Paris Olympics 2024: जिंकलंस तोडलंस मर्दा! स्वप्नील कुसाळेने ऑलिम्पिकचं मैदान मारताच सतेज पाटलांची मोठी घोषणा

Paris Olympics 2024: स्वप्नील कुसाळेने ऑलिम्पिकचं मैदान मारताच काँग्रेस नेते आमदार सतेज पाटलांनी त्याच्यावर कौतुकाची थाप देत मोठी घोषणा केली आहे.

Paris Olympics 2024

Source : whatsapp

Paris Olympics 2024 Maharashtra Athletes Swapnil Kusale: कोल्हापूरच्या स्वप्नील कुसळे  (Swapnil Kusale) या नेमबाजाने पॅरिस ऑलिम्पिक्समध्ये 50 मीटर रायफल थ्री पोझिशनच्या प्रकारात कांस्य पदक पटकावलं आहे. कुस्तीपटू खाशाबा जाधव यांच्यानंतर वैयक्तिक पदक मिळवणारा स्वप्नील कुसळे  (Swapnil Kusale) पहिला खेळाडू ठरला आहे. कोल्हापूरातील नेमबाज स्वप्नील हा मध्य रेल्वे मध्ये तिकीट कलेक्टर आहे. देशाच्या पंतप्रधानांपासून ते मध्य रेल्वे यांच्यापासून अगदी जनसामान्य देखील त्याच्या पाठीवर कौतुकाची थाप देताना दिसत आहे. अशातच स्वप्नील कुसाळेने  (Swapnil Kusale) ऑलिम्पिकचं मैदान मारताच काँग्रेस नेते आमदार सतेज पाटलांनी (Satej Patil) त्याच्यावर कौतुकाची थाप देत मोठी घोषणा केली आहे.

सतेज पाटलांनी (Satej Patil) आणि त्यांच्या पुतण्याने ऋतुराज पाटील यांनी मिळून स्वप्नील कुसाळेचं  (Swapnil Kusale) कौतुक करत त्याला 5 लाख रूपयांचा इनाम जाहीर केला आहे. यासंबधीची पोस्ट सतेज पाटलांनी आपल्या सोशल मिडीया एक्स (पुर्वीचे ट्विटर) वरती शेअर केली आहे. यावेळी त्यांनी "ऑलिम्पिकमध्ये कोल्हापूरकर चमकला! स्वप्नील सुरेश कुसळे याने पॅरिस ऑलिम्पिक 2024 मध्ये 50 मीटर एअर रायफल 3 पोझिशन्स स्पर्धेत कांस्य पदक जिंकून आपल्या शहराचा आणि देशाचा अभिमान वाढवला आहे. कोल्हापूरच्या क्रीडा समुदायासाठी आणि संपूर्ण देशासाठी हा अभिमानाचा क्षण आहे" असं लिहलं आहे. "त्याचबरोबर स्वप्नीलला 5 लाखांचे इनाम जाहीर करताना आम्हाला आनंद होत आहे", असंही म्हटलं आहे. 

Kolhapurkar's talent shines at the Olympics!

Swapnil Suresh Kusale makes his city and the country proud by clinching a bronze medal in the 50m Air Rifle 3 Positions event at Paris Olympics 2024. A moment of great pride for Kolhapur's sporting fraternity and the entire nation!… pic.twitter.com/KxO6GmRLxV

— Satej (Bunty) D. Patil (@satejp) August 1, 2024

भारताचं पॅरिस ऑलिम्पिकमधील हे तिसरं कांस्य पदक आहे. स्वप्नील कुसाळे  (Swapnil Kusale) हा महाराष्ट्रातील कोल्हापूर येथील कांबळवाडी गावातील असून तो 2012 पासून आंतरराष्ट्रीय स्पर्धांमध्ये भारताचे प्रतिनिधित्व करत आहे. आता 12 वर्षांच्या प्रदीर्घ प्रतिक्षेनंतर स्वप्नील कुसाळेने ऑलिम्पिकमध्ये पदार्पण केले आहे.

कोण आहे स्वप्नील कुसाळे

नेमबाज स्वप्नील कुसाळे  (Swapnil Kusale) कोल्हापुरातील राधानगरी तालुक्यातील आहे. 6 ऑगस्ट 1995 मध्ये जन्मलेल्या स्वप्नीलने पॅरिसच्या धरतीवर चमक दाखवली. स्वप्नीलचा ऑलिम्पिकपर्यंतचा प्रवास खूपच भारी आहे. अभिनव बिंद्राला 2008 च्या ऑलिम्पिकमध्ये खेळताना पाहण्यासाठी स्वप्नीलने 12वीच्या परिक्षेकडे कानाडोळा केला. 2009 मध्ये वयाच्या 14व्या वर्षी त्याच्या वडिलांनी स्वप्नीलला  (Swapnil Kusale) महाराष्ट्र सरकारच्या क्रीडा प्रबोधिनी योजनेत दाखल केले. तिथूनच त्याचा क्रीडा क्षेत्रातील प्रवास सुरू झाला. सुरुवातीच्या काळात त्याने नेमबाजीतील आपले कौशल्य विकसित करण्यासाठी पुण्याला जाण्यापूर्वी नाशिकमध्ये प्रशिक्षण घेतले.