स्मार्ट बुलेटिन | 12 डिसेंबर 2020 | शनिवार | ABP Majha

देश विदेशातील महत्त्वाच्या घडामोडींचा आढावा स्मार्ट बुलेटिनमध्ये...

देश विदेशातील महत्त्वाच्या घडामोडींचा आढावा स्मार्ट बुलेटिनमध्ये...

1. 14 हजार गावांमध्ये राजकीय धुरळा उडणार, राज्यातील 34 जिल्ह्यांतील सुमारे 14 हजार 234 ग्रामपंचायतींच्या सार्वत्रिक निवडणुकांसाठी 15 जानेवारीला मतदान तर 18 जानेवारीला मतमोजणी

 

2. राज्य शासकीय कार्यालयातील अधिकारी, कर्मचाऱ्यांनाही ड्रेस कोड जाहिर, जिन्स, टि- शर्ट, विचित्र नक्षीकामाच्या कपड्यांवर बंदी; तर शाळांमधून शिपाईपद कायमचं रद्द करण्याचा निर्णय

 

3. महानगरपालिका निवडणुकांच्या तोंडावर मुख्यमंत्री आज औरंगाबाद दौऱ्यावर; राज्यातील सर्वात मोठ्या पाणी पुरवठा योजनेचा शुभारंभ, भाजप-शिवसेनेत पोस्टर वॉर

 

4. करमाळ्यात नरभक्षक बिबट्याचा थरार सुरूच, तीन फायर चुकवून, ट्रॅप भेदून पुन्हा वन विभागाला चकवा

 

5. शेतकरी आंदोलक आज जयपूर आणि आग्रा हायवे जाम करणार, रिलायन्स आणि जीओच्या कार्यालयाबाहेर आंदोलनाचा इशारा; तर विरोधकांनी राजकारण करु नये, गडकरींचं आवाहन

 

6. कृषी कायद्यात सुधारणा करण्यास केंद्र सरकारची तयारी, केंद्रीय कृषीमंत्री नरेंद्र सिंह तोमर यांचं आश्वासन, शेतकरी नेत्यांना आंदोलन मागे घेण्याचं आवाहन

 

7. एबीपी माझाच्या बातमीची दखल! पालखी मार्गावरील ऐतिहासीक विहिरीचं जतन होणार, आदेश धक्का न लागता मार्ग काढण्याच्या सूचना केंद्रीय मंत्री गडकरी यांच्या सूचना

 

8. विधान परिषदेवरील नामनियुक्त सदस्यांना विरोध करणारी याचिका फेटाळून लावा, राज्य सरकारची हायकोर्टाकडे मागणी

 

9. मेट्रोचा प्रकल्प सर्वसामान्य जनतेच्या पैशातून आणि ती जागाही नागरीकांची; कांजूरमार्ग येथील मेट्रो 3 च्या कारशेडच्या जागेवरून मुंबई उच्च न्यायालयाने केंद्र आणि राज्य सरकारला सुनावलं

 

10. राष्ट्रवादी काँग्रेसचे अध्यक्ष शरद पवार यांचा आज 80 वा वाढदिवस, पंतप्रधान मोदींसह दिग्गजांकडून शुभेच्छांचा वर्षाव; तर अजित दादा आणि पार्थ पवारांच्या बरोबर 12 वाजता शुभेच्छा