Ram Mandir | काही वेळातच पंतप्रधानांच्या हस्ते राममंदिराचं भूमीपूजन, असा आहे संपूर्ण कार्यक्रम

अयोध्येत सगळीकडे उत्साहाचं वातावरण आहे. भूमिपूजनाचा कार्यक्रम अवघ्या काही तासांवर आला आहे. या सोहळ्यासाठी पंतप्रधान नरेंद्र मोदी लखनौमध्ये दाखल झाले आहेत. पंतप्रधान नरेंद्र मोदी 12 वाजून 40 मिनिटांनी राम जन्मभूमीवर राम मंदिराचा शिलान्यास करतील. असा असेल पंतप्रधान मोदी यांचा पूर्ण कार्यक्रम

अयोध्या: अयोध्येत सगळीकडे उत्साहाचं वातावरण आहे. भूमिपूजनाचा कार्यक्रम अवघ्या काही तासांवर आला आहे. या सोहळ्यासाठी पंतप्रधान नरेंद्र मोदी लखनौमध्ये दाखल झाले आहेत. काही वेळातच ते अयोध्येला पोहोचतील. अयोध्येच्या चौकाचौकात सध्या पोलिसांचा मोठा फौजफाटा तैनात करण्यात आला आहे. राममंदिराच्या या सोहळ्यासाठी अनेक रामभक्त अयोध्यानगरीत दाखल झाले आहेत. पंतप्रधान नरेंद्र मोदी 12 वाजून 40 मिनिटांनी राम जन्मभूमीवर राम मंदिराचा शिलान्यास करतील. असा असेल पंतप्रधान मोदी यांचा पूर्ण कार्यक्रम

• पंतप्रधान मोदी 9.35 वाजता दिल्लीहून लखनौसाठी निघाले.  10.35 वाजता लखनौला पोहोचले.
• सकाळी 10.40 वाजता  लखनौ एअरपोर्टवरुन हेलिकॉप्टरने अयोध्येसाठी निघणार
• सकाळी  11.30 वाजता केएस साकेत पीजी कॉलेज पोहोचतील, त्यानंतर हनुमानगढी मंदिराकडे जाणार
• सकाळी 11.40 ते 11.50 वाजेपर्यंत  हनुमानगढीमध्ये दर्शन आणि पूजा करणार
• दुपारी 12 वाजेपर्यंत श्रीराम जन्मभूमीवर पोहोचणार
• दुपारी 12 ते 12.10 वाजेपर्यंत भगवान रामललाचं दर्शन आणि पूजा
• दुपारी  12.15 से 12.25 दरम्यान पारिजातचं वृक्षारोपण करणार. इथून पंतप्रधान भूमीपूजन स्थळी जाणार
• शुभमुहुर्तावर पंतप्रधान मोदी भव्य राम मंदिराची पायाभरणी करणार
• दुपारी 12.30 ते 12.40 दरम्यान भूमीपूजन होणार
• त्यानंतर पंतप्रधान मोदी  बुलेटप्रूफ मंडपात येणार, जिथं एक भव्य मंच बनवला आहे.
• या मंचावर मोदी 12.45 ते 2 वाजेपर्यंत राहतील. मोदी यांच्यासोबत मंचावर सरसंघचालक मोहन भागवत, श्री राम जन्म भूमी तीर्थ क्षेत्र ट्रस्टचे अध्यक्ष महंत नृत्य गोपाल दास,
• उत्तर प्रदेशच्या राज्यपाल आनंदीबेन पटेल आणि मुख्यमंत्री योगी आदित्यनाथ उपस्थित असतील. भागवत यांच्या भाषणानंतर मोदी यांचं भाषण होईल.
• दुपारी 2.15 वाजता साकेत पीजी कॉलेजला पंतप्रधान जातील, तिथून दुपारी साडेतीन वाजता ते लखनौ विमानतळावर पोहोचतील. तिथून दिल्लीकडे रवाना होतील.

राममंदिराचं काम कधी पूर्ण होईल? भूमीपूजनाचा सोहळा तर होईलच मात्र राममंदिराचं काम कधी पूर्ण होईल, याची उत्सुकता आता भक्तांना लागली आहे. या प्रश्नाचं उत्तर जाणून घेण्यासाठी श्री राम जन्मभूमि तीर्थ ट्रस्टचे ट्रस्टी स्वामी परमानंद महाराज यांच्याशी एबीपी न्यूजने संवाद साधला. यावेळी स्वामी परमानंद महाराज यांनी सांगितलं की, लवकरात लवकर मंदिराचं निर्माण पूर्ण केलं जाईल. भूमीपूजनानंतर लगेचच मंदिर निर्माणाचं काम सुरु होईल.  ट्रस्टकडून मंदिर निर्माण करणाऱ्या कंपनीला मंदिराचं पूर्ण निर्माण करण्यासाठी पुढच्या 32 महिन्यांना वेळ दिला आहे. म्हणजे 2 वर्ष आणि आठ महिन्यात मंदिराचं निर्माण पूर्ण होऊ शकतं.  परमानंद महाराज म्हणाले की, देशात ज्या ज्या ठिकाणी शिला पूजन केलं आहे. त्या सर्व शिलांचा वापर राम मंदिर निर्माणासाठी केला जाणार आहे. गणेश पूजन संपन्न प्रभू रामाच्या मंदिर निर्माणाच्या कार्यक्रमाला कालपासून सुरुवात झाली आहे. काल सकाळी या मंदिराच्या ठिकाणी गणेश पूजन पार पाडलं. सकाळी 9 वाजता सुरु झालेलं हे पूजन दुपारी 1 वाजता संपन्न झालं. हिंदू धर्मात कुठल्याही शुभकार्यााआधी गणेशाची पूजा केली जाते त्याप्रमाणे हा सोहळा संपन्न झाला.  तिनही दिवसांच्या कार्यक्रमांसाठी मोजकेच पुजारी नेमण्यात आले आहेत आणि सुरक्षेच्या कारणास्तव त्यांना ओळखपत्र देण्यात आले आहेत . अयोध्येच्या नाक्या- नाक्यावर पोलिस तैनात अयोध्यानगरी पंतप्रधान नरेद्र मोदींच्या आगमनाच्या पार्श्वभूमीवर चोख पोलिस बंदोबस्त ठेवण्यात आलाय. पंतप्रधान नरेद्र मोदी येण्याच्या एक दिवस आधी अयोध्येला लागून असलेल्या सर्व सीमा बंद करण्यात येणार आहेत. जे छोटे मोटे मार्ग आहेत त्याठिकाणी बॅरिकेटींग लाऊन तपासणी सुरु ठेवण्यात येणार आहे. अयोध्याच्या शेजारील जनपद बस्ती, गोंडा, आंबेडकरनगर, बाराबंकी, सुलतानपुर, अमेठी या शहरांमध्ये नोडल अधिकाऱ्यांची नियुक्ती करण्यात आली आहे. अयोध्येत शरयू नदीच्या माध्यामातून कोणताही अनुचित प्रकार घडू नये म्हणून उत्तर प्रदेश सराकरची जलसेना तैनात करण्यात आली आहे. सीसीटीव्ही, राखीव दल, वाहतुक पोलिसांच्या तुकड्या रस्त्यारस्त्यावर तैनात करण्यात आल्या आहेत. अयोध्येच्या लोकांमध्ये उत्साह आपण जशी दिवाळी साजरी करतो तसं सध्या अयोध्येत वातावरण पाहायला मिळतंय. घरांना रंगेबीरंग कलर, साफसफाई, दुकानांमध्ये गर्दी तसेच प्रत्येक जण या भूमिपूजनाच्या मुर्हुतावर आनंद साजरा करण्यासाठी मिठाईच्या दुकानांकडे रांग लावतोय. अयोध्येत पंतप्रधान नरेद्र मोदींच्या पोस्टरबरोबर सगळीकडे भगवे झेंडे फडकताना दिसत आहेत. तसेच जो तो रामभक्त आपल्या गाडीवर किंवा घरावर प्रभू रामचं, हनुमानाचं चित्र असलेला झेंडा लावताना मग्न आहे. मंचावर पंतप्रधान मोदी यांच्यासह केवळ पाच जणच सोहळ्यात मुख्य मंचावर पंतप्रधान मोदी यांच्यासह केवळ पाच जणच उपस्थित राहतील, अशी माहिती मिळाली आहे. या मुख्य भूमिपूजन सोहळ्या मंचावर केवळ पाच मान्यवर असतील. त्यात पंतप्रधान नरेंद्र मोदी, राष्ट्रीय स्वयंसेवक संघाचे सरसंघचालक मोहन भागवत, उत्तर प्रदेशच्या राज्यपाल आनंदीबेन पटेल, उत्तरप्रदेशचे मुख्यमंत्री योगी आदित्यनाथ, राममंदिर ट्रस्टचे प्रमुख महंत नृत्य गोपालदास हे उपस्थित असतील. भूमिपूजनाला उपस्थित मान्यवरांच्या यादीत लालकृष्ण अडवाणी, मुरली मनोहर जोशी यांची नावं नाहीत Exclusive | राममंदिर भूमिपूजनाच्या कार्यक्रम कसा असणार? किती जण उपस्थित राहणार? शरयू नदीच्या काठावर एका विशेष कार्यक्रमाचं आयोजन सकाळी राम जन्मभूमीच्या ठिकाणी राम मंदिर उद्घाटन सोहळा पार पडल्यानंतर रात्री शरयू नदीच्या काठावर एका विशेष कार्यक्रमाचं आयोजन करण्यात आलं आहे. या संपूर्ण सोहळ्यासाठी संपूर्ण अयोध्येत मोठं मोठे कटआऊट लावण्यात येणार आहेत. हा संपूर्ण सोहळा ऐतिहासिक सोहळा करण्यासाठी आता भाजपकडून मोठया प्रमाणात प्रयत्न सुरु आहेत.

हे ही वाचा-