Kolhapur Crime News: आई घरात नसताना तरूणीनं गळ्याला लावला दोर; त्रासाला कंटाळून उचललं टोकाचं पाऊल, बसमधून जाता-येता...
Kolhapur Crime News: हातकणंगले तालुक्यातील किणी येथे ही घटना घडली आहे. या घटनेची नोंद पेठवडगाव पोलिसात करण्यात आली आहे.
कोल्हापूर: कोल्हापुरमध्ये एक धक्कादायक घटना समोर आली आहे. बसमधील तरुणाच्या त्रासाला कंटाळून महाविद्यालयीन तरुणीने आत्महत्या केल्याची घटना घडली आहे. हातकणंगले तालुक्यातील किणी येथे ही घटना घडली आहे. या घटनेची नोंद पेठवडगाव पोलिसात करण्यात आली आहे. आत्महत्या केलेल्या मुलीला न्याय मिळावा यासाठी गावात निषेध मोर्चा देखील काढण्यात आला आहे. मिळालेल्या माहितीनुसार, बसमध्ये तरूण त्रास देत होता, त्या त्रासाला कंटाळून या तरूणीने घरामध्ये कोणी नसताना टोकाचं पाऊल उचलत जीवन संपवलं आहे.
नेमकं काय घडलं?
अल्पवयीन मुलाच्या त्रासाला कंटाळून एका महाविद्यालयीन तरुणीने गळफास घेऊन आत्महत्या केली आहे. हातकणंगले तालुक्यातील किणी येथे ही घटना घडली. संबंधित अल्पवयीन तरुण बसमधून येत असताना त्रास देत असल्याचा प्रकार पीडित मुलीने आईला सांगितलेला होता. आईने पोलीस ठाण्यात तक्रार देण्याचा निर्णय घेतला होता. मात्र त्यानंतर आई घरात नसताना आलेल्या तरुणीने गळफास घेऊन आपलं जीवन संपवलं. आत्महत्येच्या या घटनेने संपूर्ण परिसर हादरला आहे. एकतर्फी प्रेमातून संबंधित तरुण त्रास देत असावा असे चर्चा परिसरात आहेत. पोलिसांनी याप्रकरणी अल्पवयीन मुलास ताब्यात घेऊन कोल्हापूर येथील बालसुधारगृहात पाठवलं आहे. पेठवडगाव पोलिसांत याप्रकरणी गुन्हा नोंद करण्यात आला आहे. या घटनेनंतर ग्रामस्थांनी कॅन्डल मार्च काढून श्रद्धांजली वाहिली. बसमध्ये होत असलेल्या त्रासाला कंटाळून आत्महत्या केलेल्या मुलीला आणि कुटुंबाला न्याय मिळावा यासाठी निर्धार ही या मोर्चातून करण्यात आला.
आईने पोलिस ठाण्यात तक्रार दाखल करण्याचा निर्णय घेतला होता
बसमधून वारंवार होणाऱ्या एका अल्पवयीन तरुणाच्या त्रासाला कंटाळून एका महाविद्यालयीन तरुणीने गळफास घेऊन आत्महत्या केली. या घटनेमुळे परिसरात मोठी खळबळ उडाली असून ग्रामस्थांनी कॅन्डल मार्च काढून पीडितेला श्रद्धांजली वाहिली तसेच न्याय मिळवून देण्याची मागणी केली. मिळालेल्या माहितीनुसार, पीडित तरुणीला एक अल्पवयीन मुलगा सतत बसमधून येताना-जाता त्रास देत होता. हा प्रकार तिने आपल्या आईला सांगितला होता. आईने पोलिस ठाण्यात तक्रार दाखल करण्याचा निर्णय घेतला होता. मात्र आई घराबाहेर असताना, सततच्या मानसिक तणावाला कंटाळून तरुणीने गळफास घेऊन आपले जीवन संपवले.
या घटनेनंतर परिसरात संतापाचे वातावरण निर्माण झाले. एकतर्फी प्रेमातून संबंधित अल्पवयीन मुलगा पीडितेला त्रास देत होता, अशी चर्चा ग्रामस्थांत रंगली आहे. पोलिसांनी या अल्पवयीन मुलाला ताब्यात घेऊन कोल्हापूर येथील बालसुधारगृहात दाखल केले आहे. पेठवडगाव पोलिसांत याप्रकरणी गुन्हा दाखल करण्यात आला आहे.
महत्त्वाच्या बातम्या
