Devendra Fadnavis : अंजली दमानियांच्या ट्विटबाॅम्बनंतर बीडमध्ये हवेत फैरी करणाऱ्या छपरींवर फडणवीसांच्या कारवाईची AK-47 अखेर धडाडली; घेतला तगडा निर्णय!
संतोष देशमुख प्रकरणातील आरोपींची संपत्ती जप्त करण्याची पक्रिया तातडीने सुरु करा, असे आदेश मुख्यमंत्री देवेंद्र फडणवीस यांनी CID चे अतिरिक्त महासंचालक बुरडे यांना दिले आहेत.
Devendra Fadnavis : मस्साजोगचे सरपंच संतोष देशमुख यांचे अपहरण करून निर्घृण हत्या करण्यात आल्यानंतर बीड जिल्ह्यामधील कायदा आणि सुव्यवस्थेची लक्तरे वेशीवर टांगली गेली आहेत. या प्रकरणातील मुख्य आरोपी 19 दिवसांपासून सापडेलेले नाहीत. त्यामुळे बीड पोलिसांकडून तपास आता सीआयडीकडे देण्यात आला आहे. आज संतोष देशमुख यांच्या हत्येच्या निषेधार्थ आज सर्वपक्षीय मोर्चा काढण्यात आला. या मोर्चानंतर आता मुख्यमंत्री तथा गृहमंत्री देवेंद्र फडणवीस यांनी दोन मोठे आदेश दिले आहेत. संतोष देशमुख प्रकरणातील आरोपींची संपत्ती जप्त करण्याची पक्रिया तातडीने सुरु करा, असे आदेश मुख्यमंत्री देवेंद्र फडणवीस यांनी CID चे अतिरिक्त महासंचालक बुरडे यांना दिले आहेत. त्यांची संपत्ती जप्त करण्याची प्रक्रिया तातडीने सुरू करा, असेही त्यांनी निर्देश दिले आहेत.
तर परवाने रद्द करण्याची प्रक्रिया तातडीने सुरु करा
दरम्यान, बीड जिल्ह्यामध्ये गन कल्चरवर गेल्या काही दिवसांपासून सामाजिक कार्यकर्त्या अंजली दमानिया यांनी ट्विटबाॅम्ब टाकताना अनेक फोटो आणि व्हिडिओ अपलोड केले आहेत. यावरून बीडमध्ये मिशाही न फुटलेल्या पोरांसोरांच्या हाती बंदूक दिसून येत आहेत. खंडणीखोर फरार वाल्मिक कराडच्या मुलाचाही त्यांनी फोटो पोस्ट केला असून त्याच्याही कमरेला बंदूक दिसून येत आहे. यानंतर आता देवेंद्र फडणवीस यांनी कारवाई करण्यास सुरुवात केली आहे. फडणवीस यांनी बंदुकीसोबत ज्यांचे-ज्यांचे फोटो आहेत, ते जर खरे असतील तर त्या सर्वांचे परवाने रद्द करण्याची प्रक्रिया तातडीने सुरू करा, असे आदेश त्यांनी दिले आहेत. बीड पोलिस अधीक्षकांना तातडीने फेरआढावा घेण्याचे आदेशही त्यांनी दिले आहेत.
दुसरीकडे, बीडमध्ये विरोधकांकडून बीडचा बिहार झाला आहे असा आरोप होत असून त्यामध्ये कुठेतरी तथ्य असल्याचे दिसून येत आहे. बीडमधील गन कल्चरवरून बीडमध्ये नेमके परवाने आहेत तरी किती असा सुद्धा प्रश्न उपस्थित झाला आहे. दरम्यान बीडमध्ये सर्वाधिक शस्त्र परवाने असल्याचा दावा सामाजिक कार्यकर्त्या अंजली दमानिया यांनी केला आहे.
बीड जिल्ह्यात किती जणांकडे शस्त्र परवाना?
अंजली दमानिया यांनी केलेल्या दाव्यानुसार बीड, परभणी, अमरावती या ठिकाणी सर्वात जास्त परवाने दिल्याचे म्हटलं आहे. बीड जिल्ह्यामध्ये तब्बल 1 हजार 281 जणांकडे शस्त्र परवाना आहे. दरम्यान, परवाना देताना सर्व प्रकारची शहानिशा करूनच परवाना दिला जातो. यावेळी गुन्हेगारी पार्श्वभूमी सुद्धा तपासली जाते. मात्र बीड जिल्ह्यामध्ये टपरी पोरं सुद्धा ज्या पद्धतीने बंदूक कमरेला लावून फिरत आहेत त्यावरून पोलिसांनी खेळण्यातील बंदूक दिल्याप्रमाणे परवाने दिले आहेत का? असा प्रश्न उपस्थित झाला आहे. बीडमध्ये तीन दिवसांपूर्वी कैलास फडला अटक केली आहे. त्याचाही हवेत गोळीबार करतानाचा व्हिडिओ व्हायरल झाला होता.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
