Rahul Gandhi on PM Modi : अदानी-अंबानी टेम्पोने पैसा देतात तुमचा व्यक्तिगत अनुभव आहे का? ईडी, सीबीआय पाठवून चौकशी करा; राहुल गांधींचा पलटवार
तेलंगणातील करीमनगर निवडणूक रॅलीला संबोधित करताना पंतप्रधान मोदी यांनी पहिल्यांदा उद्योगपती गौतम अदानी आणि अंबानी यांचे नाव घेत राहुल गांधी यांच्यावर तोफ डागली होती.
Rahul Gandhi on PM Modi : तेलंगणातील करीमनगर निवडणूक रॅलीला संबोधित करताना पंतप्रधान मोदी यांनी पहिल्यांदा उद्योगपती गौतम अदानी आणि अंबानी यांचे नाव घेत राहुल गांधी यांच्यावर तोफ डागली होती. यानंतर आता राहुल गांधी यांनीही जोरदार हल्लाबोल केला आहे. ते टेम्पोमध्ये पैसे देतात, हा तुमचा वैयक्तिक अनुभव आहे का? अशी विचारणा राहुल गांधी यांनी करत एक काम कमी करा, त्यांना सीबीआय ईडीला पाठवा, लवकरात लवकर पूर्ण माहिती मिळवा, असा टोला त्यांनी लगावला आहे.
भाजपा के भ्रष्टाचार के टेम्पो का ‘ड्राइवर’ और ‘खलासी’ कौन है, देश जानता है। pic.twitter.com/62N5IkhHWk
— Rahul Gandhi (@RahulGandhi) May 8, 2024
राहुल गांधी यांनी व्हिडिओ ट्विट करत म्हटले आहे की, नमस्कार मोदी जी, थोड घाबरले आहात का? तुम्ही पहिल्यांदाच अदानी अंबानींबद्दल जाहीरपणे बोललात. तुम्हाला हे देखील माहित आहे की ते टेम्पोमध्ये पैसे देतात, हा तुमचा वैयक्तिक अनुभव आहे का? एक काम कमी करा, त्यांच्याकडे ईडी सीबीआय पाठवा, लवकरात लवकर पूर्ण माहिती मिळवा, मोदीजी घाबरू नका. मी देशाला पुन्हा पुन्हा सांगत आहे की नरेंद्र मोदीजींनी जेवढा पैसा त्यांना दिला आहे, तेवढाच पैसा आम्ही भारतातील गरीब लोकांसाठी देणार आहोत. महालक्ष्मी योजना, पहिली नोकरी निश्चित योजना, या योजनांद्वारे कोट्यवधी लखपती करणार आहोत. त्यांनी 22 अब्जाधीश केले आम्ही करोडो लखपती करणार आहोत.
वक्त बदल रहा है। दोस्त दोस्त ना रहा…!
— Mallikarjun Kharge (@kharge) May 8, 2024
तीन चरणों के चुनाव पूरे हो जाने के बाद आज प्रधानमंत्री जी अपने मित्रों पर ही हमलावर हो गए हैं।
इससे पता चल रहा है कि मोदी जी की कुर्सी डगमगा रही है। यही परिणाम के असली रुझान है।
दरम्यान, काँग्रेस अध्यक्ष मल्लिकार्जुन खरगे यांनी पंतप्रधान नरेंद्र मोदी यांच्या अदानी-अंबानी यांच्या वक्तव्यावर जोरदार प्रहार केला आहे. खरगे यांनी ट्विट करून म्हटले, काळ बदलत आहे. मित्र आता मित्र राहिला नाही..! निवडणुकीचे तीन टप्पे पूर्ण झाल्यानंतर आज पंतप्रधान आपल्याच मित्रांवर हल्लेखोर झाले आहेत, यावरून मोदींची खुर्ची डळमळीत झाल्याचे दिसून येते. हा निकालांचा खरा ट्रेंड आहे.
काय म्हणाल होते पीएम मोदी?
पंतप्रधान मोदी म्हणाले की, लोकसभा निवडणुकीची तारीख जाहीर झाल्यानंतर अंबानी आणि अदानी यांची नावे घेणे का थांबवले? काँग्रेस पक्षाला निवडणुकीसाठी त्या उद्योगपतींकडून किती पैसे मिळाले आहेत. मोदी पुढे म्हणाले की, गेल्या 5 वर्षांपासून काँग्रेसचे राजपुत्र सकाळी उठल्याबरोबर जपमाळ करत होते. त्यांचे राफेल विमान ग्राउंड झाले. तेव्हापासून त्यांनी नवीन जपमाळ जपण्यास सुरुवात केली. 5 वर्षे एकच जपमाळ जपायची, '5 उद्योगपती', मग हळूहळू 'अंबानी', 'अदानी' म्हणू लागले.
యువరాజు గారు ఈ ఎన్నికల్లో అంబానీ, అదానీల గురించి ఎందుకు హఠాత్తుగా మాట్లాడటం మానేశారు? ప్రజలు ఒక రహస్య ఒప్పందాన్ని పసిగడుతున్నారు… pic.twitter.com/ybFMKQY3JH
— Narendra Modi (@narendramodi) May 8, 2024
पीएम मोदी म्हणाले, पण निवडणुका जाहीर झाल्यापासून त्यांनी अंबानी आणि अदानींना शिव्या देणे बंद केलं आहे. आज मला तेलंगणाची भूमीतून विचारायचं आहे की, मला काँग्रेसच्या राजपुत्राला विचारायचे आहे की, त्यांना अदानी आणि अंबानींकडून किती माल मिळाला? काळ्या पैशाने भरलेली किती पोती घेतली? अंबानी आणि अदानींना शिव्या देणं रातोरात थांबवलं असा कोणता व्यवहार झाला? नक्कीच काहीतरी गडबड आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
