Maharashtra Breaking News Live Updates : राज्यासह देशातील महत्त्वाच्या घडामोडींचे अपडेट्स वाचा एका क्लिकवर...
Maharashtra Breaking News Live Updates: महाराष्ट्र, देशातील महत्त्वाच्या घडामोडींचे अपडेट्स फक्त एका क्लिकवर..
LIVE
Background
समृद्धी महामार्गावर उभ्या ट्रकमधून डिझेलची चोरी; घटना मोबाईल मध्ये कैद
वाशिम : नागपूर-मुंबई समृद्धी महामार्गावर उभ्या ट्रक मधून डिझेल चोरीचा प्रकार समोर आला असून या संपूर्ण प्रकार मोबाईलमध्ये कैद झाला आहे. समृद्धी महामार्गावर गेल्या काही दिवसापासून डिझेल चोरीच्या घटना सातत्याने समोर येत आहे. मात्र, वाशिमच्या कारंजा येथील समृद्धी महामार्गावर टोलनाका परिसरात उभ्या असलेल्या ट्रक मधून मध्यरात्री ट्रकच्या डिझेल टाकी मधून मशीनच्या सहाय्याने डीजल चोरीचा प्रकार समोर आला आहे. या परिसरातीलच हे डिझेल चोर असल्याचं समोर येत आहे. गेल्या अनेक वेळा हा प्रकार एका ट्रक चालकाला दिसला. त्यानंतर त्यांनी मोबाईल द्वारे हा व्हिडिओ समाज माध्यमावर व्हायरल करत याबद्दलची माहिती दिली आहे. आता नेमकं पोलीस या प्रकरणाची कशी दखल घेणार, हे पाहणं महत्त्वाचं असणार आहे. मात्र खरोखरच समृद्धी महामार्ग हा प्रवासासाठी सुखकर आहे का? असा प्रश्न आता निर्माण व्हायला लागलाय.
सैफ अली खान हल्ला प्रकरणातील आरोपी ठाण्यात होता कामाला; हॉटेल मालकही ताब्यात
सैफ अली खान हल्ला प्रकरणातील आरोपी मोहम्मद शेहजाद हा दादरहून वरळीला गेला होता
वरळीतील एका हॉटेलमध्ये ज्या ठिकाणी तो यापूर्वी कामाला होता,त्या ठिकाणी सकाळी नाष्टा त्याने केला.
तिथे त्याने जी-पेने पैसे ही दिल्याची माहिती पुढे आली आहे.
तिथून पून्हा आरोपी शेहजाग हा दादरला आला. त्यानंतर तो दादरहून ठाण्याला गेल्याची माहिती पोलिस तपासात समोर आली आहे.
ठाण्यातील एका हॉटेलमध्ये तो काम करत होता. याच हॉटेलमध्ये चांगलं काम केल्याचा पार्श्वभूमिवर त्याचे कौतुकही केले होते.
दरम्यान या प्रकरणी, पांडे नावाच्या व्यक्तीने त्याला कामावर ठेवल्याचे समोर आल्यानंतर पोलिसांनी त्या मुकादम पांडेलाही ताब्यात घेतले आहे.
त्याचाही जबाब या प्रकरणात पोलीस नोंदवणार आहे.
Chandrapur News : पॅसेंजर ट्रेनची वाघाला जोरदार धडक, वाघाचा मृत्यू
चंद्रपूर : सिंदेवाही तालुक्यात बल्लारशा - गोंदिया रेल्वे मार्गावर रेल्वेच्या धडकेत वाघाचा मृत्यू झालाय. सिंदेवाही - आलेवाही स्टेशनच्या दरम्यान आज सकाळी बल्लारपूरकडून गोंदियाकडे जाणाऱ्या पॅसेंजर ट्रेनने वाघाला धडक दिली, मृतक वाघ अंदाजे एक वर्षाचा असल्याचा प्राथमिक अंदाज आहे वनविभागाचे अधिकारी आणि कर्मचारी घटनास्थळी दाखल झाले आहेत.
Nashik News : चांदवडच्या रेणुका देवी मंदिर घाटात ट्रेलरला भीषण आग
नाशिक : मुंबई - आग्रा राष्ट्रीय महामार्गावरील चांदवडच्या रेणुका देवी मंदिर घाटात एका टेलरला अचानक आग लागली. बघता बघता आगीने रौद्ररूप धारण केले. कारखान्यांसाठी लागणाऱ्या अवजड मशीन घेऊन जाणाऱ्या या ट्रेलरला ५० हून अधिक टायर आहेत. घाट उतरताना अचानक इंजिनने पेट घेतला. वाहनाच्या चालक व इतर सहकाऱ्यांनी प्रसंगावधानाने ट्रेलरचे इंजिन वेगळे करून काही अंतरावर आणून उभे केल्याने मोठी दुर्घटना टळली या घटनेने काही काळ वाहतूक ठप्प झाली होती. सोमा टोल कंपनीच्या अग्निशमन दलाने घटनास्थळी धाव घेऊन आग आटोक्यात आणली. सुदैवाने या घटनेत कोणतीही जीवितहानी झाली नाही. मात्र टेलरचे इंजिन जळून खाक झाल्याने लाखो रुपयांचे नुकसान झाले आहे.
Jalgaon News : बैलगाडीसह बैलजोडी विहिरीत पडली, बैलांचा दुर्दैवी अंत
जळगाव : जिल्ह्यातील जामनेर तालुक्यातल्या खांडवे येथे बैलगाडीसह बैलजोडी विहिरीत पडल्याची घटना घडली असून या घटनेत दोनही बैलांचा मृत्यू झाला आहे. खांडवे येथील शेतकरी अरुण पर्वते हे चारा आणण्यासाठी बैलगाडीसह शेतात गेलेले असताना त्यांनी बैलगाडी शेतात उभी केली. त्याचवेळी नील गाईचा कळप धावत आल्याने त्या भीतीने बैलगाडीला जोडलेली बैलजोडी पळत सुटली आणि थेट बैलगाडीसह विहिरीत जाऊन पडली. दरम्यान या घटनेत बैलांचा दुर्दैवी मृत्यू झाल्या असून जेसीबीच्या सहाय्याने बैलगाडी व बैलांचे मृतदेह विहिरीतून बाहेर काढण्यात आले.
महत्त्वाच्या बातम्या
ट्रेंडिंग न्यूज
