अर्थमंत्र्यांच्या वक्तव्यानंतर पेट्रोल-डिझेलच्या किमतींवर काय परिणाम? झटपट चेक करा लेटेस्ट दर
Petrol-Diesel Price : भारतीय तेल कंपन्यांकडून देशातील पेट्रोल-डिझेलच्या किमती जाहीर करण्यात आल्या आहेत. तुमच्या शहरांतील आजचे दर काय?
Petrol-Diesel Price Today 12th August 2022 : जुलै महिन्यात अर्थमंत्री निर्मला सीतारामन (Nirmala Sitharama) यांनी पेट्रोल आणि डिझेलच्या वाढत्या किमतींबाबत मोठं वक्तव्य केलं होतं. त्या म्हणाल्या होत्या की, सरकार दर 15 दिवसांनी कच्चं तेल, डिझेल-पेट्रोल आणि विमान इंधनावर (ATF) लादलेल्या नवीन कराचा आढावा घेईल. क्रूडच्या किमतीत घसरण झाल्यानंतर आणि अर्थमंत्र्यांच्या वक्तव्यानंतर देशांतर्गत बाजारात तेलाच्या किमती खाली येतील, अशी अपेक्षा तज्ज्ञांकडूनही व्यक्त केली जात होती. मात्र, गेल्या अडीच महिन्यांपासून पेट्रोल आणि डिझेलच्या दरांत कोणताही बदल झालेला नाही.
कच्च्या तेलाची घसरण आणि तेल कंपन्यांचं होणारं नुकसान यांमुळे तेलाच्या किमतींत कोणताही बदल होण्याची तज्ज्ञांना अपेक्षा नाही. गेल्या अडीच महिन्यांपासून पेट्रोल आणि डिझेलच्या दरांत कोणताही बदल झालेला नाही. गेल्या वेळी सरकारनं तेलाच्या किमतीवरील उत्पादन शुल्क कमी करून जनतेला मोठा दिलासा दिला होता.
कच्च्या तेलाच्या किमती काय?
गेल्या काही दिवसांत प्रति बॅरल 100 डॉलरच्या खाली गेलेल्या कच्च्या तेलाच्या किमती पुन्हा एकदा घसरत आहेत. WTI क्रूडची किंमत प्रति बॅरल 94.02 डॉलरपर्यंत घसरली. तर, ब्रेंट क्रूड प्रति बॅरल 99.34 डॉलरवर घसरल्याचं दिसून आलं. जुलै महिन्याच्या सुरुवातीला महाराष्ट्र सरकारनं पेट्रोलवर 5 रुपये आणि डिझेलवर 3 रुपयांची कपात करून राज्यातील जनतेला दिलासा दिला होता.
महाराष्ट्रातील इतर शहरांतील पेट्रोल-डिझेलचे दर
| शहर | पेट्रोलच्या किमती | डिझेलच्या किमती |
| मुंबई | 106.25 | 94.22 |
| पुणे | 105 | 92 |
| नागपूर | 106.03 | 92.58 |
| नाशिक | 106.74 | 93.23 |
| हिंगोली | 107.29 | 93.80 |
| परभणी | 108.92 | 95.30 |
| धुळे | 106.05 | 92.58 |
| नांदेड | 108.24 | 94.71 |
| रायगड | 105.96 | 92.47 |
| अकोला | 106.05 | 92.55 |
| वर्धा | 106.56 | 93.10 |
| नंदुरबार | 106.99 | 93.45 |
| वाशिम | 106. 37 | 93.37 |
| चंद्रपूर | 106.14 | 92.70 |
| सांगली | 105.96 | 92.54 |
| जालना | 107.76 | 94.22 |
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
