Maharashtra Breaking News Live Updates : राज्यासह देशातील महत्त्वाच्या घडामोडींचे अपडेट्स वाचा एका क्लिकवर...
Maharashtra Breaking News Live Updates: महाराष्ट्र, देशातील महत्त्वाच्या घडामोडींचे अपडेट्स फक्त एका क्लिकवर..
LIVE
Background
Maharashtra Breaking News Live Updates : राज्यात राजकीय घडामोडींसह अनेक घटना घडल्या आहेत. राज्य सरकारकडून पालकमंत्र्यांची यादी जाहीर करण्यात आली आहे. अभिनेता सैफ अली खानवर हल्ला करणाऱ्या आरोपीला अटक करण्यात पोलिसांना यश आलं आहे.
Jalgaon News : बैलगाडीसह बैलजोडी विहिरीत पडली, बैलांचा दुर्दैवी अंत
जळगाव : जिल्ह्यातील जामनेर तालुक्यातल्या खांडवे येथे बैलगाडीसह बैलजोडी विहिरीत पडल्याची घटना घडली असून या घटनेत दोनही बैलांचा मृत्यू झाला आहे. खांडवे येथील शेतकरी अरुण पर्वते हे चारा आणण्यासाठी बैलगाडीसह शेतात गेलेले असताना त्यांनी बैलगाडी शेतात उभी केली. त्याचवेळी नील गाईचा कळप धावत आल्याने त्या भीतीने बैलगाडीला जोडलेली बैलजोडी पळत सुटली आणि थेट बैलगाडीसह विहिरीत जाऊन पडली. दरम्यान या घटनेत बैलांचा दुर्दैवी मृत्यू झाल्या असून जेसीबीच्या सहाय्याने बैलगाडी व बैलांचे मृतदेह विहिरीतून बाहेर काढण्यात आले.
Buldhana Crime : बुलढाण्यात डॉक्टर दाम्पत्याच्या घरावर सशस्त्र दरोडा
बुलढाण्याच्या मोताळा तालुक्यातील दाभाडी येथील डॉक्टर दाम्पत्याच्या घरावर सशस्त्र दरोडा.
दरोडेखोरांच्या मारहाणीत पत्नीचा जागीच मृत्यू तर डॉ. गजानन टेकाडे गंभीर जखमी.
मध्यरात्री दरोडेखोरांनी डॉक्टरांच्या घरावर दरोडा टाकत दाम्पत्याला मारहाण केली, यात डॉ. माधुरी टेकाडे यांचा जागीच मृत्यू झाला.
गंभीर जखमी असलेल्या डॉ.गजानन टेकाडे यांच्यावर मलकापूर येथील खाजगी रुग्णालयात उपचार सुरू, प्रकृती चिंताजनक असल्याची माहिती.
जिल्ह्यात अलीकडच्या काळात लुटमार , दरोड्याच्या घटनेत वाढ झाल्याने नागरिकांत दहशत.
Beed Accident : बीड-परळी महामार्गावर भीषण अपघात; पोलीस भरती करणाऱ्या तीन तरुणांचा मृत्यू
बीड : बीड-परळी महामार्गावर भीषण अपघात झाला. या अपघातात तीन तरुणांचा जागीच दुर्दैवी मृत्यू झालाय. पहाटे व्यायाम करण्यासाठी हे तरुण नियमित जात होते. आज सकाळी एसटी बसने या तीन तरुणांना चिरडले. यात तिघांचा मृत्यू झालाय. बालाजी मोरे, ओम घोडके आणि विराज घोडके, अशी या तरुणांची नावं आहेत. हे सर्व तरुण पोलीस भरतीची तयारी करत होते. घटनेची माहिती कळताच नातेवाईकांनी जिल्हा रुग्णालयात धाव घेतली आहे.
Shivshahi Bus : पुणे-मुंबई एक्सप्रेस वे वर शिवशाही बसला भीषण आग
मुंबई : पुणे-मुंबई एक्सप्रेस वे वर तळेगाव टोलनाक्याजवळ शिवशाही बसला भीषण आग लागली आहे. अग्निशमन दलाच्या गाड्या घटनास्थळी दाखल झाल्या आहेत. यामुळे मुंबईच्या दिशेने जाणाऱ्या वाहतूकीची मोठ्या प्रमाणावर कोंडी झाल्याचे दिसून येत आहे.
Buldhana Crime News : अवैध रेती वाहतूक, रेती महामार्गाच्या मध्यभागी टाकून ट्रक चालक पसार, रेतीवर दुचाकी धडकून अपघात
बुलढाणा : नांदुरा - जळगाव जामोद महामार्गावर अवैध रेतीच्या ट्रकचा तहसीलदाराच्या वाहनाने पाठलाग केला. मात्र तहसीलदाराचे वाहन आपला पाठलाग करत असल्याचे पाहून ट्रक चालकाने ट्रकमधील रेती महामार्गाच्या मध्यभागी टाकून ट्रक चालक ट्रक घेऊन पसार झाला. अंधारात महामार्गाच्या मध्यभागी रेती टाकल्याने या रेतीवर धडकून अनेक दुचाकींचा अपघात झाला. यात दोन जण गंभीर जखमी झाले आहेत. अंधार असल्याने अनेक दुचाकी या रेतीच्या ढिगाऱ्यावर धडकून जखमी झाल्याची माहिती आहे. मात्र या अपघाताना आणि जखमींना तहसीलदार जबाबदार असल्याचा ठपका ठेवत रात्री महामार्गावर नागरिकांनी मोठा गोंधळ घातला काही. काळ या मार्गावरील वाहतूक ठप्प झाली होती.जखमींवर शासकीय रुग्णालयात उपचार सुरू आहेत.
महत्त्वाच्या बातम्या
ट्रेंडिंग न्यूज
