच्या सूचना देखील प्रशासनाकडून देण्यात आले आहेत. तर दुसरीकडे शिंदखेडा तालुक्यातील बुराई मध्यम प्रकल्पाच्या पाणलोट क्षेत्रात मुसळधार पाऊस होत असून बुराई धरण 90 टक्के क्षमतेने भरले आहे यामुळे शिंदखेडा तालुक्यातील शेतकऱ्यांमधून समाधान व्यक्त होत आहे
Shravani Somvar 2024 : कोकणातील मार्लेश्वर देवस्थानी श्रावणी सोमवार निमित्त भाविकांची गर्दी
Shravani Somvar 2024 : कोकणातील मार्लेश्वर या प्रसिद्ध अशा देवस्थानी श्रावणी सोमवार निमित्त भाविकांची गर्दी झालेली आहे. पहिला श्रावण सोमवार असल्याने राज्याच्या कानाकोपऱ्यातून भाविक अगदी पहाटेपासून दाखल होत आहेत. संगमेश्वर तालुक्यातील मारळ गावापासून काही अंतरावर उंच उंच डोंगर रांगांमध्ये हे मार्लेश्वरचं देवस्थान वसलेलं आहे. हर हर महादेव असा जयघोष करत भाविक या ठिकाणी दाखल होत आहेत.
Ahmednagar Politics : शिवाजी कर्डीले श्रीगोंदा मतदारसंघातून निवडणूक लढवणार?
Ahmednagar Politics : भाजपचे माजी खासदार सुजय विखे पाटील यांनी राहुरी आणि संगमनेर विधानसभा मतदारसंघातून निवडणूक लढवण्याची इच्छा व्यक्त केल्यानंतर राहुरी विधानसभा मतदारसंघावर दावा असणाऱ्या माजी आमदार शिवाजी कर्डीले यांनी यावर प्रतिक्रिया दिलीये लोकशाही आहे त्यामुळे लोकशाहीत प्रत्येकाला इच्छा व्यक्त करण्याचा अधिकार आहे , मात्र याबाबत पक्ष निर्णय घेईल असं शिवाजी कर्डीले यांनी म्हंटलंय. तर शिवाजी कर्डीले हे श्रीगोंदा विधानसभा मतदारसंघातून निवडणूक लढवतील अशीही चर्चा सुरू आहे, त्याबाबत विचारले असता पक्षाने आदेश दिल्यास कोणत्याही मतदारसंघातून निवडणूक लढवण्याची माझी तयारी आहे. मला पैलवानकीचा छंद आहे, त्यामुळे पैलवानाला बाराही महिने व्यायाम करावा लागतो तरच तो फडात यशस्वी होतो. तसेच मी एक निवडणूक संपली की पुढच्या निवडणुकीची तयारी करतो असंही कर्डीले म्हणाले. दरम्यान, श्रीगोंदा विधानसभा मतदारसंघात सध्या भाजपचे बबनराव पाचपुते हे आमदार आहेत. याच मतदारसंघातून शिवाजी कर्डीले यांचं नाव समोर येत असल्याने राजकीय चर्चांना उधाण आलंय.
महत्त्वाच्या बातम्या
ट्रेंडिंग न्यूज
