(Source: ECI/ABP News/ABP Majha)
Kolhapur Loksabha : स्वाभिमानी जनता संजय मंडलिकांच्या मागे ठामपणे उभी, त्यांनाच उमेदवारी द्या; सीएम शिंदेंकडे मागणी
स्वाभिमानी जनता विद्यमान खासदार संजय मंडलिक यांच्या मागे ठामपणे उभी असून त्यांना पुन्हा खासदार करण्यासाठी ही सर्व जनता कंबर कसून कामाला लागली असल्याचे म्हटले आहे.
कोल्हापूर : जिल्ह्यातील सर्वसामान्य नागरीकांचे खासदार म्हणून खासदार संजय मंडलिक यांची ओळख आहे. त्यांनी खासदरकीच्या काळात जिल्ह्यातील अनेक प्रलंबित प्रश्न सोडविले असून त्यांनाच शिवसेनेची उमेदवारी द्या, अशी मागणी कोल्हापूर जिल्ह्यातील मंडलिक प्रेमींच्या वतीने आमदार प्रकाश आबिटकर यांनी मुख्यमंत्री एकनाथ शिंदे यांचेकडे निवेदनाव्दारे केली आहे.
स्वाभिमानी जनता विद्यमान खासदार संजय मंडलिक यांच्या मागे ठामपणे उभी
निवेदनात म्हटले आहे की, कोल्हापूर जिल्ह्याच्या सामाजिक व राजकारणामध्ये स्वर्गीय खासदार सदाशिवराव मंडलिक साहेब यांचे योगदान मोठे आहे. स्वर्गीय खासदार मंडलिक साहेबांना माननारा मोठा वर्ग कोल्हापूर जिल्ह्यात आहे. ही स्वाभिमानी जनता विद्यमान खासदार संजय मंडलिक यांच्या मागे ठामपणे उभी असून त्यांना पुन्हा खासदार करण्यासाठी ही सर्व जनता कंबर कसून कामाला लागली आहे. कोल्हापूर जिल्ह्याच्या समाजकारण, राजकारण सहकारामध्ये संजय मंडलिक यांची एक वेगळी ओळख आहे.
कोल्हापूर जिल्ह्याचा विकासाचा आलेख वेगाने वाढतो आहे.
पुढे म्हटले आहे की, जिल्ह्याच्या राजकारण सहकारामध्ये सर्वसमावेशक नेतृत्व म्हणून संजय मंडलिक कार्यरत आहेत. कोल्हापूर जिल्ह्याच्या विकासामध्ये देशाचे पंतप्रधान नरेंद्र मोदी, गृहमंत्री अमित शहा व राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस व उपमुख्यमंत्री अजितदादा पवार या सर्वांच्या माध्यमातून कोल्हापूर जिल्ह्याच्या सर्वांगीण प्रगतीसाठी त्यांनी केलेल्या पाठपुराव्यामुळे कोल्हापूर जिल्ह्याचा विकासाचा आलेख वेगाने वाढतो आहे.
स्वर्गीय खासदार सदाशिवराव मंडलिक साहेब त्यांनी खासदरकीच्या काळामध्ये सर्वांना सोबत घेवून कोल्हापूर जिल्ह्याचा विकास केला असून त्यांचेकडे सर्वसमावेशक नेवृत्व कोल्हापूर जिल्हा पाहत होता. आता त्यांच्यानंतर खासदार संजय मंडलिक यांचेकडे सुध्दा सर्वसमावेशक नेतृत्व म्हणून कोल्हापूर जिल्हा बघत असून त्यांना येणाऱ्या लोकसभा निवडणुकीमध्ये कोल्हापूर जिल्ह्यातून शिवसेनेची उमेदवारी द्या, अशी मागणी मंडलिक प्रेमी जनतेच्या वतीने आमदार प्रकाश आबिटकर यांनी मुख्यमंत्री एकनाथ शिंदे यांचेकडे केली आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
