![ABP Premium](https://cdn.abplive.com/imagebank/Premium-ad-Icon.png)
पहिल्या तीन टप्प्यात मोदींच्या 83 सभा, राहुल गांधी तिसऱ्या क्रमांकावर; दुसऱ्या क्रमांकावर कोण?
प्रचारात पंतप्रधान नरेंद्र मोदी 31 मार्च ते 5 मे या पहिल्या तीन टप्प्यांत 83 प्रचारसभा घेऊन पहिल्या क्रमांकावर आहेत.
![पहिल्या तीन टप्प्यात मोदींच्या 83 सभा, राहुल गांधी तिसऱ्या क्रमांकावर; दुसऱ्या क्रमांकावर कोण? Narendra Modi's Record of 83 Election rally in first three phases, Amit shah second and Rahul Gandhi is third with 40 marathi news पहिल्या तीन टप्प्यात मोदींच्या 83 सभा, राहुल गांधी तिसऱ्या क्रमांकावर; दुसऱ्या क्रमांकावर कोण?](https://feeds.abplive.com/onecms/images/uploaded-images/2024/05/11/e97164ecf4142e7324d55231db5db90117154150931091002_original.jpg?impolicy=abp_cdn&imwidth=1200&height=675)
नवी दिल्ली : देशातील निवडणुकांच्या चौथ्या टप्प्यातील प्रचाराचा आज शेवट दिवस आहे. त्यामुळे, सर्वच दिग्गज नेतेमंडळी प्रचारासाठी उमेदवारांच्या मतदारसंघात (Loksabha Election) तळ ठोकून आहे. महाराष्ट्रात 4 थ्या टप्प्यात 11 मतदारसंघात मतदान (Voting) होत असून देशभरातील विविध राज्यात चौथ्या टप्प्यासाठी मतदान होत आहे. त्यामुळे, देशपातळीवरील नेतेही प्रचारसभांचे दौरे कर आहेत. पहिल्या तीन टप्प्यातील प्रचारसभांची आकडेवारी पाहिल्यास पंतप्रधान नरेंद्र मोदींनी (Narendra Modi) सर्वाधिक सभा घेऊन रेकॉर्ड केला आहे. पहिल्या 3 टप्प्यात मोदींनी तब्बल 83 सभा घेतल्या आहेत. त्यामुळे, प्रचारसभांच्या रणधुमाळीत मोदींचा पहिला नंबर लागतो.
प्रचारात पंतप्रधान नरेंद्र मोदी 31 मार्च ते 5 मे या पहिल्या तीन टप्प्यांत 83 प्रचारसभा घेऊन पहिल्या क्रमांकावर आहेत. तर, केंद्रीय गृहमंत्री अमित शाह दुसऱ्या क्रमांकावर आहेत. अमित शाह यांनी 66 सभा आणि रोड शो केले आहेत. या काळात पंतप्रधान मोदींनी 18 राज्ये आणि केंद्रशासित प्रदेशांमध्ये 83 निवडणूक सभा आणि 'रोड शो'मध्ये भाग घेतला आहे, याबाबत भाजपच्या सूत्रांनी दिलेल्या माहितीनुसार ही आकडेवारी समोर आली आहे. दरम्यान, मोदींच्या तुलनेत काँग्रेस नेते आणि खासदार राहुल गांधी यांनी 40 निवडणूक प्रचारसभांना संबोधित केले, तर प्रियांका गांधी यांनी 29 प्रचार सभांमधून जनतेला संबोधित केले आहे.
14 मे रोजी मोदींचा उमेदवारी अर्ज
31 मार्च ते 5 मे या तीन टप्प्यांतील निवडणूक प्रचारात सर्वाधिक निवडणूक प्रचारसभा घेण्याचा विक्रम पंतप्रधान नरेंद्र मोदी यांच्या नावावर झाला आहे. 83 निवडणूक सभा घेऊन पंतप्रधान मोदींनी आपल्या पक्षातील सर्व नेत्यांना आणि विरोधी पक्षांच्या नेत्यांना खूप मागे टाकले आहे. दरम्यान, 14 मे रोजी पंतप्रधान नरेंद्र मोदी वाराणसीमध्ये उमेदवारी दाखल करणार आहेत. तत्पूर्वी १३ मे रोजी त्यांच्या विशाल 'रोड शो'चे आयोजन करण्यात आले आहे.
शिंदे-पवार वाराणसीला जाणार
सर्व नेते वाराणसीत येणार मोदी यांच्या उमेदवारीसाठी 25 ते 30 समर्थकांची नावे निश्चित करण्यात आली आहेत. त्यामध्ये विविध जाती, जमातींचे लोक आहेत. यांना समर्थक बनवून मोदी हे कोणत्याही एका जाती-धर्माचे नसून त्यांना सर्व जाती-धर्माचा पाठिंबा मिळत आहे, असा संदेश दिला जाणार आहे.पंतप्रधानांचा उमेदवारी अर्ज भरण्याच्या प्रक्रियेदरम्यान भाजप आणि एनडीएचे सर्व वरिष्ठ नेते वाराणसीला पोहोचणार आहेत. महाराष्ट्रातून मुख्यमंत्री एकनाथ शिंदेसह, उपमुख्यमंत्री अजित पवार आणि उपमुख्यमंत्री देवेंद्र फडणवीस हेही वाराणसीला जाणार आहेत.
लोकसभा निवडणुकीत सर्वाधिक प्रचारसभा, 'रोड शो' करणारे नेते
पंतप्रधान नरेंद्र मोदी 83
केंद्रीय गृहमंत्री अमित शाह 66
काँग्रेस नेते राहुल गांधी 40
प्रियांका गांधी 29
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)