Rongali Bihu : रोंगाली बिहूचा कार्यक्रम आणि पंतप्रधानांचे पारंपरिक वाद्याचे वादन, व्हिडीओ होतोय व्हायरल

Assam : रोंगाली बिहू या सणानिमित्ताने नवी दिल्ली या ठिकाणी एका विशेष कार्यक्रमाचे आयोजन करण्यात आले होते. त्यामध्ये पंतप्रधानांनी भाग घेतला. 

पंतप्रधान नरेंद्र मोदी

नवी दिल्ली: पंतप्रधान ज्या-ज्या स्थानिक उत्सवाशी संबंधित कार्यक्रमात जातात त्या-त्या ठिकाणी त्या संस्कृतीशी एकरुप होण्याचा प्रयत्न करतात. त्याची प्रचिती पुन्हा एकदा आली असून आज केंद्रीय मंत्री सर्बानंद सोनोवाल यांच्या दिल्लीतील निवासस्थानी रोंगाली बिहू सणानिमित्त आयोजित करण्यात आलेल्या कार्यक्रमात त्यांनी भाग घेतला आणि विविध संगीत साहित्याचे वादन करण्याचा प्रयत्न केला. या संबंधीचा व्हिडीओ सोशल मीडियामध्ये चांगलाच व्हायरल होत आहे. 

या कार्यक्रमात भाग घेताना पंतप्रधान नरेंद्र मोदी यांनी आसामच्या आदिवासी लोकांकडून वापरण्यात येणाऱ्या ढोलकी सदृष्य वाद्य वाजवलं. त्यानंतर पारंपरिक नृत्यावेळी वाजवण्यात येणाऱ्या पिपाणीच्या प्रकारातील वाद्य वाजवण्याचाही आनंद लुटला. यावेळी रोंगाली बिहू या सणानिमित्ताने आसाममधील आदिवासींच्या पारंपरिक नृत्याचे आयोजन करण्यात आले होते. त्याचाही आनंद पंतप्रधानांनी घेतला. 

 

#WATCH | Prime Minister Narendra Modi tries his hand at multiple musical instruments as he participates in a program organized on the occasion of Rongali Bihu at the residence of Union Minister Sarbananda Sonowal, in Delhi pic.twitter.com/KC6vLz5hVX

— ANI (@ANI) April 23, 2022

या आधी 14 एप्रिल रोजी पंतप्रधानांनी रोंगाली बिहू सणानिमित्ताने आसामच्या जनतेला शुभेच्छा दिल्या होत्या. 

काय आहे रोंगाली बिहू? 
भारतातील आसाम राज्याचा “बिहू” हा एक महत्त्वाचा सण आहे. कृषीशी संबंधित कालगणना पाहता प्रत्येक बिहूचे त्या त्या टप्प्यावर विशेष महत्त्व दिसून येते. यामध्ये तीन प्रकारच्या वेगवेगळ्या सणांचा एकत्रितपणे समावेश होतो. रोंगाली बिहू हा आसामातील या तीन सणांपैकी महत्त्वाचा आहे जो आसामी नववर्षाशी तसेच वसंत उत्सवाशी संबंधित आहे. विविध खाद्य पदार्थ, संगीत आणि नृत्य यांच्यासह हा सण आसामी लोक साजरा करतात. काही लोक आपल्या घरापुढे तांबे, चांदी इत्यादी धातूंची भांडी टांगतात. नवीन वर्षाच्या स्वागतासाठी शुभेच्छा देत, लहान मुले फुलांच्या माळा घालून गावातील रस्त्यांवरून फिरतात. या बिहूचा सोहळा सात दिवस साजरा होतो. या सात दिवसांना अनुक्रमे छोट बिहू, गोरु बिहू, मनु बिहू, कुटुम बिहू, सेनेही बिहू, मेला बिहू आणि चेरा बिहू असे म्हटले जाते.