Morning Headlines 1st August: देश विदेशातील महत्त्वाच्या बातम्या एका क्लिकवर, वाचा मॉर्निंग न्यूज
देश-विदेशातील सकाळच्या महत्त्वाच्या बातम्यांचा वेगवान आढावा या बुलेटीनच्या माध्यमातून घेतला जातो. यामध्ये देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर बातम्यांचे अपडेट्स मिळतील...
देश-विदेशातील सकाळच्या महत्त्वाच्या बातम्यांचा वेगवान आढावा या बुलेटीनच्या माध्यमातून घेतला जातो. यामध्ये देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर बातम्यांचे अपडेट्स मिळतील...
पंतप्रधान नरेंद्र मोदी आज पुणे दौऱ्यावर; पोलिसांचा मोठा बंदोबस्त, विरोधक दाखवणार काळे झेंडे
पंतप्रधान नरेंद्र मोदी (Narendra modi) आज पुणे दौऱ्यावर आहेत. लोकमान्य टिळक पुरस्कार पंतप्रधान नरेंद्र मोदींना प्रदान करण्यात येणार आहे. पुरस्कार सोहळ्यासाठी शरद पवार उपस्थित राहणार आहेत. पंतप्रधान नरेंद्र मोदी या दौऱ्यात अनेक विकासकामांचं उद्घाटन आणि भूमिपूजन करणार आहेत. तसंच पुणे मेट्रोला हिरवा झेंडा दाखवून लोकार्पण करणार आहेत. यामध्ये अंडरग्राउंड मेट्रोचा देखील समावेश आहे. (वाचा सविस्तर)
समृद्धी महामार्गाचं काम सुरु असताना ठाण्यात मोठी दुर्घटना, 17 जणांचा मृत्यू; आणखी सहा ते सात जण अडकल्याची माहिती
ठाण्याजवळ शहापूर (shahapur) तालुक्यातील सरलांबे इथं समृद्धी महामार्गाच्या तिसऱ्या टप्प्याच्या कामावेळी मोठी दुर्घटना घडलीय. पुलाचं काम सुरु इसताना गर्डर मशिन कोसळली आहे. यामध्ये आत्तापर्यंत 17 जणांचा मृत्यू झाला आहे. तर चार ते पाच जण जखमी झाले आहेत. आणखी सहा जण गर्डर मशिनच्या खाली अडकल्याची शक्यता आहे. (वाचा सविस्तर)
ऑगस्टच्या पहिल्याच दिवशी आनंदाची बातमी! 100 रुपयांनी स्वस्त झाला LPG सिलेंडर, पाहा तुमच्या शहरांतील दर
भारतीय तेल कंपन्यांनी 1 ऑगस्ट रोजी घरगुती गॅस (Domestic LPG Cylinders) आणि व्यावसायिक वापराच्या सिलेंडरच्या (Commercial Cylinder) किमती अपडेट केल्या आहेत. एलपीजी सिलेंडरच्या किंमतींत बदल करण्यात आला आहे. यावेळी व्यावसायिक एलपीजी सिलेंडरच्या (LPG Cylinders) दरांत 100 रुपयांची मोठी कपात करण्यात आली आहे. या बदलामुळे देशाची राजधानी नवी दिल्लीत एलपीजी सिलिंडरची किंमत 1680 रुपयांवर पोहोचली आहे. (वाचा सविस्तर)
दिल्ली अध्यादेशाचं विधेयक आज लोकसभेत सादर होणार, संसदेत पुन्हा गदारोळ होण्याची शक्यता
दिल्लीमधील (Delhi) अधिकाऱ्यांच्या बदली पोस्टिंगसदर्भात केंद्र सरकारने काढलेल्या अध्यादेशाशी संबंधित विधेयक मंगळवार (1 ऑगस्ट) रोजी लोकसभेत (Loksabha) सादर केले जाणार आहे. केंद्रीय गृहमंत्री अमित शाह (Amit Shah) हे विधेयक सादर करणार आहेत. पण दिल्लीत सत्तेत असलेला आप (AAP) पक्ष सुरुवातीपासूनच या अध्यादेशाच्या विरोधात आहे. तसेच इतर विरोधी पक्षांकडून त्यांनी या अध्यादेशाला विरोध करण्यासाठी समर्थन देखील मागितले आहे. (वाचा सविस्तर)
हरियाणात दोन गटात झालेल्या हिंसाचारात दोन होमगार्डचा मृत्यू; परिस्थिती नियंत्रणात, जिल्ह्यात कलम 144 लागू
हरियाणाच्या (Haryana News) मेवात जिल्ह्यातील नूहमध्ये जातीय तणावाच्या प्रकरणी परिस्थिती नियंत्रणात असली तरी तणाव कायम आहे.विश्व हिंदू परिषद आणि मातृशक्ती दुर्गा वाहिनीच्या वतीने काढण्यात आलेल्या जलभिशेषक यात्रेच्या दरम्यान ह प्रकार घडला आहे. जलाभिषेक रोखण्याचा प्रयत्न करणारा जमाव आणि यात्रेतील भाविक यांच्यात झालेल्या हिंसाचारात दोन होमगार्डचा मृत्यू झाला आहे. तर दहापेक्षा अधिख पोलीस कर्मचारी जखमी झाले आहेत. नूहसह हरयाणाच्या काही जिल्ह्यांमध्ये कलम 144 लागू करण्यात आले आहे. (वाचा सविस्तर)
ओडिशामध्ये पोलिस अधिकाऱ्याच्या हत्येप्रकरणी माजी आमदारासह 13 जणांना जन्मठेप, 25 वर्षांपूर्वी आंदोलनात बॉम्ब फेकल्याचा होता आरोप
ओडिशाच्या गंजाम जिल्ह्यातील न्यायालयाने सोमवारी 25 वर्षांपूर्वी भूसंपादन विरोधी आंदोलनादरम्यान एका पोलिस कर्मचाऱ्याची हत्या केल्याप्रकरणी सीपीआय नेते आणि माजी आमदार एन नारायण रेड्डी (Narayan Reddy) यांच्यासह 13 जणांना जन्मठेपेची शिक्षा सुनावली. या प्रकरणात 22 जणांवर गुन्हा दाखल करण्यात आला होता, पण त्यातील 8 जणांचा या आधीच मृत्यू झाला आहे. (वाचा सविस्तर)
लोकमान्य टिळक यांची पुण्यतिथी, लोकशाहीर अण्णाभाऊ साठे यांची जयंती, इतिहासात आज
आजच्या दिवशी इतिहासात (Din Vishesh) काय घडलं हे जाणून घेण्याची इच्छा सर्वांनाच असते. अनेक चांगल्या वाईट घटनांनी इतिहासातील तारखा नोंदलेल्या (Today History) असतात. आज म्हणजे एक ऑगस्ट रोजी इतिहासात अनेक महत्वाच्या घटना घडल्या होत्या. आजच्याच दिवशी 1920 मध्ये लोकमान्य बाळ गंगाधर टिळक यांनी अखेरचा श्वास घेतला होता. एक ऑगस्ट 1920 रोजी महात्मा गांधी यांनी असहकार आंदोलन पुकारले. लोकशाहीर कॉम्रेड अण्णाभाऊ साठे यांची जयंती आजच आहे. याशिवाय इतिहासात अनेक महत्वाच्या घडामोडी घडल्या आहेत. (वाचा सविस्तर)
मेष आणि वृषभ राशीच्या लोकांसाठी आजचा दिवस खास, वाचा 12 राशींचं आजचं राशीभविष्य
आज वार मंगळवार दिनांक 1 ऑगस्ट 2023. आजचा दिवस काही राशींच्या लोकांसाठी खास असणार आहे. मेष आणि वृषभ राशींच्या लोकांसाठी आजचा दिवस लाभदायी ठरणार आहे. तर काही राशींच्या लोकांनी आज आरोग्याची काळजी घेणं गरजेचं आहे. पाहुयात आजचा दिवस मेष ते मीन या राशींच्या लोकांसाठी कसा राहील. (वाचा सविस्तर)
महत्त्वाच्या बातम्या
ट्रेंडिंग न्यूज
