एक्स्प्लोर

निवडणूक निकाल २०२४

(Source: ECI/ABP News/ABP Majha)

मोठी बातमी : राज्यातील 26 आयटीआयला आता महापुरुषांचे नाव, मंत्रिमंडळ बैठकीत महत्त्वाचा निर्णय, कोणत्या आयटीआयला कुठलं नाव? जाणून घ्या

ITI : राज्यातील 26 शासकीय आयटीआय संस्थांच्या नावात बदल करून सामाजिक क्षेत्रात उल्लेखनीय योगदान देणाऱ्या व्यक्ती, तसेच समाजसुधारकांची नावे देण्याच्या प्रस्तावास मंत्रिमंडळ बैठकीत मान्यता देण्यात आली.

By : सुशांत सावंत | Edited By: Aniruddha Joshi | Updated at : 05 Oct 2024 09:41 AM (IST)

Maharashtra cabinet meeting decision Renaming of 26 ITI in state Decision of Mangal Prabhat Lodha Marathi News मोठी बातमी : राज्यातील 26 आयटीआयला आता महापुरुषांचे नाव, मंत्रिमंडळ बैठकीत महत्त्वाचा निर्णय, कोणत्या आयटीआयला कुठलं नाव? जाणून घ्या

Maharashtra Cabinet Decision

Source : ABP Majha

मुंबई : सद्यःस्थितीत राज्यात 499 शासकीय आणि 585 खासगी आयटीआय कार्यरत आहेत. राज्यातील 26 शासकीय औद्योगिक प्रशिक्षण संस्थांच्या (आयटीआय) नावात बदल करण्यास कौशल्य, रोजगार, उद्योजकता व नावीन्यता विभागाकडून मान्यता देण्यात आली आहे. कौशल्य विकास मंत्री मंगलप्रभात लोढा (Mangal Prabhat Lodha) यांनी हा निर्णय घेतला आहे.

राज्यात शासकीय आणि खासगी औद्योगिक प्रशिक्षण संस्थांमार्फत शिल्पकारागीर प्रशिक्षण योजनेअंतर्गत प्रशिक्षण देण्यात येते. युवकांना रोजगाराभिमुख प्रशिक्षण देऊन रोजगार आणि स्वयंरोजगारासाठी सक्षम बनविणे आणि खासगी औद्योगिक आस्थापनांना लागणाऱ्या कुशल मनुष्यबळाचा पुरवठा करणे, असा या योजनेचा मुख्य उद्देश आहे. राज्यातील 26 शासकीय आयटीआय संस्थांच्या नावात बदल करून सामाजिक क्षेत्रात उल्लेखनीय योगदान देणाऱ्या व्यक्ती, तसेच समाजसुधारकांची नावे देण्याच्या प्रस्तावास मंत्रिमंडळाच्या बैठकीत मान्यता देण्यात आली आहे.

यात ठाण्यातील आयटीआयला राजमाता जिजाऊ, औंध येथील आयटीआयला छत्रपती शिवाजी महाराज, पुणे आयटीआयला सावित्रीबाई फुले, रत्नागिरी आयटीआयला लोकमान्य बाळ गंगाधर टिळक, जळगाव आयटीआयला राणी लक्ष्मीबाई यांचे नाव देण्यात आले आहे.