पाणी टंचाई! राज्यातील 909 गावं-वाड्यांवर 213 टँकरद्वारे पाणीपुरवठा; पाहा राज्यभरातील परिस्थिती?

Maharashtra Water Issue: राज्यातील 270 गावं आणि 639 वाड्यांवर सद्या एकूण 213  टँकरने पाणीपुरवठा केला जात आहे.

Water Shortage Tankers

Maharashtra Water Issue : राज्यातील अनेक भागात आता पाणीटंचाई (Water Issue) जाणवू लागली आहे. मे महिन्यातच लोकांना पिण्याच्या पाण्यासाठी भटकंती करावी लागतेय. त्यामुळे टंचाईग्रस्त भागात शासनाकडून टॅंकरने पाणीपुरवठा केला जात आहे. राज्यातील अनेक गाव आणि वाड्या वस्त्यांवर शासकीय टँकर पाणीपुरवठा केला जात आहे. ज्यात शासकीय आणि खाजगी टँकरचा समावेश आहे. राज्यातील 270 गावं आणि 639 वाड्यांवर सध्या एकूण 213 टँकरने पाणीपुरवठा केला जात आहे. ज्यात 51 शासकीय आणि 162 खाजगी टँकरने राज्यात पाणीपुरवठा केला जात आहे. विशेष म्हणजे गेल्या आठवड्यात राज्यात पाणीपुरवठा करणाऱ्या टँकरची संख्या 184 होती. 

राज्यात सर्वाधिक पाण्याचे टँकर मुंबई आणि कोकण विभागात सुरु असल्याचं पाहायला मिळत आहे. ठाणे, पालघर रायगड, रत्नागिरी, आणि सिंधुदुर्ग या पाच जिल्ह्यात एकूण 100 टँकरने पाणीपुरवठा केला जात आहे. तर या पाच जिल्ह्यातील 148 गावं आणि 451 वाड्यांवर 4 शासकीय आणि 96 खाजगी टँकरने पिण्याच्या पाण्याचा पुरवठा केला जात आहे. विशेष म्हणजे मुख्यमंत्री एकनाथ शिंदे यांच्या ठाणे जिल्ह्यात 40 गावं आणि 137 वाड्यांवर एकूण 30 टॅंकरने पाणीपुरवठा केला जात आहे.

राज्यातील टँकर संख्या....

जिल्हा	गावं	वाड्या	शासकीय टँकर	खाजगी टँकर	एकूण
ठाणे	40	137	0	30	30
रायगड	48	158	0	29	29
रत्नागिरी	42	85	04	06	10
पालघर	18	71	00	31	31
नाशिक	33	17	10	16	100
जळगाव	13	01	08	06	14
अहमदनगर	09	41	09	00	09
पुणे	24	105	05	15	20
सातारा	08	20	07	00	07
जालना	10	04	06	05	11
हिंगोली	08	00	02	07	09
अमरावती	06	00	00	06	06
वाशीम	01	00	00	01	01
बुलढाणा	08	00	00	08	08
यवतमाळ	02	00	00	02	02
एकूण	270	639	51	162	213

 
राज्यातील धरणातील विभागनिहाय जलसाठा

विभाग	सध्याचा जलसाठा	गतवर्षीचं आजचा जलसाठा
अमरावती	46.78	48.39
छत्रपती संभाजीनगर	46.41	48.18
कोकण	39.22	47.41
नागपूर	44.75	36.88
नाशिक	45.56	40.20
26.09	30.85

इतर महत्वाच्या बातम्या: