23rd July Headline: इर्शाळवाडीत आजही बचावकार्य, राज्यभरात धुवांधार पावसाची शक्यता, आज दिवसभरात
23rd July Headline : आज दिवसभरात घडणाऱ्या पूर्वनियोजित घटनांचा थोडक्यात आढावा
23rd July Headline : मागील काही दिवसांपासून राज्यात पावसाने दमदार हजेरी लावली आहे. हवामान विभागाने आजही काही जिल्ह्यांना रेड अलर्ट जारी केला आहे. इर्शाळवाडीत आजही बचावकार्य सुरु राहणार आहे, अद्याप 54 जण बेपत्ता आहेत. तर, दुसरीकडे भारत अ आणि पाकिस्तान अ यांच्यामध्ये आशिया चषकात लढत होणार आहे. याशिवाय आज दिवसभरात अनेक घडामोडी आहेत. त्याबाबतचा थोडक्यात आढावा घेऊय़ात...
• पालघर, ठाण्यासाठी आज आॅरेंज अलर्ट कायम, काही ठिकाणी अतिवृष्टीचा देखील इशारा
• मुंबईसाठी आज यलो अलर्ट वर्तवण्यात आलाय. मुंबईत मध्यरात्री पावसाचा जोर वाढू शकतो असं आयएमडीच्या वैज्ञानिकांनी सांगितलंय.
• रायगड, रत्नागिरी आणि सिंधुदुर्गात पुढील पाचही दिवस अतिमुसळधार पावसाचा अंदाज, तिन्ही जिल्ह्यांसाठी पाचही दिवस आॅरेंज अलर्ट
• मराठवाड्यात आज अनेक ठिकाणी विजांच्या कडकडाटासह मुसळधार पावसाचा इशारा
• पुण्यातील घाट परिसरात आज पुन्हा अतिवृष्टीचा इशारा कायम तर कोल्हापूर आणि साताऱ्यातील घाट माथ्यावर काही ठिकाणी अतिमुसळधार पावसाचा अंदाज
• विदर्भात पुढील पाचही दिवस मुसळधार पावसाची शक्यता, आज अमरावती, गडचिरोली, वाशिम आणि यवतमाळसाठी आॅरेंज अलर्ट
• उत्तर महाराष्ट्रात देखील धुंवाधार, जळगावसाठी आज आॅरेंज अलर्ट जारी
अनिल पाटील यवतमाळ दौऱ्यावर -
अमरावती - अमरावती जिल्ह्यातही पावसाने धुमाकूळ घातला आहे. या पावसाने मात्र अक्षरशः अनेक शेतकऱ्यांच्या शेतात मोठ्या प्रमाणावर पाणी साचलय.. मदत व पुनर्वसन मंत्री अनिल पाटील आज यांचा दौरा यवतमाळच्या दौ-यावर असतील. सकाळी ९.३० वाजता जिल्हाधिकारी कार्यालयाच्या सभागृहात आयोजित नैसर्गिक आपत्तीविषयक आढावा बैठकीस उपस्थित राहतील.
इर्शाळवाडीत बचावकार्य सुरुच, 54 जणांचा शोध सुरु
इर्शाळवाडी दुर्घटनेत आतापर्यंत 27 जणांचा मृत्यू, अजूनही ५४ जणांचा शोध सुरूच, मृतांचा आकडा वाढण्याची भीती, तिसऱ्या दिवशीही बचावकार्य थांबवलं होतं. आज पुन्हा बचावकार्य सुरु होणार आहे.
युपीएससी आणि एमपीएससी परीक्षा उत्तीर्ण झालेल्या गुणवंतांचा सत्कार करण्यासाठी आज राज ठाकरे सकाळी ११ वाजता जे. के. बॅक्वेट, प्रभादेवी येथे उपस्थित राहणार आहेत.
वाराणसी - वाराणसी येथे देशभरातील मंदिराचे महाकुंभ प्रदर्शन आयोजित करण्यात आलय. आज या कार्यक्रमाला आज दुपारी 3.30 वाजता उपमुख्यमंत्री देवेंद्र फडणवीस उपस्थित राहण्याची शक्यता आहेत.
भारत-पाकिस्तान फायनल -
कोलंबो - इमर्जिंग एशिया कपच्या फायनलमध्ये आज भारत अ संघ त्यांचा कट्टर प्रतिस्पर्धी पाकिस्तान अ संघाविरुद्ध जेतेपदासाठी खेळेल. भारतीय संघ चांगल्या फॉर्ममुळे तो या सामन्यातील विजयाचा दावेदार मानलं जात आहे.
पुणे - अजित पवारांच्या वाढदिवसानिमित्त प्रदेशाध्यक्ष सुनील तटकरे यांच्या उपस्थितीत कबड्डी स्पर्धा आयोजित करण्यात आली आहे.
चंद्रपूर - शिवप्रतिष्ठान हिंदुस्थान चे संस्थापक संभाजी भिडे गुरुजी आज चंद्रपूरात आहेत. सकाळी 9 वाजता दाताळा येथील अग्रसेन भवन मध्ये त्यांनी कार्यकर्त्यांसोबत बैठकीला उपस्थित राहतील. त्यांच्या या सभेला विरोध करण्याचा उलगुलान संघटनेने इशारा दिला आहे, ते कार्यक्रम स्थळाच्या जवळ सकाळी 10 वाजता प्रदर्शन करण्याची शक्यता आहेत.
शिर्डी - मनसेच्या महासंपर्क अभियानांतर्गत विद्यार्थी सेनेचे अध्यक्ष अमित ठाकरे आज शिर्डी शासकीय विश्राम गृह येथे सकाळी 11 ते दुपारी 2 वाजेपर्यंत विद्यार्थ्यांशी संवाद साधतील. त्यापुर्वी अमित ठाकरे साईचं दर्शन घेतील.
Before You Go
Bhiwandi Building Collapses: भिवंडीत पत्त्यांसारखी चार मजली इमारत कोसळली; 5 ते 6 जण अडकल्याची भीती
महत्त्वाच्या बातम्या
