Indian Missiles : 'प्रलय' क्षेपणास्त्राची दुसरी चाचणी यशस्वी, संरक्षणमंत्री राजनाथ सिंह यांनी केलं अभिनंदन
पृष्ठभागावरुन पृष्ठभागावर मारा करणाऱ्या 'प्रलय' क्षेपणास्त्राची दुसरी उड्डाण चाचणी आज यशस्वीरीत्या घेण्यात आली. चाचणी यशस्वी केल्यानंतर संरक्षणमंत्री राजनाथ सिंह यांनी डीआरडीओचे अभिनंदन केले.
Indian Missiles : स्वदेशी बनावटीच्या पृष्ठभागावरुन पृष्ठभागावर मारा करणाऱ्या पारंपरिक 'प्रलय' क्षेपणास्त्राची दुसरी उड्डाण चाचणी आज यशस्वीरीत्या घेण्यात आली. संरक्षण संशोधन आणि विकास संघटना (DRDO) ने ओडिशाच्या किनारपट्टीवरील डॉ. एपीजे अब्दुल कलाम बेटावरून ही चाचणी केली. प्रथमच, सलग दोन दिवस बॅलेस्टिक क्षेपणास्त्राच्या सलग दोन उड्डाण चाचण्या यशस्वीपणे घेण्यात आल्या आहेत. उड्डाण चाचणीने मोहिमेची सर्व उद्दिष्टे पूर्ण केली आहेत. हे प्रक्षेपण क्षेपणास्त्राच्या दोन्ही प्रकारातील प्रणाली सिद्ध करते.
आजच्या प्रक्षेपणात, ‘प्रलय’क्षेपणास्त्राची अचूकता आणि लक्ष्यभेदी क्षमता सिद्ध करण्यासाठी अधिक वजनासह वेगळ्या श्रेणीसाठी चाचणी घेण्यात आली. या प्रक्षेपणाचे, पूर्व किनारपट्टीवर तैनात इम्पॅक्ट पॉईंटजवळील डाउन रेंज जहाजे, टेलीमेट्री, रडार आणि इलेक्ट्रो-ऑप्टिक ट्रॅकिंग सिस्टीमसह सर्व रेंज सेन्सर्स उपकरणांद्वारे निरीक्षण केले गेले आहे. 'प्रलय' क्षेपणास्त्राची दुसरी उड्डाण चाचणी यशस्वी केल्यानंतर संरक्षणमंत्री राजनाथ सिंह यांनी डीआरडीओ आणि संबंधित पथकांचे अभिनंदन केले आहे. संरक्षण संशोधन आणि विकास विभागाचे सचिव आणि डीआरडीओचे अध्यक्ष डॉ. जी सतीश रेड्डी यांनी संबंधित पथकाचे कौतुक केले आहे. या यशस्वी उड्डाण चाचणीमुळे देशाने संरक्षण संशोधन आणि विकास क्षेत्रात मजबूत संरचना आणि विकास क्षमता सिद्ध केली असल्याचे राजनाथ सिंह यांनी सांगितले.
भारताने जमिनीवरुन जमिनीवर मारा करणाऱ्या बॅलेस्टिक मिसाइल 'प्रलय' (Pralay) या क्षेपणास्त्राची काल (बुधुवारी) यशस्वी चाचणी घेतली होती. हे क्षेपणास्त्र 150 किमी ते 500 किमी (KM)अंतरावरील लक्ष्यावर मारा करू शकणार आहे. चीन आणि पाकिस्तानसोबतच्या तणावामुळे भारत आपली लष्करी ताकद वाढवत आहे. हे क्षेपणास्त्र संरक्षण संशोधन आणि विकास संस्थेने (DRDO) विकसित केले आहे. या क्षेपणास्त्र एक टनापर्यंतचे वॉरहेड वाहून नेऊ शकते. हे क्षेपणास्त्र विकसित करण्याची चर्चा 2015 पासून सुरु होती. डीआरडीओने आपल्या वार्षिक अहवालात बॅलेस्टिक मिसाईल होलोकॉस्टचा उल्लेख केला होता. या क्षेपणास्त्राच्या अचूकतेमुळे ते चीनच्या बॅलिस्टिक क्षेपणास्त्रांचा मुकाबला करण्यास पूर्णपणे सक्षम बनते. ते जमिनीवरुन तसेच कनस्टरतूनही डागले जाऊ शकते. प्रलय क्षेपणास्त्र इतर कमी पल्ल्याच्या बॅलिस्टिक क्षेपणास्त्रांपेक्षा जास्त मारक असल्याचे म्हटले जाते.
महत्ताच्या बातम्या:
महत्त्वाच्या बातम्या
