PM मोदी सरकारनं करून दाखवलं! भारताने वस्तूंच्या निर्यातीत 400 अब्ज डॉलर्सचा केला विक्रम
प्रथमच, भारताने व्यापारी मालाच्या निर्यातीत एका वर्षात 400 अब्ज डॉलर्स पार केले आहे. पंतप्रधान मोदी म्हणाले- हे पहिल्यांदाच घडले
PM Narendra Modi : भारताने या आर्थिक वर्षात US$ 400 अब्ज डॉलरचे वस्तू निर्यातीचे लक्ष्य गाठले आहे. या यशाबद्दल पंतप्रधान नरेंद्र मोदी यांनी बुधवारी सांगितले की, भारताच्या 'आत्मनिर्भर भारता'च्या प्रवासातील हा एक महत्त्वाचा टप्पा आहे. 31 मार्चच्या अंतिम मुदतीच्या नऊ दिवस आधी आतापर्यंतचे माल निर्यातीचे लक्ष्य गाठले आहे. एप्रिल-मार्च 2022 मध्ये निर्यात 2020-21 मध्ये US$ 292 अब्ज वरून 37 टक्क्यांनी वाढून US$ 400 अब्ज झाली.
प्रथमच, भारताच्या व्यापारी मालाच्या निर्यातीने एका आर्थिक वर्षात USD 400 अब्ज पार केले आहे. 2018-19 मध्ये आउटबाउंड शिपमेंटने विक्रमी USD 330.07 अब्ज गाठले.
India set an ambitious target of $400 Billion of goods exports & achieves this target for the first time ever. I congratulate our farmers, weavers, MSMEs, manufacturers, exporters for this success.
— Narendra Modi (@narendramodi) March 23, 2022
This is a key milestone in our Aatmanirbhar Bharat journey. #LocalGoesGlobal pic.twitter.com/zZIQgJuNeQ
पंतप्रधान नरेंद्र मोदी यांनी ट्विट करत म्हटले की, 'भारताने 400 अब्ज डॉलरच्या वस्तू निर्यातीचे महत्त्वाकांक्षी लक्ष्य पहिल्यांदाच गाठले आहे. या यशाबद्दल मी आमचे शेतकरी, विणकर, एमएसएमई, उत्पादक, निर्यातदार यांचे अभिनंदन करतो. आमच्या आत्मनिर्भर भारत प्रवासातील हा एक महत्त्वाचा टप्पा आहे.
मोदींनी यावर अंतिम मुदतीच्या नऊ दिवस आधी भारताचे आतापर्यंतचे सर्वोच्च निर्यात लक्ष्य गाठल्याबद्दल अभिनंदनाची पोस्ट शेअर केली आहे. सरासरी, दर महिन्याला सुमारे 33 अब्ज यूएस डॉलर्सचा माल पाठवला गेला आणि दररोज सुमारे एक अब्ज यूएस डॉलरचा माल पाठवला गेला. पेट्रोलियम उत्पादने, इलेक्ट्रॉनिक वस्तू, अभियांत्रिकी वस्तू, चामडे, कॉफी, प्लास्टिक, कापड, मांस आणि दुग्धजन्य पदार्थ, सागरी उत्पादने आणि तंबाखू ही प्रमुख निर्यात क्षेत्रे यामध्ये योगदान देतात.
संबंधित बातम्या
महत्त्वाच्या बातम्या
